മതസൗഹാർദ വേദിയായി മുസ്​ലിംലീഗി‍െൻറ സുഹൃദ്​ സദസ്സ്​​

മതസൗഹാർദ വേദിയായി മുസ്​ലിംലീഗി‍ൻെറ സുഹൃദ്​ സദസ്സ്​​ കോട്ടയം: മതമേലധ്യക്ഷരെയും സംഘടന ഭാരവാഹികളെയും പ​ങ്കെടുപ്പിച്ച്​ മുസ്​ലിംലീഗ്​ സംഘടിപ്പിച്ച സുഹൃദ്​ സദസ്സ്​​ മതസൗഹാർദ വേദിയായി. ആശയങ്ങൾ പങ്കുവെക്കുന്നതിനൊപ്പം വിയോജിപ്പുകളും ചർച്ചചെയ്തു. സാമുദായിക അരക്ഷിതാവസ്ഥയുടെ നടുവിലാണ്​ ക്രൈസ്തവ സമൂഹമെന്ന്​ സിറോ മലബാർ സഭ കാഞ്ഞിരപ്പള്ളി വികാരി ജനറൽ ഫാ. ബോബി അലക്സ്​ മണ്ണം പ്ലാക്കൽ പറഞ്ഞു. സാമുദായിക അസന്തുലിതാവസ്ഥ മൂലം യുവതലമുറ വിദേശങ്ങളിലേക്ക്​ ചേക്കേറുകയാണ്​​. രാഷ്ട്രീയത്തിലായാലും സാമൂഹികക്ഷേമപദ്ധതികളായാലും തങ്ങൾക്ക്​ കിട്ടിയില്ല. മറ്റുള്ളവർക്ക്​​ കിട്ടുന്നു എന്ന ചിന്ത വളർന്നുവരുന്നു. ഇത്തരം ചിന്തകൾ പരിഹരിക്കാൻ സുഹൃദ്​സദസ്സുകൾക്ക്​ കഴിയണമെന്നും അദ്ദേഹം കൂട്ടച്ചേർത്തു. കോട്ടയം മതസൗഹാർദത്തി‍ൻെറ നാടാണെന്ന്​ നടൻ പ്രേംപ്രകാശ്​ പറഞ്ഞു. 'കുറിവരച്ചാലും കുരിശുവരച്ചാലും...' എന്നുതുടങ്ങുന്ന പാട്ടുപാടിയാണ്​ പിന്നണി ഗായിക വൈക്കം വിജയലക്ഷ്​മി സാമുദായിക ഐക്യശ്രമങ്ങൾക്ക്​ പിന്തുണയറിയിച്ചത്​. അന്നം തരുന്നതാരാണോ അതാണ്​ തനിക്ക്​ ദൈവമെന്ന്​ നടൻ കോട്ടയം നസീർ പറഞ്ഞു. ഹൈന്ദവ ക്ഷേത്രങ്ങളിൽ പരിപാടികൾക്ക്​ പോവുമ്പോൾ തൊഴാറുണ്ടോ എന്ന്​ പലരും ചോദിക്കാറുണ്ട്​. പ്രതിഷ്​ഠയും ക്ഷേത്രവും ഭക്തജനങ്ങളും ഉള്ളതിനാലാണ്​ തനിക്ക്​ പരിപാടികൾ അവതരിപ്പിച്ച്​ ജീവിക്കാൻ കഴിയുന്നതെന്നാണ്​ താൻ അവരോട്​ പറയാറുള്ളതെന്നും നസീർ ഓർമിച്ചു. മുസ്​ലിംലീഗ്​ സംസ്ഥാന പ്രസിഡന്‍റ്​ സാദിഖലി ശിഹാബ്​ തങ്ങൾ, ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി, സംസ്ഥാന ജനറൽ സെക്രട്ടറി പി.എം.എ. സലാം, ജില്ല പ്രസിഡന്‍റ്​ അസീസ് ബഡായിൽ, മുൻ മുഖ്യമന്ത്രി ഉമ്മൻ ചാണ്ടി, മോൻസ്​ ജോസഫ്​ എം.എൽ.എ, തിരുവഞ്ചൂർ രാധാകൃഷ്ണൻ എം.എൽ.എ, മുഹമ്മദ്​ നദീർ മൗലവി അൽ കൗസരി, സൂര്യകാലടിമന സൂര്യ നമ്പൂതിരി, ഷിഫാർ മൗലവി അൽകൗസരി, ജമാഅത്തെ ഇസ്​ലാമി ജില്ല പ്രസിഡന്‍റ്​ എം.എം.എ. സമദ്​, മള്ളിയൂർ പരമേശ്വരൻ നമ്പൂതിരി, മുൻമന്ത്രി കെ.സി. ​ജോസഫ്​, സണ്ണി എം.കപിക്കാട്​ തുടങ്ങിയ പ്രമുഖർ പ​ങ്കെടുത്തു.