മാധ്യമ പ്രവർത്തകനെ മർദിച്ചു

കാഞ്ഞിരപ്പള്ളി: ജോലി കഴിഞ്ഞ് വീട്ടിലേക്ക് മടങ്ങിയ മാധ്യമ പ്രവർത്തകനെ രണ്ടംഗസംഘം മർദിച്ചു. എ.സി.വി കാമറാമാൻ രതീഷ് മറ്റത്തിലിനെയാണ് ചൊവ്വാഴ്ച രാത്രിയിൽ സംഘം മർദിച്ചത്. രതീഷ് സഞ്ചരിച്ചിരുന്ന ബൈക്കിന്​ പിന്നിൽ സംഘം സഞ്ചരിച്ച കാർ തട്ടിയത് സംബന്ധിച്ച്​ വാക്കുതർക്കം ഉണ്ടായി. പിന്നീട് പിൻതുടർന്ന്​ വന്ന സംഘം രതീഷിനെ മർദിക്കുകയായിരുന്നു. പരിക്കേറ്റ രതീഷ് കാഞ്ഞിരപ്പള്ളി ജനറൽ ആശുപത്രിയിൽ ചികിത്സ തേടി.