അഗ്നിപഥ് പ്രക്ഷോഭം തൊഴിൽരഹിതരുടെ സമരകാഹളം -ഇ.വി. പ്രകാശ്

കോട്ടയം: രൂക്ഷമായ തൊഴിലില്ലായ്മയുടെ തിക്തഫലം അനുഭവിക്കുന്ന ഇന്ത്യയിലെ ലക്ഷക്കണക്കായ ചെറുപ്പക്കാരുടെ സമരകാഹളമാണ് അഗ്നിപഥ് പ്രക്ഷോഭമെന്ന് ഓൾ ഇന്ത്യ ഡെമോക്രാറ്റിക് യൂത്ത് ഓർഗനൈസേഷൻ (എ.ഐ.ഡി.വൈ.ഒ) സംസ്ഥാന പ്രസിഡന്‍റ്​ ഇ.വി. പ്രകാശ്. അഗ്നിപഥ് പദ്ധതി ഉടൻ പിൻവലിക്കണമെന്ന് ആവശ്യപ്പെട്ടുകൊണ്ടും ഉത്തരേന്ത്യയിൽ സമരംചെയ്യുന്ന യുവാക്കൾക്ക് ഐക്യദാർഢ്യം അർപ്പിച്ചുകൊണ്ടും എ.ഐ.ഡി.വൈ.ഒ, എ.ഐ.ഡി.എസ്.ഒ സംഘടനകൾ സംയുക്തമായി നഗരത്തിൽ സംഘടിപ്പിച്ച പ്രതിഷേധ പരിപാടി ഉദ്ഘാടനം ചെയ്യുകയായിരുന്നു അദ്ദേഹം. പൊതുമേഖല സ്ഥാപനങ്ങൾ സ്വകാര്യവത്​കരിക്കുകയും സ്ഥിരംതൊഴിൽ സമ്പ്രദായം ഇല്ലാതാക്കുകയും ചെയ്യുന്ന ആഗോളവത്​കരണ നയങ്ങളുടെ ഭാഗമാണ് ഈ പരിഷ്കാരമെന്നും അദ്ദേഹം കൂട്ടിച്ചേർത്തു. എ.ഐ.ഡി.വൈ.ഒ ജില്ല പ്രസിഡന്‍റ്​ രജിത ജയറാം അധ്യക്ഷതവഹിച്ചു. എ.ഐ.ഡി.വൈ.ഒ ജില്ല സെക്രട്ടറി അരവിന്ദ് വേണുഗോപാൽ, ജില്ല കമ്മിറ്റി അംഗങ്ങളായ മനോഷ് മോഹൻ, ഡി. ആദർശ്, അഖിൽ രവിക്കുട്ടൻ, ലക്ഷ്മി സദാനന്ദൻ, അനാമിക എസ്.ഗോപാൽ, ബിയ ചെറിയാൻ, അരവിന്ദ് എസ്.ഗോപാൽ എന്നിവർ സംസാരിച്ചു. പടം: KTL AIDSO അഗ്നിപഥ് പദ്ധതി പിൻവലിക്കണമെന്ന് ആവശ്യപ്പെട്ട്​ നഗരത്തിൽ സംഘടിപ്പിച്ച പ്രതിഷേധ പരിപാടി എ.ഐ.ഡി.വൈ.ഒ സംസ്ഥാന പ്രസിഡന്‍റ്​ ഇ.വി. പ്രകാശ് ഉദ്ഘാടനം ചെയ്യുന്നു