ചൂ​ടി​ൽ ഉ​രു​കി, ദാ​ഹി​ച്ച്​ വ​ല​ഞ്ഞ്​ നാ​ട്

കൊ​ല്ലം: സൂ​ര്യ​ൻ ക​ത്തി​ക്കാ​ളു​കയാ​ണ്, വേ​ന​ൽ എ​ല്ലാ രൗ​ദ്ര​ത​യും പു​റ​ത്തെ​ടു​ത്ത്​ നാ​ടി​നെ വ​റു​ത്തെ​ടു​ക്കു​ന്ന സ്ഥി​തി. താ​പ​നി​ല ദി​ന​വും റെ​ക്കോ​ഡ്​ ഭേ​ദി​ച്ച്​ മു​ന്നേ​റു​മ്പോ​ൾ ദാ​ഹി​ച്ചു​വ​ല​യു​ക​യാ​ണ്​ മ​നു​ഷ്യ​രും മ​റ്റ്​ ജീ​വ​ജാ​ല​ങ്ങ​ളും. ചൂ​ടി​ന്‍റെ കാ​ഠി​ന്യ​മ​റി​യ​ണ​മെ​ങ്കി​ൽ നാ​ട്ടി​ലെ വാ​ട്ട​ർ അ​തോ​റി​റ്റി ഓ​ഫി​സു​ക​ളി​ൽ പോ​യാ​ൽ മ​തി.

എ​ല്ലാ​യി​ട​ത്തും തി​ര​ക്കാ​ണ്. ചി​ല​ർ പ​രാ​തി പ​റ​യാ​നെത്തി​യ​താ​ണ്, ചി​ല​രാ​ക​ട്ടെ, 1000 ഒ​പ്പു​ക​ൾ നി​റ​ഞ്ഞ നി​വേ​ദ​ന​ങ്ങ​ളു​മാ​യി കാ​ത്തു​നി​ൽ​ക്കു​ന്നു. മ​റ്റ്​ ചി​ല​രാ​ക​ട്ടെ ഉ​പ​രോ​ധ​വും സ​മ​ര​വും ന​ട​ത്തു​ന്നു. എ​ല്ലാ​വ​ർ​ക്കും പ​രാ​തി ഒ​ന്നു​മാ​ത്രം, ‘വെ​ള്ളം കി​ട്ടാ​നി​ല്ല’.

ജ​ല അ​തോ​റി​റ്റി ഓ​ഫി​സു​ക​ളി​ലെ ഫോ​ണു​ക​ളി​ലേ​ക്കും പ​രാ​തി പ്ര​വാ​ഹ​ം. അ​ത്ര​ക്കാ​ണ്​ ജ​ല​ക്ഷാ​മം. കി​ണ​റു​ക​ളെ​ല്ലാം എ​പ്പോ​ഴേ വ​റ്റി. ആ​കെ ആ​ശ്ര​യ​മാ​കു​ന്ന ജ​ല അ​തോ​റി​റ്റി പൈ​പ്പു​ക​ളി​ൽ​നി​ന്ന്​ നൂ​ൽ ക​ന​മു​ള്ള വെ​ള്ള​ത്തി​നാ​യി കാ​ത്തി​രി​ക്കു​ക​യാ​ണ്​ ജ​നം, അ​തു​ത​ന്നെ എ​പ്പോ​ഴെ​ത്തു​മെ​ന്ന്​ ഉ​റ​പ്പു​മി​ല്ല. വെ​ള്ള​ത്തി​നാ​യി ഉ​റ​ക്ക​മി​ള​ച്ചും കാ​ത്തി​രി​ക്കേ​ണ്ട സ്ഥി​തി.

താ​ഴ്ന്ന മേ​ഖ​ല​ക​ളി​ലുള്ള​വ​ർ​ക്ക്​ പി​ന്നെ​യും പൈ​പ്പ്​ വെ​ള്ളം കി​ട്ടു​​ന്നു​ണ്ടെ​ന്ന്​ പ​റ​യാം. ഉ​യ​ർ​ന്ന ​പ്ര​ദേ​ശ​ങ്ങ​ളി​ലുള്ള​വ​ർ​ക്ക്​ അ​ക്ഷ​രാ​ർ​ഥ​ത്തി​ൽ കി​ട്ടാ​ക്ക​നി​യാ​ണ്. ഇ​തു​​കാ​ര​ണം പ​ണം മു​ട​ക്കി ടാ​ങ്കു​ക​ളി​ൽ ​എ​ത്തി​ക്കു​ന്ന വെ​ള്ളം വാ​ങ്ങേ​ണ്ട സ്ഥി​തി​യി​ലാ​ണ്​ നി​ർ​ധ​ന​ർ പോ​ലും.

