ബോധവത്​കരണം നടത്തി

ഈരാറ്റുപേട്ട: ദുരന്തനിവാരണ പ്രവർത്തനത്തിൽ ഹാം റേഡിയോ അഥവ അമേച്വർ റേഡിയോയുടെ പ്രാധാന്യത്തെപ്പറ്റിയുള്ള ബോധവത്​കരണ പരിപാടി പാലാ അമേച്വർ റേഡിയോ ലീഗി‍ൻെറ ആഭിമുഖ്യത്തിൽ നടത്തി. പാലാ ഗുഡ്​വിൽ ഇൻസ്റ്റിറ്റ്യൂട്ട് ഓഫ് ടെക്നോളജിയിലാണ് സംഘടിപ്പിച്ചത്. അഡ്മിനിസ്ട്രേറ്റ് പി.ആർ. രാജി ഉദ്ഘാടനം ചെയ്തു. പാലാ ഗുഡ്​വിൽ ഇൻസ്റ്റിറ്റ്യൂട്ട് ഓഫ് ടെക്നോളജി, ഗവ. പോളിടെക്നിക്, ട്രോണിക്സ് എൻജിനീയറിങ്​ ഇൻസ്റ്റിറ്റ്യൂട്ട് എന്നീ വിദ്യാഭ്യാസ സ്ഥാപനങ്ങളിലെ വിദ്യാർഥികൾ പങ്കെടുത്തു. ജോർജ് തോമസ്, ദീപക്, അഫ്സൽ, ബിജുമോൻ, രാധാകൃഷ്ണൻ, ജിബു, ശ്രീനാഥ് തുടങ്ങിയവർ സംസാരിച്ചു.