റബര്‍റോളര്‍ മെഷീന്‍ മോഷണം: യുവാവ്​ അറസ്റ്റിൽ

മുണ്ടക്കയം ഈസ്റ്റ്: സ്വകാര്യ റബര്‍തോട്ടത്തിലെ റോളര്‍മെഷീന്‍ മോഷ്ടിച്ച സംഘത്തിൽപെട്ട കൂട്ടിക്കല്‍ പുതുപ്പറമ്പില്‍ അമീറിനെ (23) പെരുവന്താനം പൊലീസ് അറസ്റ്റ് ചെയ്തു. പങ്കാളികളായ മറ്റ്​ രണ്ടുപേര്‍ ഒളിവിലാണ്. ഇക്കഴിഞ്ഞ തിങ്കളാഴ്ചയായിരുന്നു സംഭവം. 35ആം മൈല്‍ സ്വദേശി വല്ലാറ്റ് ജെസ്​വന്ത് ലാലിന്‍റെ വെംബ്ലി വാലേല്‍ എസ്റ്റേറ്റിലെ മെഷീന്‍പുരയില്‍നിന്ന്​ റോളര്‍ മെഷീന്‍ വാഹനത്തില്‍ കടത്തുകയായിരുന്നു. പിന്നീട് മുണ്ടക്കയത്തെ ആക്രിക്കടയില്‍ വില്‍പന നടത്തി. മെഷീന്‍ പൊലീസ് കണ്ടെത്തിയതായി പെരുവന്താനം സി​.ഐ ജയപ്രകാശ് അറിയിച്ചു.