മുസ്​ലിം സമൂഹം നന്മക്കൊപ്പം നിലകൊള്ളണം -ഷുക്കൂർ അൽഖാസിമി

ചങ്ങനാശ്ശേരി: ഇന്ത്യയിലെ മുസ്​ലിം സമൂഹം നന്മക്കുവേണ്ടി നിലകൊള്ളുന്നതിനൊപ്പം ഖുർആൻ അനുസരിച്ച്​ ജീവിതം ചിട്ടപ്പെടുത്തേണ്ടതുണ്ടെന്ന്​ ഓൾ ഇന്ത്യ മുസ്​ലിം പേഴ്​സനൽ ലോബോർഡ്​ അംഗം ഷുക്കൂർ അൽഖാസിമി പറഞ്ഞു. പുതൂർപ്പള്ളി മുസ്​ലിം ജമാഅത്തിന്​ കീഴിൽ പ്രവർത്തിക്കുന്ന പുഴവാത്​ ഹിദായത്തുൽ ഇസ്​ലാം തഹ്​ഫീളുൽ ഖുർആൻ കോളജി‍ൻെറ പ്രഥമ വാർഷിക സമ്മേളനത്തിൽ മുഖ്യപ്രഭാഷണം നിർവഹിക്കുകയായിരുന്നു അദ്ദേഹം. ഡോ. ഹാഫസ്​​ അർഷദ്​ ബാഖവി സമ്മേളനം ഉദ്​ഘാടനം ചെയ്തു. പുതൂർപ്പള്ളി ജമാഅത്ത്​ പ്രസിഡന്‍റ്​ പി.എസ്​.എം. ബഷീർ അധ്യക്ഷതവഹിച്ചു. പഴയപള്ളി ജമാഅത്ത്​ പ്രസിഡന്‍റ്​ ഹാഷിം കൈതക്കളം, പുതൂർപ്പള്ളി ജമാഅത്ത്​ വൈസ്​ പ്രസിഡന്‍റ്​ എം.എസ്.​ നൗഷാദ്​, ട്രഷറർ പി.എ. ഷാഹുൽഹമീദ്​, തഹ്​ഫീളുൽ ഖുർആൻ ഹിഫ്​ള്​ കോളജ്​ പ്രിൻസിപ്പൽ​ മുഹമ്മദ്​ ഷമീർ മൗലവി, ഹിദായത്ത്​ മസ്​ജിദ്​ ഇമാം മുഹമ്മദ്​ മൂസ ബാഖവി, ജമാഅത്ത്​ സെക്രട്ടറി എം.എച്ച്​. മുഹമ്മദ്​ ഹനീഫ, ജോ. സെക്രട്ടറി ഷമീർ എന്നിവർ സംസാരിച്ചു. ചങ്ങനാശ്ശേരിയിൽ ഖുർആൻ പൂർണമായി മനഃപാഠമാക്കിയ 40 ഹാഫിദുകളെ ഖുർആൻ പരിഭാഷയും കാഷ്​ അവാർഡും നൽകി ചടങ്ങിൽ ആദരിച്ചു. ജമാഅത്ത്​ കമ്മിറ്റി അംഗങ്ങളായ ഹിദായത്തുല്ല ഖാൻ, മുഹമ്മദ്​ ഹനീഫ, ഹാറൂൺ പറക്കവട്ടി, റഷീദ്​ ആരമല എന്നിവർ പരിപാടികൾക്ക്​ നേതൃത്വം നൽകി. ക്യാപ്​ഷൻ: ktl palli പുഴവാത്​ ഹിദായത്തുൽ ഇസ്​ലാം തഹ്​ഫീളുൽ ഖുർആൻ കോളജ്​ വാർഷികസമ്മേളനം ഡോ. ഹാഫസ്​​ അർഷദ്​ ബാഖവി ഉദ്​ഘാടനം ചെയ്യുന്നു