കുടുംബ സഹായഫണ്ട് കൈമാറി

മണിമല: പണിസ്ഥലത്ത് ഇടിമിന്നലേറ്റ് മരണമടഞ്ഞ വെള്ളാവൂർ പൊട്ടുകുളം മരോട്ടിക്കൽ അനീഷി‍ൻെറ കുടുംബത്തെ സഹായിക്കാനായി വെള്ളാവൂർ പഞ്ചായത്തിലെ വിവിധ വാർഡുകളിൽനിന്ന് സമാഹരിച്ച 5,85,131 രൂപ പഞ്ചായത്ത് പ്രസിഡന്‍റ്​ ടി.എസ്. ശ്രീജിത്, വൈസ് പ്രസിഡന്‍റ്​ ഷിനി സതീഷ് എന്നിവർ ചേർന്ന് കുടുംബാംഗങ്ങൾക്ക് കൈമാറി. ചടങ്ങിനോട്​ അനുബന്ധിച്ച് നടന്ന യോഗം വാഴൂർ ബ്ലോക്ക് പഞ്ചായത്ത്​ അഗം ശ്രീജിത്ത് വെള്ളാവൂർ ഉദ്ഘാടനം ചെയ്തു. പഞ്ചായത്ത്​ അംഗം പി. രാധാകൃഷ്ണൻ അധ്യക്ഷതവഹിച്ചു. പഞ്ചായത്ത്​ അംഗങ്ങളായ പി.ടി. അനൂപ്, സന്ധ്യ റജി, ബിനോദ് ജി.പിള്ള, ആതിര വേണുഗോപാൽ, സി.ഡി.എസ് ചെയർപേഴ്സൻ മാലിനി എന്നിവർ സംസാരിച്ചു.