പങ്കെടുക്കാത്തത് നേതാക്കൾ മാത്രം -കുഞ്ഞാലിക്കുട്ടി

കോട്ടയം: ലോകകേരള സഭയിൽ പ​ങ്കെടുക്കാൻ ഘടകകക്ഷികളുടെ പ്രവാസി സംഘടനകൾക്ക്​ അനുമതി നൽകിയിട്ടുണ്ടെന്ന്​ മുസ്‌ലിംലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി. യു.ഡി.എഫ് നേതാക്കൾ മാത്രമാണ് പങ്കെടുക്കാത്തത്​. ഈ വിഷയത്തിൽ രാഷ്ട്രീയം കൂട്ടിക്കലർത്തണ്ട കാര്യമില്ല. ലോകകേരള സഭയിൽ പങ്കെടുക്കേണ്ടെന്നത് യു.ഡി.എഫിന്‍റെ വിശാലമായ തീരുമാനമാണ്. രാഷ്ട്രീയം നോക്കാതെ പ്രവാസികളെല്ലാവരും ലോകകേരള സഭയിൽ പങ്കെടുത്തോട്ടെ എന്ന നിലപാടാണ് മുസ്‌ലിംലീഗിനെന്നും അദ്ദേഹം പറഞ്ഞു.