സമര്‍പ്പിത സേവനത്തിനുള്ള അംഗീകാരം -ജോസ് കെ. മാണി

കോട്ടയം: പാലാ ജനറല്‍ ആശുപത്രിക്ക് കെ.എം. മാണിയുടെ പേര്​ നല്‍കാനുള്ള സര്‍ക്കാര്‍ തീരുമാനത്തെ സ്വാഗതം ചെയ്യുന്നതായി കേരള കോണ്‍ഗ്രസ് എം ചെയര്‍മാന്‍ ജോസ് കെ. മാണി എം.പി. ആധുനിക സൗകര്യങ്ങളോടെ പാലാ ജനറല്‍ ആശുപത്രിയുടെ നിർമാണം പൂര്‍ത്തിയായതിന് പിന്നില്‍ കെ.എം. മാണിയുടെ നിരന്തരമായ ഇടപെടലും പരിശ്രമവുമുണ്ടായിരുന്നു. ഈ തീരുമാനം അദ്ദേഹത്തിന്‍റെ സമര്‍പ്പിത സേവനത്തിനുള്ള അംഗീകാരമാണ്. സർക്കാറിനും മുഖ്യമന്ത്രി പിണറായി വിജയനും പ്രത്യേകം നന്ദി അറിയിക്കുന്നതായും ജോസ്​ കെ. മാണി പ്രസ്താവനയിൽ പറഞ്ഞു.