വെ​യി​ൽ​ചൂ​ടി​ന്‍റെ കാ​ഠി​ന്യ​ത്തി​നെ ക​വ​ച്ചു​വെക്കു​ക​യാ​ണ്​ ഭീ​മ​ൻ തു​ക​യു​ടെ ബി​ല്ലു​ക​ൾ ന​ൽ​കു​ന്ന ചൂ​ട്. നി​ര​ക്ക്​ വ​ർ​ധി​ച്ച​തോ​ടെ ര​ണ്ടുമാ​സ​ത്തെ ബി​ൽ 600 രൂ​പ​ക്കും മു​ക​ളി​ൽ വ​രെ അ​ട​ക്കേ​ണ്ടി​വ​രു​ന്ന വീ​ട്ടു​കാ​രും നി​ര​വ​ധി.

തി​ക​യു​ന്നി​ല്ല വെ​ള്ളം

മു​മ്പ്​ ന​ൽ​കി​യി​രു​ന്ന വെ​ള്ളം പോ​ലും ഈ ​വേ​ന​ൽ​കാ​ല​ത്ത്​ വാ​ട്ട​ർ​അ​തോ​റി​റ്റി​ക്ക്​ ന​ൽ​കാ​ൻ ക​ഴി​യു​ന്നി​ല്ല. ശാ​സ്താം​കോ​ട്ട​യി​ൽ നി​ന്നും ജ​പ്പാ​ൻ കു​ടി​വെ​ള്ള​പ​ദ്ധ​തി വ​ഴി​യും വി​വി​ധ കു​ഴ​ൽ​ക്കി​ണ​റു​ക​ൾ വ​ഴി​യു​മാ​ണ്​ ജി​ല്ല​യി​ൽ വെ​ള്ളം പൈ​പ്പ്​ വ​ഴി എ​ത്തി​ക്കു​ന്ന​ത്. വേ​ന​ലി​ലെ ഉ​ണ​ക്ക്​ സ്വാ​ഭാ​വി​ക​മാ​യും ഈ ​സ്രോ​ത​സ്സുക​ളി​ലെ വെ​ള്ള​ത്തി​ന്‍റെ അ​ള​വും കു​റ​ച്ചി​ട്ടു​ണ്ട്.

ഉ​യ​ർ​ന്ന മേ​ഖ​ല​ക​ളി​ലു​ള്ള​വ​രാ​ണ്​ ക​ഷ്ട​പ്പെ​ടു​ന്ന​ത്. കൊ​ല്ലം കോ​ർ​പ​റേ​ഷ​ൻ പ​രി​ധി​യി​ൽ ത​ന്നെ പ​ട്ട​ത്താ​നം, ശ്രീ​നാ​രാ​യ​ണ​പു​രം, കി​ളി​കൊ​ല്ലൂ​ർ, ക​രി​ക്കോ​ട്, അ​റു​ന്നൂ​റ്റി​മം​ഗ​ലം എ​ന്നി​ങ്ങ​നെ പ്ര​ദേ​ശ​ങ്ങ​ളി​ലെ​ല്ലാം സ്ഥി​തി രൂ​ക്ഷ​മാ​ണ്.

14 പ​ഞ്ചാ​യ​ത്തു​ക​ളി​ലേ​ക്കും ര​ണ്ട്​ മു​നിസി​പ്പാ​ലി​റ്റി​ക​ളി​ലേ​ക്കും കൊ​ല്ലം കോ​ർ​പ​റേ​ഷ​നി​ലേ​ക്കും വെ​ള്ളം ന​ൽ​കു​ന്ന ജ​പ്പാ​ൻ കു​ടി​വെ​ള്ള പ​ദ്ധ​തി​യി​ൽ ക​ടു​ത്ത പ്ര​തി​സ​ന്ധി​യാ​ണ്​ നേ​രി​ടു​ന്ന​ത്. സ​മ​യ​ക്ര​മം പാ​ലി​ച്ചും മ​റ്റും എ​ങ്ങ​നെ​യെ​ങ്കി​ലും വെ​ള്ളം എ​ത്തി​ക്കാ​നു​ള്ള ശ്ര​മം ജ​ല​അ​തോ​റി​റ്റി​യി​ൽ നി​ന്നുണ്ടാ​യാ​ലും എ​ല്ലാ​യി​ട​ത്തും എ​ത്തു​ന്നി​ല്ല.

