ആര്യങ്കാവിൽ കുട്ടികളിൽ തക്കാളിപ്പനി പടരുന്നു

പുനലൂർ: ആര്യങ്കാവിൽ കുട്ടികളിൽ തങ്കാളിപ്പനി പടർന്നുപിടിക്കുന്നത് ആശങ്കയുളവാക്കുന്നു. ഇടപ്പാളയത്തുള്ള ഒരു അംഗൻവാടിയിലെ ആറുകുട്ടികൾക്ക് തങ്കാളിപ്പനി ഇതിനകം സ്ഥിരീകരിച്ചു. ഇതിനെതുടർന്ന് ഈ അംഗൻവാടി ഒരാഴ്ചത്തേക്ക് അടച്ചു.

കടുത്ത പനിയും ശരീരം മുഴുവനും പൊള്ളി കുമിളപോലെ വീർക്കുന്നതാണ് ലക്ഷണം. കുട്ടികൾക്ക് ആഹാരം കഴിക്കാനും ബുദ്ധിമുട്ട് നേരിടുന്നു. ഹെൽത്ത് ഇൻസ്പെക്ടർ അരുൺകുമാറിന്‍റെ നേതൃത്വത്തിൽ അംഗൻവാടി സന്ദർശിച്ച് പ്രതിരോധ പ്രവർത്തനങ്ങൾ സ്വീകരിച്ചു.