നഗരമധ്യത്തിലെ സ്‌കൂളിൽനിന്ന്​ കാണാതായ വിദ്യാർഥിനികളെ കണ്ടെത്തി

കോട്ടയം: . എട്ട്​, ഒമ്പത്​, 10 ക്ലാസിൽ പഠിക്കുന്ന മൂന്ന് പെൺകുട്ടികളെയാണ് തിങ്കളാഴ്ച രാവിലെ മുതൽ കാണാതായത്. രണ്ടു അസം സ്വദേശികളായ പെൺകുട്ടികളെയും ഇവരോടൊപ്പം പഠിക്കുന്ന ഒരുമലയാളി പെൺകുട്ടിയെയുമാണ് കാണാതായത്. സ്‌കൂളിലേക്കെന്ന പേരിൽ വീട്ടിൽനിന്ന്​ ഇറങ്ങിയ ഇവർ എത്താതെ വന്നതോടെ അധികൃതർ മാതാപിതാക്കളെ ബന്ധപ്പെടുകയായിരുന്നു. തുടർന്ന്, മാതാപിതാക്കൾ വെസ്റ്റ് പൊലീസിൽ പരാതിനൽകി. ഇതിനിടെയാണ് മറ്റൊരു കുട്ടിയെ കൂടി കാണാനില്ലെന്നും അറിഞ്ഞത്. പൊലീസ് നടത്തിയ അന്വേഷണത്തിൽ കുട്ടികളിൽ ഒരാളെ നഗരത്തിലെ തിയറ്ററിൽനിന്ന്​ കണ്ടെത്തി. അസം സ്വദേശികളായ പെൺകുട്ടികളെ വൈകുന്നേരത്തോടെ മേലുകാവിൽനിന്ന്​ കണ്ടെത്തി. മുൻ ഹോസ്റ്റൽ വാർഡനെ കാണാൻ പോയതാണെന്നാണ് ഇവർ അറിയിച്ചതെന്ന് വെസ്റ്റ് എസ്.ഐ ടി. ശ്രീജിത് പറഞ്ഞു. കുട്ടികളെ പൊലീസ് ബന്ധുക്കൾക്ക്​ കൈമാറി.