പ്ര​വ​ർ​ത്ത​നം നി​ല​ച്ച വെളിയം പട്ടികജാതി സഹകരണസംഘം കാടുകയറി നശിക്കുന്നു

ഓ​യൂ​ർ: വെ​ളി​യം പ​ഞ്ചാ​യ​ത്തി​ലെ പ്ര​വ​ർ​ത്ത​നം നി​ല​ച്ച പ​ട്ടി​ക​ജാ​തി സ​ഹ​ക​ര​ണ​സം​ഘം പു​ന​രു​ജ്ജീ​വി​പ്പി​ക്ക​ണ​മെ​ന്ന ആ​വ​ശ്യം ശ​ക്തം. 20 വ​ർ​ഷ​ത്തി​ലേ​റെ​യാ​യി സം​ഘ​ത്തി​െൻറ പ്ര​വ​ർ​ത്ത​നം പൂ​ർ​ണ​മാ​യി നി​ല​ച്ചി​രി​ക്കു​ക​യാ​ണ്. 1957-58 ൽ ​വെ​ളി​യം കോ​ള​നി ജ​ങ്ഷ​നി​ലെ വാ​ട​ക​ക്കെ​ട്ടി​ട​ത്തി​ലാ​ണ് പ്ര​വ​ർ​ത്ത​ന​മാ​രം​ഭി​ച്ച​ത്. 1987ൽ ​അ​ന്ന​ത്തെ പ​ട്ടി​ക​ജാ​തി ക്ഷേ​മ​മ​ന്ത്രി പി.​കെ. രാ​ഘ​വ​നാ​ണ് കെ​ട്ടി​ടം ഉ​ദ്ഘാ​ട​നം ചെ​യ്ത​ത്.

എ​ന്നാ​ൽ, ആ​ദ്യ​ഘ​ട്ട​ത്തി​ലെ അം​ഗ​ങ്ങ​ൾ​ക്ക് വി​ത​ര​ണം ചെ​യ്ത വാ​യ്പ തി​രി​ച്ച​ട​യ്​​ക്കാ​ൻ ക​ഴി​യാ​തെ പ്ര​വ​ർ​ത്ത​നം നി​ല​ക്കു​ക​യാ​യി​രു​ന്നു. ആ​ദ്യ​ത​വ​ണ ഗാ​ർ​മെൻറ്​ യൂ​നി​റ്റ് സ്ഥാ​പി​ച്ച് അം​ഗ​ങ്ങ​ൾ​ക്ക് തൊ​ഴി​ൽ ന​ൽ​കി​യ​ത് ഫ​ലം ക​ണ്ടി​ല്ല. എ​ട്ട് ത​യ്യ​ൽ മെ​ഷീ​നും എ​ട്ട് ഇ​ൻ​റ​ർ​ലോ​ക്ക് മെ​ഷീ​നും വാ​ങ്ങി​ന​ൽ​കി​യി​രു​ന്നു.

എ​ന്നാ​ൽ, ഭ​ര​ണ​സ​മി​തി​ക്ക് ഇ​ത് തു​ട​ർ​ന്ന് കൊ​ണ്ടു​പോ​കാ​ൻ സാ​ധി​ച്ചി​ല്ല. ഇ​തോ​ടെ ത​യ്യ​ൽ മെ​ഷീ​ൻ തു​രു​മ്പെ​ടു​ത്ത് ന​ശി​ക്കു​ക​യാ​യി​രു​ന്നു. തൊ​ഴി​ൽ സാ​ധ്യ​ത ല​ക്ഷ്യ​മി​ട്ട് ഒ​രു ട്രാ​ക്ട​റും കൃ​ഷി​ക്കാ​യി പ​ണി​യാ​യു​ധ​ങ്ങ​ളും വാ​ങ്ങി​യെ​ങ്കി​ലും ഇ​തും പ്ര​യോ​ജ​ന​പ്പെ​ടു​ത്താ​ൻ ക​ഴി​ഞ്ഞി​ല്ല. ട്രാ​ക്ട​ർ അ​ട​ക്ക​മു​ള്ള കാ​ർ​ഷി​കോ​പ​ക​ര​ണ​ങ്ങ​ളും ഫ​ർ​ണി​ച്ച​റും കെ​ട്ടി​ട​ത്തി​ൽ കി​ട​ന്ന് ന​ശി​ക്കു​ക​യാ​ണ്.

കെ​ട്ടി​ടം ത​ന്നെ ഏ​ത് നി​മി​ഷ​വും നി​ലം​പ​തി​ക്കാ​വു​ന്ന അ​വ​സ്ഥ​യി​ലാ​ണ്. പ​ട്ടി​ക​ജാ​തി വി​ഭാ​ഗ​ത്തി​ന് അ​വ​രു​ടെ ദൈ​നം​ദി​ന ജീ​വി​തം ക​രു​പി​ടി​പ്പി​ക്കാ​ൻ പു​തി​യ കെ​ട്ടി​ടം നി​ർ​മി​ക്കു​ന്ന​തി​നും കാ​ര്യ​ക്ഷ​മ​മാ​യി പ്ര​വ​ർ​ത്തി​ക്കു​ന്ന​തി​ന് ബ​ന്ധ​പ്പെ​ട്ട അ​ധി​കാ​രി​ക​ൾ മു​ന്നോ​ട്ട്​ വ​ര​ണ​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.