പാലാ നഗരസഭക്ക് ജലശക്തി അഭിയാൻ അവാർഡ്

പാലാ: നഗരസഭക്ക്​ അംഗീകാരം. ജലസ്രോതസ്സുകളുടെ പരിപാലനം, ഭൂഗർഭജല സംരക്ഷണം, കിണർ റീചാർജിങ്, വാട്ടർ ടേബിൾ മെയിന്റനൻസ് തുടങ്ങിയവയുമായി ബന്ധപ്പെട്ട ജലശക്തി അഭിയാൻ അവാർഡാണ്​ പാലാക്ക്​ ലഭിച്ചത്​. രണ്ടാം സ്ഥാനമാണ്​ നഗരസഭക്ക്​ ലഭിച്ചത്​. തദ്ദേശസ്വയംഭരണ വകുപ്പിന് കീഴിലുള്ള അമൃത് സ്റ്റേറ്റ് മിഷൻ മാനേജ്മെന്‍റാണ് അവാർഡ് സമ്മാനിച്ചത്. പ്രശസ്തിപത്രവും മൊമന്റോയും നഗരസഭ ചെയർമാൻ ആന്‍റോ ജോസ് പടിഞ്ഞാറെക്കര ഏറ്റുവാങ്ങി. തിരുവനന്തപുരത്ത് നടന്ന ചടങ്ങിൽ കൗൺസിലർമാരായ ബൈജു കൊല്ലംപറമ്പിൽ, സാവിയോ കാവുകാട്ട് എന്നിവരും പങ്കെടുത്തു.