പഞ്ചായത്ത് കമ്മിറ്റിയിൽ ആത്മഹത്യ ഭീഷണി മുഴക്കിയ വൈസ്​ പ്രസിഡന്‍റ് രാജിവെച്ചു

പേ​ര​യം: റോ​ഡ് നി​ർ​മാ​ണ​ത്തെ ചൊ​ല്ലി​യു​ള്ള വാ​ഗ്വാ​ദ​ത്തി​നൊ​ടു​വി​ൽ പ​ഞ്ചാ​യ​ത്ത് ക​മ്മി​റ്റി​യി​ൽ ആ​ത്മ​ഹ​ത്യ ഭീ​ഷ​ണി മു​ഴ​ക്കി​യ വൈ​സ് പ്ര​സി​ഡ​ന്‍റ് രാ​ജി​വെ​ച്ചു. രാ​ജി എ​ഴു​തി സ​മ​ർ​പ്പി​ച്ചെ​ങ്കി​ലും ച​ട്ട​പ്ര​കാ​ര​മ​ല്ലാ​ത്ത​തി​നാ​ൽ സെ​ക്ര​ട്ട​റി സ്വീ​ക​രിച്ചില്ല. ​തു​ട​ർ​ന്ന് അം​ഗീ​കൃ​ത ഫോ​റ​ത്തി​ൽ ന​ൽ​കി​യ​തോ​ടെ സ്വീ​ക​രി​ക്കു​ക​യാ​യി​രു​ന്നു.

ഏ​റെ​നാ​ള​ത്തെ ആ​ഭ്യ​ന്ത​ര​ക​ല​ഹ​ത്തി​നൊ​ടു​വി​ൽ പേ​ര​യം പ​ഞ്ചാ​യ​ത്ത് വൈ​സ്​ പ്ര​സി​ഡ​ന്‍റ് സോ​ഫി​യ ഐ​സ​ക്കാ​ണ് വൈ​സ്​ പ്ര​സി​ഡ​ന്‍റ് സ്​​ഥാ​ന​വും പ​ഞ്ചാ​യ​ത്തം​ഗ​ത്വ​വും രാ​ജി​വെ​ച്ച​ത്. കോ​ൺ​ഗ്ര​സി​ന്‍റെ ത​ന്നെ ഭ​ര​ണ​സ​മി​തി​യോ​ടു​ള്ള വി​യോ​ജി​പ്പാ​ണ് രാ​ജി​യി​ൽ ക​ലാ​ശി​ച്ച​ത്. വ്യാ​ഴാ​ഴ്ച ചേ​ർ​ന്ന പ​ഞ്ചാ​യ​ത്ത് സ​മി​തി​യി​ൽ ത​ന്‍റെ വാ​ർ​ഡി​ൽ പ​ഞ്ചാ​യ​ത്ത് ഫ​ണ്ട​ു​പ​യോ​ഗി​ച്ച് വികസിപ്പിക്കുന്ന റോ​ഡ് തീ​രു​മാ​നി​ക്കാ​നു​ള്ള അ​വ​സ​രം ന​ൽ​കാ​ത്ത​തും വാ​ർ​ഡ് മെം​ബ​റെ അ​വ​ഗ​ണി​ച്ച് ഭ​ര​ണ​സ​മി​തി തീ​രു​മാ​ന​മെ​ടു​ത്ത​തി​ലും പ്ര​തി​ഷേ​ധി​ച്ചാ​യി​രു​ന്നു രാ​ജി. വാ​ർ​ഡി​ലെ ഒ​രു റോ​ഡി​നാ​യി എ​ൻ.​കെ. പ്രേ​മ​ച​ന്ദ്ര​ൻ എം.​പി 10 ല​ക്ഷം രൂ​പ അ​നു​വ​ദി​ച്ചു​എ​ന്ന് കാ​ട്ടി എം.​പി​യെ അ​നു​മോ​ദി​ച്ച് ഫ്ല​ക്സ്​ ബോ​ർ​ഡ് സ്​​ഥാ​പി​ച്ചി​രു​ന്നു. പ്ര​സി​ഡ​ന്‍റ് അ​നീ​ഷ് പ​ട​പ്പ​ക്ക​ര ക​മ്മി​റ്റി​യി​ലെ ഭൂ​രി​പ​ക്ഷം ഉ​പ​യോ​ഗ​പ്പെ​ടു​ത്തി അ​ത് ത​ട​സ്സ​പ്പെ​ട​ത്തി​യെ​ന്ന് ഇ​വ​ർ ആ​രോ​പി​ക്കു​ന്നു.

ആ​റ് മാ​സം മു​മ്പ് പ്ര​സി​ഡ​ന്‍റ് അ​പ​മാ​നി​ക്കാ​ൻ ശ്ര​മി​ച്ച​താ​യി കാ​ട്ടി ഇ​വ​ർ പൊ​ലീ​സി​ൽ പ​രാ​തി ന​ൽ​കി​യി​രു​ന്നു. തു​ട​ർ​ന്ന് എ​ൽ.​ഡി.​എ​ഫി​ന്‍റെ നേ​തൃ​ത്വ​ത്തി​ൽ പ്ര​സി​ഡ​ന്‍റി​നെ പ​ഞ്ചാ​യ​ത്തി​ൽ ക​യ​റാ​ൻ അ​നു​വ​ദി​ക്കി​ല്ലെ​ന്ന പ്ര​ഖ്യാ​പ​ന​വു​മാ​യി സ​മ​ര​പ​ര​മ്പ​ര​യും ന​ട​ത്തി​യി​രു​ന്നു.

വ്യാ​ഴാ​ഴ്ച ചേ​ർ​ന്ന പ​ഞ്ചാ​യ​ത്ത് ക​മ്മി​റ്റി​യി​ൽ റോ​ഡി​നെ കു​റി​ച്ച് വാ​ഗ്വാ​ദം ന​ട​ക്കു​ക​യും ഇ​വ​ർ ആ​ത്മ​ഹ​ത്യ​ഭീ​ഷ​ണി മു​ഴ​ക്കു​ക​യും ചെ​യ്ത ശേ​ഷ​മാ​ണ് രാ​ജി ന​ൽ​കി​യ​ത്. പ​തി​നാ​ലം​ഗ പ​ഞ്ചാ​യ​ത്ത് സ​മി​തി​യി​ൽ യു.​ഡി.​എ​ഫി​ന് ഒ​മ്പ​ത് അം​ഗ​ങ്ങ​ളു​ണ്ട്. രാ​ജി ഒ​രു​ഭ​ര​ണ പ്ര​തി​സ​ന്ധി​യും സൃ​ഷ്​​ടി​ക്കി​ല്ല.