ക​രി​ക്കാ​ടി​യും പൂ​വാ​ല​നു​മാ​യി ചെറു ബോ​ട്ടു​ക​ൾ എത്തിത്തുടങ്ങി

കൊ​ല്ലം: ട്രോ​ളി​ങ് നി​രോ​ധ​നം അ​വ​സാ​നി​ച്ച​തോ​ടെ മ​ത്സ്യ​ബ​ന്ധ​ന​ത്തി​ന്​ പോ​യ ബോ​ട്ടു​ക​ൾ​ക്ക് ല​ഭി​ച്ച​ത് ക​രി​ക്കാ​ടി​യും പൂ​വാ​ല​ൻ കൊ​ഞ്ചും. 52 ദി​വ​സ​ത്തെ ട്രോ​ളി​ങ് നി​രോ​ധ​നം അ​വ​സാ​നി​ച്ച​തോ​ടെ ‌ഞാ​യ​റാ​ഴ്ച പു​ല​ർ​ച്ചെ പോ​യ ചെ​റു ബോ​ട്ടു​ക​ളാ​ണ് മീ​നു​മാ​യി തി​രി​കെ​യെ​ത്തി​യ​ത്. വ​ലി​യ ബോ​ട്ടു​ക​ൾ തി​ങ്ക​ളാ​ഴ്ച രാ​വി​ലെ മു​ത​ൽ എ​ത്തി​ത്തു​ട​ങ്ങും.

ഞാ​യ​റാ​ഴ്ച സ​മ്പൂ​ർ​ണ ലോ​ക്​​ഡൗ​ണാ​യ​തി​നാ​ൽ ക​ച്ച​വ​ടം ഉ​ണ്ടാ​യി​രു​ന്നി​ല്ല. ബോ​ട്ടു​ക​ളി​ൽ ത​ന്നെ ഐ​സി​ട്ട് സൂ​ക്ഷി​ച്ചി​രി​ക്കു​ന്ന ചെ​മ്മീ​ൻ ഇ​ന​ങ്ങ​ൾ തി​ങ്ക​ളാ​ഴ്ച പു​ല​ർ​ച്ചെ നാ​ല് മു​ത​ൽ വി​ൽ​ക്കും.

ഞാ​യ​റാ​ഴ്ച ആ​യ​തി​നാ​ൽ ബോ​ട്ടു​ക​ൾ​ക്ക് ഹാ​ർ​ബ​റി​ൽ അ​ടു​ക്കാ​ൻ ഒ​റ്റ, ഇ​ര​ട്ട നി​യ​ന്ത്ര​ണം ഉ​ണ്ടാ​യി​രു​ന്നി​ല്ല. തി​ങ്ക​ൾ, ബു​ധ​ൻ, വെ​ള്ളി ദി​വ​സ​ങ്ങ​ളി​ൽ ഒ​റ്റ അ​ക്ക​ത്തി​ലും ചൊ​വ്വ, വ്യാ​ഴം, ശ​നി ദി​വ​സ​ങ്ങ​ളി​ൽ ഇ​ര​ട്ട അ​ക്ക​ത്തി​ലും അ​വ​സാ​നി​ക്കു​ന്ന ര​ജി​സ്ട്രേ​ഷ​ൻ ന​മ്പ​റു​ക​ളി​ലു​മു​ള്ള ബോ​ട്ടു​ക​ളേ ക​ട​ലി​ൽ പോ​കാ​ൻ അ​നു​വ​ദി​ക്കു​ള്ളൂ. 120 എ​ച്ച്.​പി​യി​ൽ കൂ​ടു​ത​ൽ ശേ​ഷി​യു​ള്ള ബോ​ട്ടു​ക​ൾ​ക്കാ​ണ് നി​യ​ന്ത്ര​ണം. ജി​ല്ല​യി​ൽ അ​ഴീ​ക്ക​ൽ ശ​ക്തി​കു​ള​ങ്ങ​ര ഹാ​ർ​ബ​റു​ക​ളി​ലാ​യി ആ​യി​ര​ത്തോ​ളം ബോ​ട്ടു​ക​ളാ​ണ് ആ​കെ​യു​ള്ള​ത്. ഇ​തി​ൽ എ​ഴു​നൂ​റോ​ളം ബോ​ട്ടു​ക​ൾ ഞാ​യ​റാ​ഴ്ച ക​ട​ലി​ൽ പോ​യി.

ശ​ക്തി​കു​ള​ങ്ങ​ര ഹാ​ർ​ബ​റി​ൽ ലേ​ലം ഉ​ണ്ടാ​കി​ല്ല. മ​ത്സ്യ വി​ൽ​പ​ന​ക്കാ​യി 14 കൗ​ണ്ട​റു​ക​ൾ ക്ര​മീ​ക​രി​ച്ചി​ട്ടു​ണ്ട്. കോ​വി​ഡ് നെ​ഗ​റ്റീ​വ് സ​ർ​ട്ടി​ഫി​ക്ക​റ്റി​നൊ​പ്പം കൊ​വി​ഡ് ജാ​ഗ്ര​ത പോ​ർ​ട്ട​ലി​ൽ ര​ജി​സ്​​റ്റ​ർ ചെ​യ്തി​ട്ടു​ള്ള​വ​രെ മാ​ത്ര​മേ ഹാ​ർ​ബ​റി​ൽ പ്ര​വേ​ശി​പ്പി​ക്കൂ. കോ​സ്​​റ്റ​ൽ പൊ​ലീ​സും മ​റൈ​ൻ എ​ൻ​ഫോ​ഴ്സ്മെൻറ്​ ബോ​ട്ടു​ക​ൾ​ക്കു​ള്ളി​ലും പ​രി​ശോ​ധ​ന ന​ട​ത്തും.