നായെ ഇടിക്കാതെ വെട്ടിച്ചുമാറ്റിയ കാര്‍ ഓടയിലേക്ക് മറിഞ്ഞു

നെടുംകുന്നം: തെരുവുനായെ ഇടിക്കാതെ വെട്ടിച്ചുമാറ്റിയ കാര്‍ നിയന്ത്രണംവിട്ട് വൈദ്യുതി പോസ്റ്റ് ഇടിച്ചുതകര്‍ത്തശേഷം ഓടയിലേക്ക് മറിഞ്ഞു. ഞായറാഴ്ച ഉച്ചക്ക്​ 12.45ന് കറുകച്ചാല്‍-മണിമല റോഡില്‍ മഠത്തുംപടിയിലായിരുന്നു അപകടം. കറുകച്ചാലില്‍നിന്ന്​ നെടുംകുന്നം ഭാഗത്തേക്കുപോയ നെടുംകുന്നം എള്ളുകാലായില്‍ പ്രിന്‍സ് ജേക്കബ് (36) ഓടിച്ച കാറാണ് അപകടത്തില്‍പെട്ടത്. പരിക്കേറ്റ പ്രിന്‍സിനെ നാട്ടുകാര്‍ ചേര്‍ന്ന് കറുകച്ചാലിലെ സ്വകാര്യ ആശുപത്രിയില്‍ പ്രവേശിപ്പിച്ചു. കെ.എസ്.ഇ.ബി അധികൃതരെത്തി പോസ്റ്റ് മാറ്റിയശേഷമാണ് വൈദ്യുതിബന്ധം പുനഃസ്ഥാപിച്ചത്. പടം നെടുംകുന്നം മഠത്തുംപടിയില്‍ അപകടത്തില്‍പെട്ട കാര്‍