യോഗ ഒളിമ്പ്യാഡിൽ രേവതിക്ക് സ്വർണം

എരുമേലി: ഡൽഹിയിൽ നടന്ന ദേശീയ യോഗ ഒളിമ്പ്യാഡിൽ സ്വർണം കരസ്ഥമാക്കി രേവതി അഭിമാനമായി. പരിമിതമായ ജീവിത ചുറ്റുപാടുകളിൽനിന്നും കഠിനമായ പ്രയത്നത്തിലൂടെയാണ് ലക്ഷ്യത്തിലെത്താൻ സാധിച്ചത്. എരുമേലി പഞ്ചായത്തിൽ ചെമ്പകപ്പാറ കൊച്ചുതുണ്ടിയിൽ രാജേഷ്-രാജി ദമ്പതികളുടെ മകളായ രേവതി വെൺകുറിഞ്ഞി എസ്.എൻ.ഡി.പി ഹൈസ്കൂൾ പത്താം ക്ലാസ് വിദ്യാർഥിനിയാണ്. തിരുവനന്തപുരത്ത് നടന്ന സംസ്ഥാന യോഗ ചാമ്പ്യൻഷിപ്പിലും രേവതി സ്വർണം നേടിയിരുന്നു. കഴിഞ്ഞ അഞ്ചുവർഷമായി നിരന്തരമായി നടത്തിയ പരിശീലനമാണ് രേവതിക്ക് സ്വർണം നേടിക്കൊടുത്തത്. സഹോദരൻ രാഹുൽ.