പ്രവാചക നിന്ദക്കെതിരെ പ്രതിഷേധറാലി ഇന്ന്​

കോട്ടയം: പ്രവാചകനിന്ദ നടത്തിയ ബി.ജെ.പി നേതാക്കളെ അറസ്റ്റ് ചെയ്യണമെന്നും പ്രവാചക നിന്ദക്കെതിരെ സമാധാനപരമായി പ്രതിഷേധിക്കുന്നവരെ വേട്ടയാടുന്ന കേന്ദ്രസർക്കാർ നടപടി അവസാനിപ്പിക്കണമെന്നും ആവശ്യപ്പെട്ട്​ താലൂക്കിലെ മുഴുവൻ മഹല്ലുകളും സംയുക്തമായി കോട്ടയം താലൂക്ക് മുസ്​ലിം കോഓഡിനേഷന്‍റെ നേതൃത്വത്തിൽ വെള്ളിയാഴ്ച വൈകീട്ട്​ 4.30ന് പ്രതിഷേധറാലിയും പൊതുസമ്മേളനം നടത്തും. ചങ്ങനാശ്ശേരി പഴയപള്ളി ഇമാം ഡോ. ഹാഫിസ് ജുനൈദ് ജൗഹരി അസ്ഹരി മുഖ്യപ്രഭാഷണം നടത്തും. must ------------------------------------- കേരള കോൺഗ്രസ് ഏകദിന ഉപവാസം നാളെ കോട്ടയം: എൽ.ഡി.എഫ്​ സർക്കാറിന്‍റെ ജനദ്രോഹ ദുർഭരണം തുറന്നുകാട്ടാനും ആരോപണവിധേയനായ മുഖ്യമന്ത്രി അധികാരത്തിൽനിന്ന്​ മാറിനിൽക്കണമെന്ന്​ ആവശ്യപ്പെട്ടും കേരള കോൺഗ്രസ് ജില്ല കമ്മിറ്റി ശനിയാഴ്ച രാവിലെ 10 മുതൽ വൈകീട്ട് അഞ്ചുവരെ കോട്ടയം ഗാന്ധി സ്ക്വയറിന് സമീപം ഏകദിന ഉപവാസസമരം സംഘടിപ്പിക്കും. ചെയർമാൻ പി.ജെ. ജോസഫ് ഉദ്ഘാടനം ചെയ്യും. ജില്ല പ്രസിഡൻറ് സജി മഞ്ഞക്കടമ്പിൽ അധ്യക്ഷതവഹിക്കും.