സ​ഹോ​ദ​രീ ഭ​ർ​ത്താ​വി​നൊ​പ്പം ഒ​ളി​ച്ചോ​ടി​യെ​ന്ന കേ​സി​ൽ ട്വിസ്റ്റ്​; ബ​ലം​പ്ര​യോ​ഗി​ച്ച് ത​ട്ടി​ക്കൊ​ണ്ടു​പോ​യ​താണെന്ന്​ യുവതി

കൊ​ല്ലം: മാ​ട​ൻ​ന​ട​യി​ൽ സ​ഹോ​ദ​രീ ഭ​ർ​ത്താ​വി​നൊ​പ്പം ഒ​ളി​ച്ചോ​ടി​യെ​ന്ന കേ​സി​ൽ ത​ന്നെ ബ​ലം​പ്ര​യോ​ഗി​ച്ച് ത​ട്ടി​ക്കൊ​ണ്ടു​പോ​യ​താ​ണെ​ന്നും ഒ​ളി​ച്ചോ​ടി​യ​ത​ല്ലെ​ന്നും യു​വ​തി പൊ​ലീ​സി​ന് പ​രാ​തി ന​ൽ​കി.

ക​ഴി​ഞ്ഞ​മാ​സം 22ന് ​മ​ധു​ര​യി​ൽ​നി​ന്നാ​ണ് യു​വ​തി​യെ​യും സ​ഹോ​ദ​രീ ഭ​ർ​ത്താ​വി​നെ​യും ഇ​ര​വി​പു​രം പൊ​ലീ​സ് അ​റ​സ്​​റ്റ്​ ചെ​യ്യു​ന്ന​ത്. കേ​സി​ൽ റി​മാ​ന്‍‍ഡ‍ി​ലാ​യി​രു​ന്ന യു​വ​തി ക​ഴി​ഞ്ഞ​ദി​വ​സം അ​ട്ട​ക്കു​ള​ങ്ങ​ര ജ​യി​ലി​ൽ​നി​ന്ന് പു​റ​ത്തി​റ​ങ്ങി. ഇ​തി​നു​ശേ​ഷ​മാ​ണ് സ​ഹോ​ദ​രീ ഭ​ർ​ത്താ​വ് ത​ന്നെ ത​ട്ടി​ക്കൊ​ണ്ടു പോ​യ​താ​ണെ​ന്ന് പ​റ​ഞ്ഞ് യു​വ​തി കൊ​ല്ലം വെ​സ്​​റ്റ്​ പൊ​ലീ​സി​ന് പ​രാ​തി ന​ൽ​കി​യ​ത്. തി​രു​വ​ന​ന്ത​പു​ര​ത്ത് ഹോ​ട്ട​ലി​ൽ ല​ഹ​രി​മ​രു​ന്ന് ന​ൽ​കി പീ​ഡി​പ്പി​ച്ചെ​ന്നും ന​ഗ്​​ന​ദൃ​ശ്യ​ങ്ങ​ൾ പ​ക​ർ​ത്തി​യെ​ന്നും പ​രാ​തി​യി​ലു​ണ്ട്. ദൃ​ശ്യ​ങ്ങ​ൾ പു​റ​ത്തു​വി​ടു​മെ​ന്ന് ഭീ​ഷ​ണി​പ്പെ​ടു​ത്തി​യാ​ണ് ത​ട്ടി​ക്കൊ​ണ്ടു​പോ​യ​ത്.

സ​ഹോ​ദ​രീ ഭ​ർ​ത്താ​വി​നെ ഭ​യ​ന്നാ​ണ് മ​ധു​ര​യി​ൽ​നി​ന്ന് അ​റ​സ്​​റ്റി​ലാ​യ സ​മ​യ​ത്ത് ഇ​ക്കാ​ര്യം പൊ​ലീ​സി​നോ​ട് പ​റ​യാ​തി​രു​ന്ന​ത്. സം​ഭ​വം ന​ട​ന്ന​ത് തി​രു​വ​ന​ന്ത​പു​രം ത​മ്പാ​നൂ​ർ സ്​​റ്റേ​ഷ​ൻ പ​രി​ധി​യി​ലാ​യ​തി​നാ​ൽ പ​രാ​തി അ​വി​ടേ​ക്ക് കൈ​മാ​റി​യെ​ന്ന് വെ​സ്​​റ്റ്​ പൊ​ലീ​സ് ഇ​ൻ​സ്പെ​ക്ട​ർ പ​റ​ഞ്ഞു.