വേനൽചൂട് കഠിനം; കൃഷിനാശം രൂക്ഷം

കൊ​ല്ലം: ക​ന​ത്ത വേ​ന​ൽ ചൂ​ടി​ൽ കാ​ർ​ഷി​ക മേ​ഖ​ല​യും ദു​രി​ത​ത്തി​ൽ. ജ​ല​ക്ഷാ​മ​വും ക​ടു​ത്ത വെ​യി​ലും കൂ​ടി ചേ​ർ​ന്ന​തോ​​ടെ ല​ക്ഷ​ങ്ങ​ളു​ടെ ന​ഷ്ട​മാ​ണ് ചു​രു​ങ്ങി​യ മാ​സ​ങ്ങ​ൾ​ക്കി​ട​യി​ൽ ജി​ല്ല​യി​ൽ സം​ഭ​വി​ച്ച​ത്. ജി​ല്ല​യി​ലു​ട​നീ​ളം ഈ ​ദു​ര​വ​സ്ഥ ക​ർ​ഷ​ക​ർ നേ​രി​ടു​ക​യാ​ണ്. ഏ​പ്രി​ലി​ൽ ര​ണ്ടാ​ഴ്ച​ക്കു​ള്ളി​ൽ മാ​ത്രം 33.14 ല​ക്ഷം രൂ​പ​യു​ടെ നാ​ശ​ന​ഷ്ട​മാ​ണ് ജി​ല്ല​യി​ലു​ണ്ടാ​യ​തെ​ന്നാ​ണ് കൃ​ഷി​വ​കു​പ്പി​ന്റെ ക​ണ​ക്ക്. 6.36 ഹെ​ക്ട​ർ കൃ​ഷി​യാ​ണ് ക​രി​ഞ്ഞു​ണ​ങ്ങി​യും ഒ​ടി​ഞ്ഞു​വീ​ണും ന​ശി​ച്ച​ത്. 176 ക​ർ​ഷ​ക​ർ​ക്കാ​ണ് ഈ ​വേ​ന​ൽ ന​ഷ്ടം സ​മ്മാ​നി​ച്ച​ത്.

വാ​ഴ​കൃ​ഷി​യി​ലാ​ണ് കൂ​ടു​ത​ൽ ന​ഷ്ടം നേ​രി​ട്ട​ത്. ഇ​ല​ക​ൾ ഉ​ണ​ങ്ങി​യും കു​ല​ച്ച വാ​ഴ​ക​ൾ​പോ​ലും ഒ​ടി​ഞ്ഞു​വീ​ണും ല​ക്ഷ​ങ്ങ​ളാ​ണ് ന​ഷ്ടം. കു​ല​ച്ച വാ​ഴ​ക​ൾ ന​ഷ്ട​പ്പെ​ട്ട വ​ക​യി​ൽ മാ​ത്രം 23.10 ല​ക്ഷം രൂ​പ​യു​ടെ ന​ഷ്ട​മാ​ണു​ണ്ടാ​യ​ത്. 1.54 ഹെ​ക്ട​റി​ലെ വാ​ഴ​കൃ​ഷി​യാ​ണ് ഇ​ത്ത​ര​ത്തി​ൽ കു​ല​വീ​ണ​തി​ന് ശേ​ഷം ന​ശി​ച്ച​ത്. കു​ല​ക്കാ​ത്ത വാ​ഴ​ക​ൾ ന​ശി​ച്ച​തി​ലും ഏ​ഴ് ല​ക്ഷം രൂ​പ​യു​ടെ ന​ഷ്ട​മു​ണ്ടാ​യി. ​3,850 കു​ല​ച്ച വാ​ഴ​ക​ളും 1,750 കു​ല​ക്കാ​റാ​യ വാ​ഴ​ക​ളു​മാ​ണ് ന​ശി​ച്ച​ത്. വെ​റ്റി​ല, മ​ര​ച്ചീ​നി, റ​ബ​ർ, കു​രു​മു​ള​ക് ക​ർ​ഷ​ക​ർ​ക്കും വ്യാ​പ​ക​മാ​യി കൃ​ഷി​നാ​ശം നേ​രി​ട്ടു.

