ഇരട്ടപ്പാതയിൽ വേഗപരിശോധന നടത്തി

കോട്ടയം: ഏറ്റുമാനൂര്‍-ചിങ്ങവനം ഇരട്ടപ്പാതയിൽ ചൊവ്വാഴ്ച വീണ്ടും വേഗപരിശോധന നടത്തി. രണ്ടു ബോഗികളുള്ള എൻജിൻ ഉപയോഗിച്ച്​ കുറുപ്പന്തറ സ്‌റ്റേഷനില്‍നിന്ന്​ ചിങ്ങവനംവരെയാണ്​ റെയിൽവേ നിർമാണ വിഭാഗത്തി‍ൻെറ നേതൃത്വത്തിൽ പരിശോധന നടത്തിയത്​. പരിശോധനയുടെ റിപ്പോർട്ട്​ റെയിൽവേയുടെ ചെന്നൈ ഓഫിസിലേക്ക്​ കൈമാറും. റിപ്പോർട്ട്​ പരിഗണിച്ചായിരിക്കും വേഗപരിധി ഉയർത്തുന്ന കാര്യത്തിൽ തീരുമാനമെടുക്കുക. നിലവിൽ 50 കിലോമീറ്ററാണ്​ വേഗം. ഇത്​ 80 ആക്കി ഉയർത്തുന്നതി‍ൻെറ ഭാഗമായാണ്​ രണ്ടാമത്​ പരിശോധന​. കഴിഞ്ഞ മാസമാണ്​ ഇരട്ടപ്പാത നിർമാണം പൂർത്തിയാക്കി തുറന്നുകൊടുത്തത്​. അതിന്​ മുന്നോടിയായി റെയിൽവേ സുരക്ഷ കമീഷൻ വേഗപരിശോധന നടത്തിയിരുന്നു. എന്നാൽ, ഒന്നാം പ്ലാറ്റ്​​ഫോമി‍ൻെറ പണി നടക്കുന്നതിനാൽ ​സാ​ങ്കേതിക കാരണങ്ങൾ ചൂണ്ടിക്കാട്ടി 50 കിലോമീറ്ററായി നിജപ്പെടുത്തി. ഒന്നാം പ്ലാറ്റ്​​ഫോമി‍ൻെറ പണി പൂർത്തിയായതോടെയാണ്​ റെയിൽവേ നിർമാണ വിഭാഗത്തി‍ൻെറ നേതൃത്വത്തിൽ രണ്ടാമ​ത്​ വേഗപരിശോധന നടത്തുന്നത്​. രണ്ടാമത്തെ പാതയിൽ നിലവിൽ 80-90കിലോമീറ്ററാണ്​ വേഗത.