കൃത്രിമ ഹൃദയം മാറ്റിവെക്കൽ: അന്താരാഷ്ട്ര ശിൽപശാല നാളെ

കോട്ടയം: ​​കൃത്രിമ ഹൃദയം മാറ്റിവെക്കൽ ശസ്ത്രക്രിയയിലെ നൂതന മാറ്റങ്ങളെക്കുറിച്ച്​ ചെങ്ങന്നൂർ കല്ലിശ്ശേരിയിലെ ഡോ. കെ.എം. ചെറിയാൻ ഇൻസ്റ്റിറ്റ്യൂറ്റ്​ ഓഫ് മെഡിക്കൽ സയൻസസിൽ അന്താരാഷ്ട്ര ശിൽപശാല സംഘടിപ്പിക്കുന്നു. കെ.എം. ചെറിയാൻ ഇൻസ്റ്റിറ്റ്യൂട്ടിനെ സമ്പൂർണ ഹൃദയം മാറ്റിവെക്കൽ കേന്ദ്രമാക്കി മാറ്റുകയെന്ന ലക്ഷ്യത്തോടെയുള്ള ആദ്യചുവടുവെപ്പാണിത്​. ഹൃദയസ്തംഭനം, കൃത്രിമ ഹൃദയം, കൃത്രിമമായി വളർത്തിയെടുക്കുന്ന അവയവം എന്നിവയെക്കുറിച്ച്​ ചർച്ചചെയ്യുന്ന ശിൽപശാലയിൽ ബ്രസീലിലെ ഹൃദ്രോഗ വിദഗ്​ധൻ ഡോ. നോഡിർ സ്റ്റോൾഫ്, യൂറോപ്യൻ ആർട്ടിഫിഷ്യൽ ഹാർട്ട് സൊസൈറ്റി പ്രസിഡന്‍റ്​ ഡോ. ഇവാൻ നെറ്റുക തുടങ്ങിയവർ പ​ങ്കെടുക്കുമെന്ന്​ കെ.എം. ചെറിയാൻ ഇൻസ്റ്റിറ്റ്യൂറ്റ്​ ഓഫ് മെഡിക്കൽ സയൻസസ്​ ചീഫ്​ ഓഫ്​ സ്റ്റാഫും ഡയറക്ടറും ​ഹൃദ്രോഗ വിദഗ്​ധനുമായ ഡോ.​ കെ.എം. ചെറിയാൻ വാർത്തസമ്മേളനത്തിൽ പറഞ്ഞു. ഞായറാഴ്ച രാവിലെ 10.30ന്​ ഗവർണർ ആരിഫ് മുഹമ്മദ് ഖാൻ ശിൽപശാല ഉദ്ഘാടനം ചെയ്യും. മന്ത്രി സജി ചെറിയാൻ അധ്യക്ഷത വഹിക്കും. കൊടിക്കുന്നിൽ സുരേഷ് എം.പി, മോൻസ് ജോസഫ് എം.എൽ.എ, തിരുവൻവണ്ടൂർ പഞ്ചായത്ത് പ്രസിഡന്‍റ്​ പി.വി. സാജൻ, ആശുപത്രി ചെയർമാൻ പി.എം. സെബാസ്റ്റ്യൻ, ഡോ. കെ.എം. ചെറിയാൻ, മാനേജിങ്​ ഡയറക്ടർ ഫാ. അലക്സാണ്ടർ കൂടാരത്തിൽ, വൈസ് ചെയർമാൻ സിബിൻ സെബാസ്റ്റ്യൻ എന്നിവർ പ​ങ്കെടുക്കും. അന്തർദേശീയ, ദേശീയ തലത്തിലുള്ള ഡോക്ടർമാർ​ ക്ലാസുകൾ നയിക്കും. 2021 മാർച്ചിൽ കല്ലിശ്ശേരിയിൽ പ്രവർത്തനം ആരംഭിച്ച കെ.എം. ചെറിയാൻ ഇൻസ്റ്റിറ്റ്യൂറ്റിൽ ഹൃദയം തകരാറിലായ രോഗികൾക്കായി സമഗ്രമായ പരിചരണ വിഭാഗം ആരംഭിച്ചിട്ടുണ്ട്​. ആൻജിയോപ്ലാസ്​റ്റികൾ, പേസർമേക്കർ ഇൻസേർഷനുകൾ, ഇലക്​ട്രോഫിസിയോളജി സ്റ്റഡീസ്​, ബൈപാസ്​ ആൻഡ്​​ വാസ്​കുലർ സർജറികൾ എന്നിവക്കുള്ള സൗകര്യമുമുണ്ട്​. കെ.എം. ചെറിയാൻ ഇൻസ്റ്റിറ്റ്യൂറ്റ്​ ഓഫ് മെഡിക്കൽ സയൻസസ് മാനേജിങ്​ ഡയറക്ടർ ഫാ. അലക്സാണ്ടർ കൂടാരത്തിൽ, ​വൈസ്​ ചെയർമാൻ സിബിൻ സെബാസ്റ്റ്യൻ എന്നിവരും വാർത്തസമ്മേളനത്തിൽ പ​​ങ്കെടുത്തു. --പടം-