മെഡി. കോളജ്​ യാത്രക്കിടെ നാലുപവ‍​‍െൻറ മാല നഷ്ടപ്പെട്ടു

മെഡി. കോളജ്​ യാത്രക്കിടെ നാലുപവ‍​‍ൻെറ മാല നഷ്ടപ്പെട്ടു കോട്ടയം: മെഡിക്കൽ കോളജിലേക്കുള്ള യാത്രക്കിടെ പത്തനാപുരം സ്വദേശിനിയുടെ നാലുപവ‍‍ൻെറ സ്വർണമാല കാണാതായി. യാത്രക്കിടെ വീണുപോയതാണെന്നാണ്​ കരുതുന്നത്​. പത്തനാപുരം കുണ്ടയം സ്വദേശിനി രാവിലെ സ്കൂട്ടറിൽ കോന്നിയിലെത്തി അവിടെനിന്ന്​ സഹോദരിക്കൊപ്പമാണ്​ ആശുപത്രിയിലേക്ക്​ പുറപ്പെട്ടത്​. ആ സമയത്ത്​ മാല കഴുത്തിലുണ്ടായിരുന്നു. കോന്നിയിൽനിന്ന്​ പത്തനംതിട്ടയിലേക്കും അവിടെനിന്ന്​ കോട്ടയത്തേക്കുമുള്ള ബസിലുമാണ്​ കയറിയത്​. കോട്ടയം നഗരത്തിലിറങ്ങിയശേഷം സ്വകാര്യ ബസ്​ സ്റ്റാൻഡിലേക്ക്​ നടന്നുപോയി. അവിടെനിന്ന്​ മെഡി. കോളജ്​ ബസിലും കയറി. തിരിച്ച്​ കോട്ടയം-തിരുവല്ല-പത്തനംതിട്ട വഴി ബസിൽ കോന്നിയിലെത്തി. വീട്ടിലെത്തിയപ്പോഴാണ്​ മാലയും ലോക്കറ്റും കാണാനില്ലെന്നറിയുന്നത്​. പത്തനാപുരം പൊലീസിൽ പരാതി നൽകി. കണ്ടുകിട്ടുന്നവർ 9048726079, 8075506720 എന്നീ നമ്പറുകളിൽ അറിയിക്കണം.