കടുത്തുരുത്തിയിൽ ഓട്ടോ ഡ്രൈവറെ കുത്തിയ കേസിൽ മൂന്നുപേർ കൂടി അറസ്റ്റിൽ

കടുത്തുരുത്തി: ഓട്ടോ ഡ്രൈവറെ കുത്തിപ്പരിക്കേൽപിച്ച കേസിൽ മൂന്നുപേർ കൂടി അറസ്റ്റിൽ. കേസിലെ പ്രതികൾക്ക്​ ഒളിവിൽ കഴിയാൻ സഹായങ്ങൾ ചെയ്ത് കൊടുത്തവരാണ്​ പിടിയിലായത്​. അതിരമ്പുഴ മനയ്ക്കപാടം കാവനായിൽ സിയാദ് നിസാർ (24), കാണക്കാരി മാവേലിനഗറിൽ വലിയതടത്തിൽ ഡെൽബിൻ ജോസഫ് (23), നീണ്ടൂർ പ്രാവട്ടം മങ്ങാട്ടുകുഴിയിൽ ശരത് ശശിമോൻ (23) എന്നിവരാണ് അറസ്റ്റിലായത്. ഈരാറ്റുപേട്ട ഇല്ലിക്കൽ കല്ലിന്​ സമീപത്തെ റിസോർട്ടിൽ ഒളിവിലായിരുന്ന ഇവർ പൊലീസ്​ എത്തിയതോടെ ഇവിടെനിന്ന്​ രക്ഷപ്പെട്ടിരുന്നു. ഇതിനിടെ ഇവർ ഏറ്റുമാനൂർ ഭാഗത്തെത്തിയെന്ന വിവരം പൊലീസിന്​ ലഭിച്ചതിനെ തുടർന്ന്​ നടത്തിയ തിരച്ചലിലാണ് പ്രതികൾ പിടിയിലായത്. ചൊവ്വാഴ്ച രാവിലെയാണ്​ ഇവരെ കടുത്തുരുത്തി പൊലീസ്​ പിടികൂടിയത്​. ഇതോടെ കേസുമായി ബന്ധപ്പെട്ട് അറസ്റ്റിലായവരുടെ എണ്ണം ആറായി. ഇവരെ വൈക്കം കോടതിയിൽ ഹാജരാക്കി റിമാൻഡ് ചെയ്തു. കഞ്ചാവ്, അടിപിടി ഉൾപ്പെടെ നിരവധി കേസുകളിൽ പ്രതികളാണ് ആറുപേരുമെന്ന് പൊലീസ് പറഞ്ഞു. കഴിഞ്ഞ രണ്ടിന് രാത്രി 8.45ഓടെ കോതനല്ലൂർ ട്രാൻസ്‌ഫോർമർ ജങ്​ഷന് സമീപമാണ് കേസിനാസ്പദമായ സംഭവം. കോതനല്ലൂർ പട്ടമന വീട്ടിൽ തങ്കച്ചനാണ്​ (മാത്യു -53) കുത്തേറ്റത്. പടം KTL PRATHIKAL KADU അറസ്റ്റിലായ സിയാദ്, ശരത്, ഡെൽബിൻ .................. തെരുവുനായുടെ കടിയേറ്റ് ഏഴുപേർക്ക് പരിക്ക് പുതുപ്പള്ളി: കാഞ്ഞിരത്തുംമൂട്ടിൽ ഏഴുപേർക്ക്​ തെരുവുനായുടെ കടിയേറ്റു. കാഞ്ഞിരത്തുംമൂട് കുമരംകോട് വീട്ടിൽ കെ.ആർ. സജി, ഭാര്യ ഉഷ, പരക്കുന്നേൽ രാജൻ, തോട്ടത്തിൽ ഷാജി, കാഞ്ഞിരത്തുംമൂട് സെന്റ് ജോർജ് സിമന്‍റ്​ കടയിലെ ജീവനക്കാരൻ കുമാർ, കാഞ്ഞിരത്തുംമൂട് മൈലക്കാട്ട് വീട്ടിൽ പെയിന്‍റിങ്​ ജോലിക്കെത്തിയ ഷാജി ഞാലിയാകുഴി, പുതുപ്പള്ളി കവലക്ക്​ സമീപം നിർമാണ ജോലിക്കെത്തിയ അന്തർ സംസ്ഥാന തൊഴിലാളി എന്നിവർക്കാണ് കടിയേറ്റത്. ചൊവ്വാഴ്ച ഉച്ചക്ക്​ പുതുപ്പള്ളി കാഞ്ഞിരത്തുംമൂട് കവലക്കും പരിസരത്തുമായിരുന്നു സംഭവം. ഇവർ കോട്ടയം മെഡിക്കൽ കോളജ് ആശുപത്രിയിൽ ചികിത്സതേടി. പിന്നീട്​ തെരുവുനായെ നാട്ടുകാർ തല്ലിക്കൊന്നു. ..........