ഇന്നറിയാം; ത​േദ്ദശതെരഞ്ഞെടുപ്പ്​ ഫലം ഇന്ന്​ രാവിലെ എട്ടുമുതൽ

കൊ​ല്ലം: ത​ദ്ദേ​ശ തെ​ര​ഞ്ഞെ​ടു​പ്പി​ന്റെ വോ​ട്ടെ​ണ്ണ​ല്‍ ജി​ല്ല​യി​ലെ 16 കേ​ന്ദ്ര​ങ്ങ​ളി​ലാ​യി ശ​നി​യാ​ഴ്ച രാ​വി​ലെ എ​ട്ടി​ന്​ ആ​രം​ഭി​ക്കും. 11 ബ്ലോ​ക്ക്ത​ല കേ​ന്ദ്ര​ങ്ങ​ളി​ല്‍ ഗ്രാ​മ​പ​ഞ്ചാ​യ​ത്തു​ക​ളു​ടെ​യും നാ​ല് ന​ഗ​ര​സ​ഭാ​ത​ല കേ​ന്ദ്ര​ങ്ങ​ളി​ൽ അ​ത​ത് ന​ഗ​ര​സ​ഭ​ക​ളു​ടെ​യും തേ​വ​ള്ളി ബോ​യ്‌​സ് ഹ​യ​ര്‍ സെ​ക്ക​ന്‍ഡ​റി സ്‌​കൂ​ളി​ല്‍ കോ​ര്‍പ​റേ​ഷ​ന്റെ​യും വോ​ട്ടെ​ണ്ണ​ല്‍ ന​ട​ക്കും. ജി​ല്ല ക​ല​ക്ട​റു​ടെ നേ​തൃ​ത്വ​ത്തി​ല്‍ ക​ല​ക്ട്രേ​റ്റ് കോ​ണ്‍ഫ​റ​ന്‍സ് ഹാ​ളി​ല്‍ ജി​ല്ല പ​ഞ്ചാ​യ​ത്തി​ന്റെ പോ​സ്റ്റ​ല്‍ ബാ​ല​റ്റു​ക​ള്‍ എ​ണ്ണും.

ഗ്രാ​മ, ബ്ലോ​ക്ക്, ജി​ല്ല പ​ഞ്ചാ​യ​ത്തു​ക​ളു​ടെ വോ​ട്ടെ​ണ്ണ​ല്‍ ബ്ലോ​ക്ക് ത​ല​ത്തി​ലു​ള്ള കേ​ന്ദ്ര​ത്തി​ലാ​യി​രി​ക്കും. ഇ​വി​ടെ ഗ്രാ​മ, ബ്ലോ​ക്ക് പ​ഞ്ചാ​യ​ത്തു​ക​ളു​ടെ പോ​സ്റ്റ​ല്‍ ബാ​ല​റ്റു​ക​ളും എ​ണ്ണും. തു​ട​ര്‍ന്ന് വോ​ട്ടി​ങ് മെ​ഷീ​നു​ക​ളി​ലെ വോ​ട്ടു​ക​ള്‍ എ​ണ്ണും. വ​ര​ണാ​ധി​കാ​രി, ഉ​പ​വ​ര​ണാ​ധി​കാ​രി, നി​രീ​ക്ഷ​ക​ര്‍, സ്ഥാ​നാ​ര്‍ഥി​ക​ള്‍, ഏ​ജ​ന്റു​മാ​ര്‍ എ​ന്നി​വ​രു​ടെ സാ​ന്നി​ധ്യ​ത്തി​ലാ​യി​രി​ക്കും സ്‌​ട്രോ​ങ് റൂം ​തു​റ​ക്കു​ന്ന​ത്. അ​വി​ടെ​നി​ന്ന് ഓ​രോ വാ​ര്‍ഡി​ലെ​യും മെ​ഷീ​നു​ക​ള്‍ കൗ​ണ്ടി​ങ് ഹാ​ളി​ലേ​ക്ക് വോ​ട്ടെ​ണ്ണു​ന്ന​തി​നാ​യി കൊ​ണ്ടു​പോ​കും.

സ്ഥാ​നാ​ർ​ഥി​യു​ടെ​യോ സ്ഥാ​നാ​ർ​ഥി​ക​ള്‍ നി​യോ​ഗി​ക്കു​ന്ന കൗ​ണ്ടി​ങ്​ ഏ​ജ​ന്റു​മാ​രു​ടെ​യോ സാ​ന്നി​ധ്യ​ത്തി​ലാ​ണ് ഓ​രോ ടേ​ബി​ളി​ലും വോ​ട്ടെ​ണ്ണു​ക. ഓ​രോ ക​ണ്‍ട്രോ​ള്‍ യൂ​നി​റ്റി​ലെ​യും ഫ​ലം അ​പ്പോ​ള്‍ത​ന്നെ കൗ​ണ്ടി​ങ് സൂ​പ്പ​ര്‍വൈ​സ​ര്‍ രേ​ഖ​പ്പെ​ടു​ത്തി വ​ര​ണാ​ധി​കാ​രി​ക്ക് ന​ല്‍കും. ഒ​രു വാ​ര്‍ഡി​ലെ പോ​സ്റ്റ​ല്‍ ബാ​ല​റ്റു​ക​ളും എ​ല്ലാ ബൂ​ത്തു​ക​ളി​ലെ വോ​ട്ടു​ക​ളും എ​ണ്ണി തീ​രു​ന്ന മു​റ​യ്ക്ക് അ​ത​ത് ത​ല​ത്തി​ലെ വ​ര​ണാ​ധി​കാ​രി ഫ​ല​പ്ര​ഖ്യാ​പ​നം ന​ട​ത്തും. ഓ​രോ ബൂ​ത്തും എ​ണ്ണി തീ​രു​ന്ന മു​റ​യ്ക്ക് വോ​ട്ടു​നി​ല ട്രെ​ന്‍ഡി -ല്‍ ​അ​പ് ലോ​ഡ് ചെ​യ്യു​ന്ന​തോ​ടെ ലീ​ഡ് നി​ല​യും ഫ​ല​വും ത​ത്സ​മ​യം അ​റി​യാ​ന്‍ ക​ഴി​യും. കൗ​ണ്ടി​ങ് ഉ​ദ്യോ​ഗ​സ്ഥ​ര്‍, തെ​ര​ഞ്ഞെ​ടു​പ്പ് ക​മീ​ഷ​ന്‍ അ​ധി​കാ​ര​പ്പെ​ടു​ത്തി​യി​ട്ടു​ള്ള ഉ​ദ്യോ​ഗ​സ്ഥ​ര്‍, സ്ഥാ​നാ​ര്‍ഥി​ക​ള്‍, ചീ​ഫ് ഏ​ജ​ന്റു​മാ​ര്‍, കൗ​ണ്ടി​ങ്​ ഏ​ജ​ന്റു​മാ​ര്‍ എ​ന്നി​വ​ര്‍ക്കാ​ണ് വോ​ട്ടെ​ണ്ണ​ല്‍ കേ​ന്ദ്ര​ത്തി​ല്‍ പ്ര​വേ​ശി​ക്കാ​ന്‍ അ​നു​വാ​ദ​മു​ള്ള​ത്. https://trend.sec.kerala.gov.in, https://lbtrend.kerala.gov.in, https://trend.kerala.nic.in ലി​ങ്കു​ക​ൾ മു​ഖേ​ന ഫ​ല​മ​റി​യാം.