കാര്‍ കുരിശ്ശടിയിലേക്ക് ഇടിച്ചുകയറി

നെടുംകുന്നം: നിയന്ത്രണംവിട്ട കാര്‍ നിര്‍ത്തിയിട്ട വാഹനത്തിലിടിച്ചശേഷം റോഡിന്‍റെ എതിര്‍വശത്തെ കുരിശ്ശടിയിലേക്ക് ഇടിച്ചുകയറി. യാത്രക്കാര്‍ക്ക് പരിക്കില്ല. ചൊവ്വാഴ്ച വൈകീട്ട് ആറിന് കറുകച്ചാല്‍-മണിമല റോഡില്‍ പരുത്തിമൂട്ടിലെ നെടുമണ്ണിലാണ് സംഭവം. പത്തനാട്ടുനിന്ന്​ നെടുംകുന്നം ഭാഗത്തേക്ക് വന്ന സ്ത്രീ ഓടിച്ച കാര്‍ റോഡരികില്‍ നിര്‍ത്തിയിട്ട മറ്റൊരു വാഹനത്തിലിടിച്ച ശേഷം നിയന്ത്രണംവിട്ട് എതിര്‍വശത്തേക്ക് നീങ്ങി ഫാത്തിമാമാതാ പള്ളിയുടെ കുരിശ്ശടിയിലേക്കാണ് കാര്‍ ഇടിച്ചുകയറിയത്. മതിലുകള്‍ ഭാഗികമായി തകര്‍ന്നു. പള്ളിക്ക് മുന്‍വശത്തെ റോഡില്‍ ആളില്ലാത്തതിനാല്‍ വലിയ അപകടം ഒഴിവായി. ----------- നെടുമണ്ണി ഫാത്തിമാമാതാ പള്ളിയുടെ കുരിശ്ശടിയിലേക്ക് ഇടിച്ചുകയറിയ കാർ