കു​ടും​ബ​ക്ഷേ​മ ഉ​പ​കേ​ന്ദ്രത്തി​ന് ഭൂ​മി സൗ​ജ​ന്യ​മാ​യി ന​ൽ​കി സ​ഹോ​ദ​രി​മാ​ർ

കു​ന്ന​ത്തൂ​ർ: കു​ന്ന​ത്തൂ​ർ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​നു കീ​ഴി​ൽ കു​ടും​ബ​ക്ഷേ​മ ഉ​പ​കേ​ന്ദ്ര​ത്തി​ന് കെ​ട്ടി​ടം നി​ർ​മി​ക്കാ​ൻ പ​തി​നാ​റ​ര സെ​ന്റ് ഭൂ​മി സൗ​ജ​ന്യ​മാ​യി ന​ൽ​കി സ​ഹോ​ദ​രി​മാ​ർ. തു​രു​ത്തി​ക്ക​ര ഉ​ഷ മ​നി​ര​ത്തി​ൽ ല​തി​ക, ല​ത എ​ന്നി​വ​ർ ചേ​ർ​ന്നാ​ണ് കു​ന്ന​ത്തൂ​ർ പ​ടി​ഞ്ഞാ​റ് പ​തി​നാ​റാം വാ​ർ​ഡി​ൽ വ​ർ​ഷ​ങ്ങ​ളാ​യി വാ​ട​ക കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന സ​ബ് സെ​ന്റ​റി​ന് കെ​ട്ടി​ടം നി​ർ​മി​ക്കാ​ൻ വ​ഴി ഉ​ൾ​പ്പെ​ടെ​യു​ള്ള ഭൂ​മി ന​ൽ​കി​യ​ത്.

കു​ന്ന​ത്തൂ​ർ പ​ഞ്ചാ​യ​ത്തി​ന്റെ പേ​രി​ൽ ദാ​നാ​ധാ​ര​മാ​യാ​ണ് ഭൂ​മി കൈ​മാ​റി​യ​ത്. വാ​ർ​ഡ്‌ മെ​മ്പ​ർ ഷീ​ജ രാ​ധാ​കൃ​ഷ്ണ​ന്റെ ഏ​റെ നാ​ള​ത്തെ ആ​വ​ശ്യ​വും പ​രി​ശ്ര​മ​വു​മാ​ണ് യാ​ഥാ​ർ​ഥ്യ​മാ​യ​ത്. ഭൂ​മി​യു​മാ​യി ബ​ന്ധ​പ്പെ​ട്ട രേ​ഖ​ക​ൾ ശ​രി​യാ​ക്കു​ന്ന​തി​നും മ​റ്റു​മാ​യി മാ​സ​ങ്ങ​ളാ​യി പ​ത്ത​നം​തി​ട്ട, കൊ​ല്ലം ജി​ല്ല​ക​ളി​ലെ നി​ര​വ​ധി ഓ​ഫി​സു​ക​ൾ ക​യ​റി​യി​റ​ങ്ങേ​ണ്ടി വ​ന്ന​താ​യി ഷീ​ജ രാ​ധാ​കൃ​ഷ്ണ​ൻ പ​റ​ഞ്ഞു.

കെ​ട്ടി​ടം നി​ർ​മി​ക്കാ​നാ​വ​ശ്യ​മാ​യ ഫ​ണ്ട് നാ​ഷ​ന​ൽ ഹെ​ൽ​ത്ത് മി​ഷ​നി​ൽ നി​ന്നും അ​നു​വ​ദി​ക്കാ​മെ​ന്ന് കൊ​ടി​ക്കു​ന്നി​ൽ സു​രേ​ഷ് എം.​പി ഉ​റ​പ്പ് ന​ൽ​കി​യി​ട്ടു​ണ്ട്. പ​ഞ്ചാ​യ​ത്ത് അ​ങ്ക​ണ​ത്തി​ൽ ന​ട​ന്ന ച​ട​ങ്ങി​ൽ ല​തി​ക, ല​ത എ​ന്നി​വ​രി​ൽ നി​ന്നും പ്ര​സി​ഡ​ന്റ് വ​ത്സ​ല​കു​മാ​രി, വി​ക​സ​ന​സ​മി​തി അ​ധ്യ​ക്ഷ​ൻ ഷീ​ജ രാ​ധാ​കൃ​ഷ്ണ​ൻ, സെ​ക്ര​ട്ട​റി വി​നോ​ദ് എ​ന്നി​വ​ർ ചേ​ർ​ന്ന് ആ​ധാ​രം ഏ​റ്റു​വാ​ങ്ങി. ക്ഷേ​മ​സ​മി​തി അ​ധ്യ​ക്ഷ​ൻ ഡാ​നി​യേ​ൽ ത​ര​ക​ൻ, പ​ഞ്ചാ​യ​ത്തം​ഗം ബി. ​അ​രു​ണാ മ​ണി, സ​ന്ദീ​പ്, രാ​ധാ​കൃ​ഷ്ണ​ൻ, ജ​യ​കു​മാ​രി, ശി​വ​ശ​ങ്ക​ര​പി​ള്ള, പ്രീ​ത എ​ന്നി​വ​ർ പ​ങ്കെ​ടു​ത്തു.