സംഘ്​പരിവാർ ഭീകരതക്കും പൊലീസ് നരനായാട്ടിനുമെതിരെ പ്രതിഷേധിച്ചു

ഈരാറ്റുപേട്ട: പ്രവാചകനിന്ദക്കെതിരെ പ്രതിഷേധിച്ചതി‍ൻെറ പേരിൽ യു.പി പൊലീസ് അറസ്റ്റ് ചെയ്യുകയും തുടർന്ന് വീട് പൊളിച്ചുകളയുകയും ചെയ്ത ജാവേദ് മുഹമ്മദിനും അഫ്രിൻ ഫാത്തിമക്കും ഐക്യദാർഢ്യം പ്രഖ്യാപിച്ചും മലപ്പുറത്തെ പൊലീസ് നരനായാട്ടിൽ പ്രതിഷേധിച്ചും ഫ്രറ്റേണിറ്റി മൂവ്മെന്‍റ്​ മുനിസിപ്പൽ കമ്മിറ്റിയുടെ ആഭിമുഖ്യത്തിൽ പ്രകടനം നടത്തി. മാർക്കറ്റ് റോഡിൽനിന്ന്​ ആരംഭിച്ച പ്രകടനം ടൗൺ ചുറ്റി സെൻട്രൽ ജങ്​ഷനിൽ സമാപിച്ചു. ഫാറൂഖ് സമദ്, സമീർ ബിൻ ഷറഫ്, ഹാഷിം, ഫിറോസ് മുഹമ്മദ്​, റിസ്​ല, ബയാന ഷഹീർ, ഡോ. സഹല ഫിർദൗസ്, അനീഷ് ഹാറൂൻ തുടങ്ങിയവർ നേതൃത്വം നൽകി. പടം ഫ്രറ്റേണിറ്റി മൂവ്മെന്‍റ്​ ഈരാറ്റുപേട്ട ടൗണിൽ നടത്തിയ പ്രകടനം