പി.സി. ജോർജിനെ വേട്ടയാടുന്നു -ജനപക്ഷം

കോട്ടയം: ഇടതു-വലതു മുന്നണികൾ സംയുക്തമായി പി.സി. ജോർജിനെ വേട്ടയാടുകയാണെന്ന് കേരള ജനപക്ഷം സെക്കുലർ നേതാക്കൾ വാർത്തസമ്മേളനത്തിൽ ആരോപിച്ചു. തൃക്കാക്കര ഉപതെരഞ്ഞെടുപ്പിൽ ഒരു പ്രത്യേക വിഭാഗത്തെ പ്രീണിപ്പിക്കാനാണ് തിടുക്കത്തിൽ നടപടിയെടുത്തത്​. സമൂഹത്തിന്റെ ചില ഉത്​കണ്ഠകളാണ്​ പ്രസംഗങ്ങളിൽ അദ്ദേഹം പരാമർശിച്ചത്​. അത് വിദ്വേഷമോ കലാപ ആഹ്വാനമോ അല്ലെന്നും നേതാക്കൾ ന്യായീകരിച്ചു. വാർത്തസമ്മേളനത്തിൽ ജില്ല പ്രസിഡന്റ് സജി എസ്. തെക്കേൽ, സംസ്ഥാന സെക്രട്ടറി അഡ്വ. ജോർജുകുട്ടി കാക്കനാട്ട്, സംസ്ഥാന ട്രഷറർ പ്രഫ. ജോസഫ് ടി. ജോസ് എന്നിവർ പങ്കെടുത്തു.