പാറമടക്കെതിരെ പ്രതിഷേധം

ഈരാറ്റുപേട്ട: പാറമടക്ക്​ അനുമതി നൽകരുതെന്ന്​ ആവശ്യപ്പെട്ട്​ തിടനാട് പഞ്ചായത്ത്​ ഏഴാം വാർഡിലെ വരിയാനിക്കാട് പ്രതിഷേധം. ധർണയിൽ മുന്‍ പഞ്ചായത്ത്​ അംഗം മേഴ്സി ജോസഫ്, സമരസമിതി അംഗം ബിജു പുളിക്കപ്പറമ്പില്‍ എന്നിവര്‍ സംസാരിച്ചു. പ്രതിഷേധത്തിനിടെ സ്ഥലത്തെത്തിയ വാരിയാനിക്കാട് വാര്‍ഡ്​ അംഗം ഷെറിന്‍ ജോസഫ്, പഞ്ചായത്ത് പ്രസിഡന്‍റ്​ വിജി ജോര്‍ജ് എന്നിവര്‍ പാറമട തുടങ്ങാന്‍ പഞ്ചായത്ത്​ അനുമതി നല്‍കില്ലന്ന് ഉറപ്പുനൽകി. പടം വരിയാനിക്കാട് പാറമടക്ക് ലൈസൻസ് നൽകരുതെന്ന് ആവശ്യപ്പെട്ട് പ്രദേശവാസികൾ പഞ്ചായത്തിലേക്ക് നടത്തിയ പ്രതിഷേധ പ്രകടനം