പ്ലസ്​ ടു വിദ്യാർഥിനിയെ വെട്ടിക്കൊല്ലാൻ ശ്രമിച്ച സഹപാഠി അറസ്റ്റിൽ

മൂന്നാർ: പ്ലസ് ടു വിദ്യാർഥിനിയെ വെട്ടിപ്പരിക്കേൽപിച്ച സംഭവത്തിൽ പ്രതിയെ അറസ്റ്റ് ചെയ്തു. നല്ലതണ്ണി എസ്റ്റേറ്റിലെ ആറുമുറി ലയത്തിൽ ബ്രിജീഷാണ്​ (19)അറസ്റ്റിലായത്. സെവൻമല എസ്റ്റേറ്റിൽ മേയ് 12നാണ് സംഭവം നടന്നത്. പ്രണയാഭ്യർഥന നിരസിച്ചതിന്‍റെ വൈരാഗ്യത്തിൽ വഴിയിൽ വെച്ച്​ പെൺകുട്ടിയെ ആക്രമിക്കുകയായിരുന്നു. പെൺകുട്ടിയുടെ നിലവിളി കേട്ട് നാട്ടുകാർ ഓടിയെത്തിയതോടെ ബ്ലേഡ് ഉപയോഗിച്ച് പ്രതി ശരീരം മുറിച്ച് തോട്ടിൽ ചാടി. പരിക്കേറ്റ ഇരുവരെയും നാട്ടുകാരാണ്​ ആശുപത്രിയിൽ എത്തിച്ചത്​. പെൺകുട്ടി നേരത്തേതന്നെ വീട്ടിലേക്ക് മടങ്ങിയെങ്കിലും ബ്രിജേഷ് ബുധനാഴ്ചയാണ് ഡിസ്ചാർജ് ആയത്. അപ്പോൾതന്നെ മൂന്നാർ എസ്​.എച്ച്​.ഒ കെ. മനേഷ് പൗലോസിന്‍റെ നേതൃത്വത്തിൽ അറസ്റ്റ് ചെയ്തു. പിന്നീട് സ്ഥലത്ത് എത്തിച്ച്​ തെളിവെടുത്തു. വ്യാഴാഴ്ച കോടതിയിൽ ഹാജരാക്കും. ചിത്രം 1 പ്ലസ്​ ടു വിദ്യാർഥിനിയെ വെട്ടിപ്പരിക്കേൽപിച്ച പ്രതിയുമായി പൊലീസ് തെളിവെടുപ്പ് നടത്തുന്നു