ദേ​ശീ​യ​പാ​ത വി​ക​സ​ന​വും വി​ല്ല​ൻ

മു​ൻ​കാ​ല​ങ്ങ​​ളെ അ​പേ​ക്ഷി​ച്ച്​ ഇ​ത്ത​വ​ണ ശു​ദ്ധ​ജ​ലം വ​ൻ​തോ​തി​ൽ പാ​ഴാ​കുന്ന സ്ഥി​തി​യും​വ​ള​രെ കൂ​ടു​ത​ലാ​ണ്. ദേ​ശീ​യ​പാ​ത വി​ക​സ​ന​മാ​ണ്​ പ്ര​ധാ​ന​വി​ല്ല​ൻ. നി​ർ​മാ​ണ​പ്ര​വ​ർ​ത്ത​ന​ങ്ങ​ൾ കാ​ര​ണം പൊ​ട്ടു​ന്ന പൈ​പ്പു​ക​ൾ യ​ഥാ​സ​മ​യം അ​റ്റ​കു​റ്റ​പ്പണി ന​ട​ത്താ​ൻ റോ​ഡു​പ​ണി ഏ​റ്റെ​ടു​ത്തി​രി​ക്കു​ന്ന ഏ​ജ​ൻ​സി ത​യാ​റാ​കു​ന്നി​ല്ല.

ഇ​ത്​ കാ​ര​ണം ല​ക്ഷ​ക്ക​ണ​ക്കി​ന്​ ലി​റ്റ​ർ ജ​ല​മാ​ണ്​ റോ​ഡി​ൽ ഒ​ഴു​കി പാ​ഴാ​കു​ന്ന​ത്. ഇ​തു​കൂ​ടാ​തെ, നി​ർ​മാ​ണം കാ​ര​ണം പ​ല​യി​ട​ത്തും ക​ണ​ക്ഷ​ൻ അ​ട​ക്കു​ക​യും ചെ​യ്തു. ഇ​തോ​ടെ, അ​ത്ത​രം സ്ഥ​ല​ങ്ങ​ളി​ൽ ആ​ർ​ക്കും വെ​ള്ളം​കി​ട്ടാ​ത്ത സ്ഥി​തി​യാ​ണ്.

ചൂ​ടി​ൽ ഉ​രു​കി, ദാ​ഹി​ച്ച്​ വ​ല​ഞ്ഞ്​ നാ​ട്

പ​ഞ്ചാ​യ​ത്തു​ക​ളി​ൽ ജ​ല​ജീ​വ​ൻ മി​ഷ​ൻ പ​ദ്ധ​തി പ്ര​കാ​ര​വും കോ​ർ​പ​റേ​ഷ​നി​ൽ അ​മൃ​ത്​ പ​ദ്ധ​തി പ്ര​കാ​ര​വും ല​ക്ഷ​ക്ക​ണ​ക്കി​ന്​ പു​തി​യ ക​ണ​ക്ഷ​നു​ക​ളാ​ണ്​ ന​ൽ​കി​യ​ത്. എ​ന്നാ​ൽ ഇ​തി​ന​നു​സ​രി​ച്ച്​ വെ​ള്ളം പ​മ്പു​ചെ​യ്യാ​നി​ല്ലാ​ത്ത​തും, ഇ​ത്ര​യും ക​ണ​ക്ഷ​നു​ക​ളി​ലൂ​ടെ ഉ​പ​ഭോ​ഗം കൂ​ടി​യ​തും വെ​ള്ളം കി​ട്ടാ​ക്ക​നി​യാ​ക്കി.

കൊട്ടിയത്തിന്​ ദാഹിക്കുന്നു

കൊ​ട്ടി​യം: വ​റ്റി​വ​ര​ളു​ന്ന കി​ണ​റു​ക​ളും എ​പ്പോ​ൾ വെ​ള്ളം​വ​രു​മെ​ന്ന്​ നി​ശ്ച​യ​മി​ല്ലാ​ത്ത ​പൈ​പ്പു​ക​ളും നോ​ക്കി നെ​ടു​വീ​ർ​പ്പി​ടു​ക​യാ​ണ്​ കൊ​ട്ടി​യം നി​വാ​സി​ക​ൾ. വേ​ന​ലി​ന്‍റെ കാ​ഠി​ന്യം കു​ടി​വെ​ള്ള​ക്ഷാ​മ​ത്തി​ന്‍റെ രൂ​പ​ത്തി​ൽ നാ​ടി​നെ പി​ടി​ച്ചു​ല​ച്ച​തോ​ടെ ടാ​ങ്കു​ക​ളി​ൽ വെ​ള്ള​വു​മാ​യി പാ​യു​ന്ന വാ​ഹ​ന​ങ്ങ​ൾ മേ​ഖ​ല​യി​ൽ നി​ത്യ​ക്കാ​ഴ്ച​യാ​യി മാ​റി​യി​ട്ട്​ ആ​ഴ്ച​ക​ൾ പ​ല​ത്​ പി​ന്നി​ടു​ന്നു.

