പി.ആർ.ഡി.എസ് ഉപവാസ യോഗം ഇന്ന്​ മുതൽ

തിരുവല്ല: പൊയ്കയിൽ ശ്രീകുമാരഗുരുദേവ​ന്‍റെ ദേഹവിയോഗത്തിന്‍റെ 83ാ മത് വാർഷികം പ്രത്യക്ഷ രക്ഷാ ദൈവസഭ ജൂൺ 15 മുതൽ 29 വരെ ആചരിക്കും. ഉപവാസത്തോടു കൂടിയ പാട്ടും പ്രാർഥനയും യോഗങ്ങളുമാണ് ഈ ദിനങ്ങളിൽ നടക്കുക. 15 മുതൽ 27 വരെ ശാഖാതലങ്ങളിൽ നടക്കുന്ന യോഗങ്ങളിൽ ഗുരുകുല ഉപദേഷ്ടാക്കൻമാരും സഭയുടെ നേതൃത്വത്തിൽപ്പെട്ട പ്രമുഖ വ്യക്തികളും വിവിധ അവസരങ്ങളിലായി പങ്കെടുക്കും. 28ന് ശാഖകളിൽനിന്ന് പദയാത്രികരായി എത്തുന്ന വിശ്വാസികളെ ഇരവിപേരൂർ ജങ്​ഷനിൽ സഭ സ്വീകരണം നൽകി വിശുദ്ധ മണ്ഡപത്തിൽ പ്രാർഥന അർപ്പിക്കും. 29ന് പുലർച്ച ഗുരുദേവൻ വിശ്രമിച്ച വിശുദ്ധ കുടിലിൽ ദേഹവിയോഗ അനുസ്മരണ പ്രാർഥന നടക്കും. തുടർന്ന് വിശുദ്ധ മണ്ഡപത്തിൽ പ്രത്യേക പ്രാർഥനയും ആത്മീയ യോഗങ്ങളും ഉപവാസ യോഗ സമാപനവും നടക്കും.