കി​ഴ​ക്ക​ൻ മേ​ഖ​ല​യി​ലെ ചൂ​ടി​ന്റെ കാ​ഠി​ന്യം വ്യ​ക്ത​മാ​ക്കി കൃ​ഷി​നാ​ശ​ത്തി​ന്റെ ക​ണ​ക്കി​ലും കി​ഴ​ക്ക​ൻ മേ​ഖ​ല​യാ​ണ് മു​ന്നി​ൽ. കൊ​ട്ടാ​ര​ക്ക​ര ബ്ലോ​ക്കി​ലാ​ണ് ഏ​റ്റ​വും കൂ​ടു​ത​ൽ കൃ​ഷി​നാ​ശം റി​പ്പോ​ർ​ട്ട് ചെ​യ്തി​രി​ക്കു​ന്ന​ത്. 22.20 ല​ക്ഷം രൂ​പ​യു​ടെ കൃ​ഷി​യാ​ണ് ഇ​വി​ടെ 69 ക​ർ​ഷ​ക​ർ​ക്ക് കൈ​മോ​ശം വ​ന്ന​ത്. 1.70 ഹെ​ക്ട​റി​ലാ​ണ് ഇ​വി​ടെ കൃ​ഷി ന​ശി​ച്ച​ത്. പു​ന​ലൂ​രി​ൽ 3.76 ല​ക്ഷ​വും ശാ​സ്താം​കോ​ട്ട​യി​ൽ 2.73 ല​ക്ഷ​വും രൂ​പ​യു​ടെ കൃ​ഷി ന​ശി​ച്ചു. സ്ഥ​ല​വ്യാ​പ്തി​യി​ൽ കൂ​ടു​ത​ൽ കൃ​ഷി ന​ശി​ച്ച​ത് ചാ​ത്ത​ന്നൂ​ർ ആ​ണ്. 2.50 ഹെ​ക്ട​ർ കൃ​ഷി​യാ​ണ് ന​ശി​ച്ച​ത്.

അ​തേ​സ​മ​യം, ജ​ല​ക്ഷാ​മ​ത്തി​ന് അ​ടി​യ​ന്ത​ര പ​രി​ഹാ​രം വേ​ണ​മെ​ന്നാ​ണ് ക​ർ​ഷ​ക​ർ ആ​വ​ശ്യ​പ്പെ​ടു​ന്ന​ത്. ക​ല്ല​ട ജ​ല​സേ​ച​ന പ​ദ്ധ​തി​യി​ൽ​നി​ന്ന് പോ​ലും ഇ​ത്ത​വ​ണ ആ​വ​ശ്യ​ത്തി​ന് ജ​ലം ല​ഭി​ച്ചി​ല്ലെ​ന്ന പ​രാ​തി​യു​യ​രു​ന്നു​ണ്ട്. കു​ടി​വെ​ള്ള​ത്തി​നും കാ​ർ​ഷി​ക​വൃ​ത്തി​ക്കും ആ​വ​ശ്യ​മാ​യ വെ​ള്ള​മെ​ത്തി​ക്കാ​ൻ അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യ​മാ​ണു​യ​രു​ന്ന​ത്.

വേനല്‍: മലയോര മേഖലയിലെ കർഷകർ പ്രതിസന്ധിയിൽ

കു​ള​ത്തൂ​പ്പു​ഴ: കി​ഴ​ക്ക​ന്‍ മ​ല​യോ​ര മേ​ഖ​ല​യി​ല്‍ ഇ​ക്കു​റി ഏ​പ്രി​ല്‍ അ​വ​സാ​നി​ക്കാ​റാ​യി​ട്ടും വേ​ന​ല്‍മ​ഴ എ​ത്താ​തെ വ​ന്ന​തോ​ടെ ക​ത്തു​ന്ന നി​ല​യി​ല്‍ വേ​ന​ല്‍. പ​ക​ലും രാ​ത്രി​യും ഒ​രു​പോ​ലെ ശ​ക്ത​മാ​യ ചൂ​ടും വ​ര​ണ്ട കാ​ലാ​വ​സ്ഥ​യും അ​നു​ഭ​വ​പ്പെ​ടു​ന്ന​തി​നാ​ല്‍ കു​ള​ത്തൂ​പ്പു​ഴ​യി​ലും പ​രി​സ​ര പ്ര​ദേ​ശ​ങ്ങ​ളി​ലും അ​ന്ത​രീ​ക്ഷ താ​പ​നി​ല ക്ര​മാ​തീ​ത​മാ​യി ഉ​യ​രു​ക​യാ​ണ്. ഒ​പ്പം വ​ന​മേ​ഖ​ല​യി​ലെ അ​രു​വി​ക​ളും നീ​ര്‍ചാ​ലു​ക​ളു​മെ​ല്ലാം നീ​രൊ​ഴു​ക്ക് നി​ല​ച്ച് വ​ര​ണ്ടു​ണ​ങ്ങി​യ നി​ല​യി​ലും. വ​ര​ൾ​ച്ച ബാ​ധി​ച്ച​തോ​ടെ കാ​ർ​ഷി​ക വി​ള​ക​ൾ ക​രി​ഞ്ഞു​ണ​ങ്ങു​മെ​ന്ന ഭീ​തി​യി​ൽ ക​ർ​ഷ​ക​ർ

