കാപ്പ ചുമത്തി നാടുകടത്തി

കോട്ടയം: വധശ്രമം, കഠിന ദേഹോപദ്രവം തുടങ്ങിയ ഗുരുതര കുറ്റകൃത്യങ്ങളിൽ പ്രതിയായ യുവാവിനെ കാപ്പ ചുമത്തി ജില്ലയിൽനിന്ന്​ പുറത്താക്കി. ആർപ്പൂക്കര വില്ലൂന്നി കോളനി ഭാഗത്ത് പിഷാരത്ത് വീട്ടിൽ സൂര്യദത്തിനെയാണ്​ (22) ജില്ല പൊലീസ് മേധാവിയുടെ റിപ്പോർട്ടിന്റെ അടിസ്ഥാനത്തിൽ കൊച്ചി റേഞ്ച് ഡി.ഐ.ജി ഒരു വർഷത്തേക്ക് നാടുകടത്തിയത്. ഗാന്ധിനഗർ, കോട്ടയം വെസ്റ്റ് എന്നീ പൊലീസ് സ്​റ്റേഷനുകളുടെ പരിധിയിൽപെട്ട നിരവധി കേസുകളിലെ പ്രതിയാണ്​. സഹോദരനും കൂട്ടാളിയുമായിരുന്ന വിഷ്ണുദത്തിനെ 2022 ഫെബ്രുവരി മുതൽ കാപ്പ നിയമപ്രകാരം ഒരു വർഷത്തേക്ക്​ നാടുകടത്തിയിരിക്കുകയാണ്​. ------- KTL KAPPA സൂര്യദത്ത്