രേഖകളിലില്ലാതെ വിൽപനക്ക്​ കൊണ്ടുപോയ സ്വർണം ഇന്‍റലിജൻസ്‌ പിടികൂടി

കോട്ടയം: രേഖകളിലില്ലാതെ വിൽപനക്കായി കൊണ്ടുപോയ സ്വർണം ജി.എസ്‌.ടി ഇന്‍റലിജൻസ്‌ വിഭാഗം പിടികൂടി. ചന്തക്കവലയിലെ ജ്വല്ലറിയിൽനിന്ന്​ സ്വർണവുമായി വന്ന ഇടുക്കി സ്വദേശിയാണ്‌ പിടിയിലായത്​. ഉദ്യോഗസ്ഥരെ കണ്ട്‌ ഓടിയ ഇയാളെ ഓടിച്ചിട്ട്​ പിടികൂടുകയായിരുന്നു. ഇടുക്കിയിലെ ജ്വല്ലറിയിലേക്കാണ്​ സ്വർണം കൊണ്ടുപോയത്‌. 311 ഗ്രാം സ്വർണമാണ്‌ പിടികൂടിയത്‌. നികുതി ഇനത്തിൽ 16 ലക്ഷം രൂപ അടക്കാൻ ഇയാൾക്ക്‌ നോട്ടീസ്‌ നൽകി. അല്ലാത്തപക്ഷം നിയമനടപടി സ്വീകരിക്കും. ഡെപ്യൂട്ടി കമീഷണർ ആർ. പ്രദീപിന്‍റെ നിർദേശപ്രകാരം ഇന്‍റലിജൻസ്‌ സ്ക്വാഡ്‌ നാല്‌ ഓഫിസർ ജി.ആർ. മഹേഷിന്‍റെ നേതൃത്വത്തിൽ ഇൻസ്‌പെക്‌ടർമാരായ പി.സി. സുരേഷ്‌ ബാബു, ബിന്ദുമോൾ മാത്യു, അതുൽ പ്രദീപ്‌ എന്നിവരുടെ നേതൃത്വത്തിലാണ്​ സ്വർണം പിടിച്ചെടുത്തത്‌.