കി​ഴ​ക്ക​ന്‍ മ​ല​യോ​ര മേ​ഖ​ല​യി​ലെ പ്ര​ധാ​ന ജ​ല​സ്ത്രോ​ത​സ്സാ​യ കു​ള​ത്തൂ​പ്പു​ഴ​യാ​റി​ലേ​ക്ക് ജ​ല​മെ​ത്തി​ക്കു​ന്ന കൈ​വ​ഴി​ക​ളാ​യി​രു​ന്ന തോ​ടു​ക​ളും അ​രു​വി​ക​ളും നീ​രൊ​ഴു​ക്ക് നി​ല​ച്ചു. ചി​ല​യി​ട​ത്തെ​ങ്കി​ലും താ​ഴ്ന്ന പ്ര​ദേ​ശ​ങ്ങ​ളി​ലെ കു​ഴി​ക​ളി​ൽ കെ​ട്ടി​ക്കി​ട​ക്കു​ന്ന വെ​ള്ള​മാ​ണ് മു​മ്പ് ഇ​തു വ​ഴി തോ​ട് ഒ​ഴു​കി​യി​രു​ന്നു എ​ന്നു​ള്ള​തി​ന് തെ​ളി​വാ​യി അ​വ​ശേ​ഷി​ക്കു​ന്ന​ത്. സ​മീ​പ പ്ര​ദേ​ശ​ങ്ങി​ലെ​ല്ലാം കു​റ​ഞ്ഞ തോ​തി​ലെ​ങ്കി​ലും വേ​ന​ല്‍ മ​ഴ ല​ഭി​ച്ചെ​ങ്കി​ലും കു​ള​ത്തൂ​പ്പു​ഴ​യി​ലും, കു​ള​ത്തൂ​പ്പു​ഴ​യാ​റി​ന്‍റെ വൃ​ഷ്ടി പ്ര​ദേ​ശ​ങ്ങ​ളി​ലൊ​ന്നും ത​ന്നെ ഇ​നി​യും വേ​ന​ല്‍മ​ഴ കി​ട്ടി​യി​ട്ടി​ല്ല. മു​ന്‍ വ​ര്‍ഷ​ങ്ങ​ളി​ല്‍ വി​ഷു​വി​നോ​ട​നു​ബ​ന്ധി​ച്ച് കു​ള​ത്തൂ​പ്പു​ഴ മേ​ഖ​ല​യി​ല്‍ ശ​ക്ത​മാ​യ വേ​ന​ല്‍ മ​ഴ ല​ഭി​ക്കു​മാ​യി​രു​ന്നു. വ​ന​ത്തി​നു​ള്ളി​ലെ നീ​ര്‍ച്ചാ​ലു​ക​ളെ​ല്ലാം വ​ര​ണ്ട​തോ​ടെ കു​ടി​വെ​ള്ളം തേ​ടി കാ​ട്ടു​മൃ​ഗ​ങ്ങ​ൾ ജ​ന​വാ​സ മേ​ഖ​ല​യി​ലേ​ക്കെ​ത്തു​ന്ന​തും പ​തി​വാ​കു​ന്നു.

വേ​ന​ലി​ന്‍റെ ആ​രം​ഭ​ത്തി​ൽ കൃ​ഷി​യി​ട​ങ്ങ​ളി​ലെ ചാ​ലു​ക​ളു​ടെ ഓ​ര​ത്ത് കു​ത്തി​യ കു​ള​ങ്ങ​ളി​ൽ നി​ന്നും വെ​ള്ളം കോ​രി കൊ​ണ്ടു​വ​ന്നാ​ണ് ക​ർ​ഷ​ക​ർ പ​ച്ച​ക്ക​റി​ക​ള​ട​ക്ക​മു​ള്ള കൃ​ഷി​ക​ള്‍ ന​ന​ച്ചി​രു​ന്ന​ത്. എ​ന്നാ​ൽ വേ​ന​ൽ ക​ടു​ത്ത് ഉ​റ​വ​ക​ളും കു​ള​ങ്ങ​ളും വ​റ്റി​വ​ര​ണ്ട​തോ​ടെ ക​ത്തു​ന്ന വേ​ന​ൽ ചൂ​ടി​ൽ കൃ​ഷി​യെ​ല്ലാം ക​രി​ഞ്ഞു​ണ​ങ്ങു​ന്ന​ത് ക​ർ​ഷ​ക​രെ ഏ​റെ പ്ര​തി​സ​ന്ധി​യി​ലാ​ക്കി​യി​ട്ടു​മു​ണ്ട്.