യു.പി പൊലീസ് ഭീകരതക്കെതിരെ പെൺ പ്രതിഷേധം

ഈരാറ്റുപേട്ട: യു.പി.യിൽ മകന്‍റെ അന്യായ അറസ്റ്റ് ചോദ്യംചെയ്ത മാതാവിനെ വെടിവെച്ച് കൊന്ന പൊലീസ് ഭീകരതക്കെതിരെ നാഷനൽ വിമൻസ് ഫ്രണ്ട് കോട്ടയം ഈസ്റ്റ് ജില്ല കമ്മിറ്റി നേതൃത്വത്തിൽ ഈരാറ്റുപേട്ടയിൽ പ്രകടനം നടത്തി. പി.എം.സി ജങ്​ഷനിൽ നിന്നാരംഭിച്ച പ്രകടനം മുട്ടം കവലവഴി സെൻട്രൽ ജങ്​ഷനിൽ സമാപിച്ചു. പ്രതിഷേധസംഗമം ജില്ല പ്രസിഡന്‍റ്​ സൗമി നവാസ് ഉദ്ഘാടനം ചെയ്തു. വിമൺ ഇന്ത്യ മൂവ്മൻെറ് ജില്ല പ്രസിഡന്‍റ്​ റസിയ ഷെഹിർ മുഖ്യപ്രഭാഷണം നടത്തി. ജില്ല ജനറൽ സെക്രട്ടറി റഹ്മത്ത് അസീസ്, സെക്രട്ടറി ഷാനി, ഡിവിഷൻ പ്രസിഡന്‍റ്​ ഹസീന ഷുഹൂദ്, സെക്രട്ടറി നിഷ സൈഫുല്ല, സംസ്ഥാന സമിതി അംഗം സുനീറ മുജീബ് എന്നിവർ നേതൃത്വം നൽകി. പടം നാഷനൽ വിമൻസ് ഫ്രണ്ട് കോട്ടയം ഈസ്റ്റ് ജില്ല കമ്മിറ്റി നേതൃത്വത്തിൽ ഈരാറ്റുപേട്ടയിൽ നടത്തിയ പ്രകടനം