പ്രായപൂർത്തിയാകാത്ത പെൺകുട്ടിയെ പീഡിപ്പിച്ച യുവാവ്​ അറസ്റ്റിൽ

ഗാന്ധിനഗർ: മെഡിക്കൽ കോളജിൽ രോഗിയായ മാതാവിന്​ കൂട്ടിരിക്കാൻ വന്ന പ്രായപൂർത്തിയാകാത്ത പെൺകുട്ടിയെ പീഡിപ്പിച്ച യുവാവിനെ ഗാന്ധിനഗർ പൊലീസ് അറസ്റ്റ്​ ചെയ്തു. പത്തനംതിട്ട ആറന്മുള സ്വദേശി പ്രവീണാണ്​ (24) അറസ്റ്റിലായത്. ഒരുമാസം മുമ്പായിരുന്നു സംഭവം. രോഗംബാധിച്ച് മെഡിക്കൽ കോളജിൽ ചികിത്സയിലിരുന്ന മാതാവിനെ സഹായിക്കാൻ എത്തിയതായിരുന്നു പെൺകുട്ടി. ഇതേസമയം പ്രവീണിന്‍റെ മാതാവും രോഗബാധിതയായി ആശുപത്രിയിലായിരുന്നു. ഗാന്ധിനഗർ എസ്.എച്ച്.ഒ കെ. ഷിജിയുടെ നേതൃത്വത്തിലുള്ള സംഘം ആന്ധ്രയിൽനിന്നാണ്​ പ്രവീണിനെ കസ്റ്റഡിയിലെടുത്തത്​. ചിത്രം: ktl praveen പ്രതി പ്രവീൺ