വാഹനം ഇടിച്ച്​ മുള്ളൻപന്നി ചത്തു

കറുകച്ചാൽ: അജ്ഞാത വാഹനമിടിച്ച് മുള്ളൻപന്നിയെ ചത്തനിലയിൽ കണ്ടെത്തി. കറുകച്ചാൽ-മല്ലപ്പള്ളി റോഡിൽ വെട്ടിക്കാവുങ്കൽ ക്ഷേത്രത്തിന് സമീപം വെള്ളിയാഴ്ച പുലർച്ചയാണ് മുള്ളൻപന്നിയുടെ ജഡം കണ്ടെത്തിയത്. വനംവകുപ്പ് അധികൃതർ കൊണ്ടുപോയി. വാഹനമിടിച്ച് രക്തംവാർന്നാണ് ചത്തതെന്ന് പോസ്റ്റ്​മോർട്ടത്തിൽ വ്യക്തമായതായി വനംവകുപ്പ് അധികൃതർ പറഞ്ഞു.