സില്‍വര്‍ലൈന്‍ തുടര്‍ന്നാല്‍ കടുത്ത സമരം -ജോയ് എബ്രഹാം

ചങ്ങനാശ്ശേരി: സില്‍വര്‍ലൈന്‍ പദ്ധതി തുടർന്നാൽ അതിശക്തമായ സമരത്തെ നേരിടേണ്ടിവരുമെന്ന് കേരള കോണ്‍ഗ്രസ് സംസ്ഥാന സെക്രട്ടറി ജനറല്‍ ജോയ് എബ്രഹാം. ഗവ. സില്‍വര്‍ ലൈനില്‍നിന്ന്​ നിരുപാധികം പിന്മാറണമെന്നും അദ്ദേഹം ആവശ്യപ്പെട്ടു. സില്‍വര്‍ലൈന്‍ പദ്ധതി ഉപേക്ഷിക്കണമെന്ന്​ ആവശ്യപ്പെട്ട്​ മാടപ്പള്ളി റീത്തുപള്ളിയില്‍ സില്‍വര്‍ലൈന്‍ വിരുദ്ധ ജനകീയ സമിതിയുടെ സമരപ്പന്തലില്‍ കേരള കോണ്‍ഗ്രസ് വാഴപ്പള്ളി മണ്ഡലം കമ്മിറ്റിയുടെ നേതൃത്വത്തില്‍ നടന്ന സത്യഗ്രഹം ഉദ്​ഘാടനം ചെയ്യുകയായിരുന്നു അദ്ദേഹം. ജനകീയ സമിതി ജില്ല ചെയര്‍മാന്‍ ബാബു കുട്ടന്‍ചിറ അധ്യക്ഷതവഹിച്ചു. കേരള കോണ്‍ഗ്രസ് നിയോജകമണ്ഡലം പ്രസിഡന്‍റ്​ മാത്തുകുട്ടി പ്ലാത്താനം, വി.ജെ. ലാലി, ബിനു മൂലയില്‍, അപ്പച്ചന്‍കുട്ടി കാപ്യാരുപറമ്പില്‍, ജോഷി കുറുക്കന്‍കുഴി, സൈന തോമസ്, ഡി. സുരേഷ്, ജസ്റ്റിന്‍ പാലത്തിങ്കല്‍, മിനി വിജയകുമാര്‍, ശശികുമാര്‍ നത്തനടിച്ചിറ, അന്നമ്മ സാജന്‍, സബീഷ് നെടുമ്പറമ്പില്‍, ബിജു ചെറുക്കാട്, അഭിലാഷ് കൊച്ചുപറമ്പില്‍ എന്നിവര്‍ സംസാരിച്ചു.