താ​പ​നി​ല ക​ടു​ത്ത്​ തു​ട​ങ്ങി​യ​തോ​ടെ കു​ടി​വെ​ള്ള​ത്തി​നാ​യി നെ​ട്ടോ​ട്ടം ഓ​ടേ​ണ്ട അ​വ​സ്ഥ​യി​ലാ​ണ്​ ഈ ​പ്ര​ദേ​ശം. അ​പ്പോ​ഴും നോ​ക്കു​കു​ത്തി​ക​ളാ​യി പ​ത്തോ​ളം പ​മ്പ് ഹൗ​സു​ക​ൾ ഇ​വി​ടെ ബാ​ക്കി​യു​ണ്ട്. മ​യ്യ​നാ​ട് പ​ഞ്ചാ​യ​ത്തി​ലാ​ണ് പ​ത്ത് പ​മ്പു​ഹൗ​സു​ക​ൾ പ്ര​വ​ർ​ത്ത​ന​മി​ല്ലാ​തെ ന​ശി​ക്കു​ന്ന​ത്.

ജ​ല​വി​ത​ര​ണം സു​ഗ​മ​മാ​യി ന​ട​ത്തി​യി​രു​ന്ന പ​മ്പ് ഹൗ​സു​ക​ൾ ജ​പ്പാ​ൻ കു​ടി​വെ​ള്ള പ​ദ്ധ​തി നി​ല​വി​ൽ വ​ന്ന​പ്പോ​ഴാ​ണ് വാ​ട്ട​ർ അ​തോ​റി​റ്റി അ​ധി​കൃ​ത​ർ അ​ട​ച്ചുപൂ​ട്ടി​യ​ത്. ഇ​തോ​ടെ​യാ​ണ് നാ​ട്ടു​കാ​ർ കു​ടി​വെ​ള്ള​ത്തി​നാ​യി നെ​ട്ടോ​ട്ടം തു​ട​ങ്ങി​യ​ത്. പു​ല്ലി​ച്ചി​റ, ക​ണ്ട​ച്ചി​റ മു​ക്ക്, ധ​വ​ള​കു​ഴി, കോ​വു ചി​റ, ആ​ലും​മൂ​ട്, കൃ​ഷി​ഭ​വ​ൻ, പ​ട​നി​ലം, കൊ​ന്നേ​ൽ മു​ക്ക്, പ​ട്ട​രു​മു​ക്ക് തു​ട​ങ്ങി​യ സ്ഥ​ല​ങ്ങ​ളി​ലു​ണ്ടാ​യി​രു​ന്ന പ​മ്പ് ഹൗ​സു​ക​ളാ​ണ് പൂ​ട്ടി​യ​ത്. ഈ ​പ​മ്പ് ഹൗ​സു​ക​ളി​ൽ നി​ന്നെ​ല്ലാം നേ​രി​ട്ടാ​ണ് ജ​ല​വി​ത​ര​ണം ന​ട​ത്തി​യി​രു​ന്ന​ത്.

പ​മ്പ് ഹൗ​സു​ക​ൾ അ​ട​ച്ചു​പൂ​ട്ടു​മ്പോ​ൾ ആ​ശ​ങ്ക​യു​മാ​യി രം​ഗ​ത്തെ​ത്തി​യ ജ​ന​ങ്ങ​ളോ​ട് ജ​പ്പാ​ൻ പ​ദ്ധ​തി വ​രു​ന്ന​തോ​ടെ എ​പ്പോ​ഴും വെ​ള്ളം ല​ഭി​ക്കു​മെ​ന്നാ​ണ് അ​ധി​കൃ​ത​ർ പ​റ​ഞ്ഞി​രു​ന്ന​ത്. എ​ന്നാ​ൽ, ആ ​വാ​ക്ക് പാ​ഴാ​യി. പ​ല സ്ഥ​ല​ത്തും വെ​ള്ളം കി​ട്ടാ​ത്ത സ്ഥി​തി​യാ​ണു​ള്ള​ത്. കൊ​ട്ടി​യ​ത്തെ വാ​ട്ട​ർ അ​തോ​റി​റ്റി ഓ​ഫി​സി​ൽ സ​മ​ര​ങ്ങ​ൾ പ​തി​വാ​കു​ക​യും ചെ​യ്തു.

വാ​ട്ട​ർ അ​തോ​റി​റ്റി​യു​ടെ വെ​ള്ളം ല​ഭി​ക്കാ​താ​യ​തോ​ടെ അ​ഞ്ഞൂ​റും ആ​യി​ര​വും കൊ​ടു​ത്ത് കു​ടി​വെ​ള്ളം വാ​ങ്ങേ​ണ്ട സ്ഥി​തി​യി​ലാ​ണ് പ​ല കു​ടും​ബ​ങ്ങ​ളും. ഇ​ത് കു​ടും​ബ ബ​ജ​റ്റു​ക​ളു​ടെ താ​ളം തെ​റ്റി​ച്ചി​ട്ടു​ണ്ട്. ദേ​ശീ​യപാ​ത​യു​ടെ പു​ന​ർ​നി​ർ​മാ​ണ​ത്തി​ന്‍റെ ഭാ​ഗ​മാ​യി ഓ​ട നി​ർ​മാ​ണ​ത്തി​നാ​യി കു​ഴി​യെ​ടു​ത്ത​തിൽ പ​ല സ്ഥ​ല​ത്തും കു​ടി​വെ​ള്ള പൈ​പ്പു​ക​ൾ പൊ​ട്ടി​യ​തും ജ​ല​വി​ത​ര​ണ​ത്തെ ബാ​ധി​ച്ചി​ട്ടു​ണ്ട്.

ക​ടു​ത്ത ചൂ​ടി​ൽ ഉ​മ​യ​ന​ല്ലൂ​ർ ഏ​ലാ വ​ര​ണ്ട് വി​ണ്ടു​കീ​റി​യ അ​വ​സ്ഥ​യി​ലാ​ണ്. വെ​ള്ള​മി​ല്ലാ​ത്ത​തി​നാ​ൽ ഏ​ലാ​യി​ൽ മ​റ്റ് കൃ​ഷി ചെ​യ്യാ​ൻ പ​റ്റാ​ത്ത സ്ഥി​തി​യു​മു​ണ്ട്. കൊ​ല്ലം കോ​ർ​പ​റേ​ഷ​നി​ൽ​പ്പെ​ട്ട വ​ട​ക്കേ​വി​ള​യി​ൽ ഒ​ന്നി​ട​വി​ട്ട ദി​വ​സ​ങ്ങ​ളി​ലാ​ണ് വാ​ട്ട​ർ അ​തോ​റി​റ്റി​യു​ടെ കു​ടി​വെ​ള്ളം ല​ഭി​ക്കു​ന്ന​ത്. അ​തും നൂ​ൽ​പോ​ലെ​യാ​ണ് വ​രു​ന്ന​ത്.

ക​മ്യൂ​ണി​റ്റി ഹാ​ളി​ന്‍റെ ന​വീ​ക​ര​ണ​ത്തി​ന്‍റെ ഭാ​ഗ​മാ​യി മു​ന്നി​ലു​ണ്ടാ​യി​രു​ന്ന പ​മ്പ് ഹൗ​സ് പൊ​ളി​ച്ചു​മാ​റ്റി​യെ​ങ്കി​ലും പ​ക​രം സം​വി​ധാ​നം ഉ​ണ്ടാ​ക്കി​യി​ട്ടി​ല്ല. ക​ല്ല​ട പ​ദ്ധ​തി​യു​ടെ ക​നാ​ൽ വ​ഴി വെ​ള്ളം തു​റ​ന്നുവി​ട്ടാ​ൽ തൃ​ക്കോ​വി​ൽ​വ​ട്ടം, മ​യ്യ​നാ​ട്, നെ​ടു​മ്പ​ന, പ​ഞ്ചാ​യ​ത്തു​ക​ളി​ലെ വ​ലി​യൊ​രു​വി​ഭാ​ഗം വീ​ടു​ക​ളി​ലെ കി​ണ​റു​ക​ളി​ൽ വെ​ള്ളം ല​ഭി​ക്കു​മാ​യി​രു​ന്നു. ഇ​ത്ത​വ​ണ വേ​ന​ൽ ക​ടു​ത്തി​ട്ടും ക​നാ​ൽ തു​റ​ന്നുവി​ടാ​ത്ത​ത് രൂ​ക്ഷ​മാ​യ ജ​ല​ക്ഷാ​മ​ത്തി​ന് കാ​ര​ണ​മാ​ക്കി​യി​ട്ടു​ണ്ട്.