ബാറിലെ സംഘർഷം; ബാർ ജീവനക്കാരുൾപ്പെടെ ആറുപേർ അറസ്റ്റിൽ

കൊ​ല്ലം: ശ​ക്തി​കു​ള​ങ്ങ​ര ബാ​റി​ൽ ഉ​ണ്ടാ​യ സം​ഘ​ർ​ഷ​വു​മാ​യി ബ​ന്ധ​പ്പെ​ട്ട് ആ​റു​പേ​രെ പൊ​ലീ​സ് അ​റ​സ്റ്റ് ചെ​യ്തു. അ​റ​സ്റ്റി​ലാ​യ​വ​രി​ൽ ബാ​റി​ലെ നാ​ല് ജീ​വ​ന​ക്കാ​രും മ​ദ്യം വാ​ങ്ങാ​ൻ എ​ത്തി​യ ര​ണ്ടു​പേ​രും ഉ​ൾ​പ്പെ​ടു​ന്നു. ശ​ക്തി​കു​ള​ങ്ങ​ര വി​ല്ലേ​ജി​ൽ പെ​രു​ങ്കു​ഴി ഹൗ​സി​ൽ ശ​ബ​രി സു​നി​ൽ (25), ശ​ക്തി​കു​ള​ങ്ങ​ര പോ​സ്റ്റ് ഓ​ഫീ​സ് പ​രി​ധി​യി​ലെ ഐ​ശ്വ​ര്യ ന​ഗ​റി​ൽ വാ​യി​ലി​ത​ര വീ​ട്ടി​ൽ അ​ന​ന്തു ഘോ​ഷ് (27), ബാ​ർ ജീ​വ​ന​ക്കാ​രാ​യ മ​യ്യ​നാ​ട് പി​ണ​ക്ക​ൽ​ചേ​രി ത​ട്ടാ​മ​ല വ​യ​ലി​ൽ പു​ത്ത​ൻ​വീ​ട്, ഇ​പ്പോ​ൾ പ​ള്ളി​മു​ക്ക് യൂ​നു​സ് എ​ൻ​ജി​നീ​യ​റി​ങ് കോ​ളേ​ജ് സ​മീ​പം വാ​ട​ക വീ​ട്ടി​ൽ ഷാ​നു (28), മ​യ്യ​നാ​ട് പ​ട​നി​ലം കു​ഴി​യ​ൽ കോ​ള​നി​യി​ൽ സു​രേ​ഷ് കു​മാ​ർ (25), ത​ഴു​ത്ത​ല വ​ട​ക്കും​ക​ര പ​ടി​ഞ്ഞാ​റേ​ച്ചേ​രി, ഉ​മ​യ​ന​ല്ലൂ​ർ ഇ​ൻ​ഡ​സ്ട്രി​യ​ൽ എ​സ്റ്റേ​റ്റ് സ​മീ​പം ജി​തി​ൻ രാ​ജ് (25), മ​യ്യ​നാ​ട് പി​ണ​ക്ക​ൽ​ചേ​രി​യി​ൽ വ​ട​ക്കേ​മം​ഗ​ലം രാ​കേ​ഷ് (28) എ​ന്നി​വ​രാ​ണ്​ പി​ടി​യി​ലാ​യ​ത്.

19ന് ​രാ​ത്രി എ​ട്ടു​മ​ണി​യോ​ടെ​യാ​യി​രു​ന്നു സം​ഭ​വം. മ​ദ്യം വാ​ങ്ങാ​ൻ വ​ന്ന ശ​ബ​രി സു​നി​ലും അ​ന​ന്തു ഘോ​ഷും മ​ദ്യം ന​ൽ​കു​ന്ന​തി​ൽ താ​മ​സം വ​ന്ന​ത് ചോ​ദ്യം ചെ​യ്ത​തോ​ടെ ത​ർ​ക്കം ആ​രം​ഭി​ച്ചു. വാ​ക്കേ​റ്റം സം​ഘ​ർ​ഷ​ത്തി​ലേ​ക്ക് വ​ഴി​മാ​റി. ബാ​ർ ജീ​വ​ന​ക്കാ​ർ ബി​യ​ർ കു​പ്പി​യും കൗ​ണ്ട​റി​ൽ ഉ​ണ്ടാ​യി​രു​ന്ന പ്ല​യ​റും ഉ​പ​യോ​ഗി​ച്ച് ശ​ബ​രി സു​നി​ലി​നെ​യും അ​ന​ന്തു​ഘോ​ഷി​നെ​യും മ​ർ​ദി​ച്ചു. ഇ​രു​വ​രും തി​രി​ച്ചാ​ക്ര​മി​ച്ച​തോ​ടെ സ്ഥി​തി വ​ഷ​ളാ​യി. സം​ഭ​വ​ത്തി​ൽ ശ​ബ​രി സു​നി​ലി​നും അ​ന​ന്തു​ഘോ​ഷി​നും ത​ല​ക്ക്​ പ​രി​ക്കേ​റ്റി​രു​ന്നു. ബാ​ർ ജീ​വ​ന​ക്കാ​രും കൈ​ക്കു​ൾ​പ്പെ​ടെ പ​രി​ക്കേ​റ്റ് ആ​ശു​പ​ത്രി​യി​ൽ ചി​കി​ത്സ തേ​ടി. മ​നഃ​പ്പൂ​ർ​വ​മ​ല്ലാ​ത്ത ന​ര​ഹ​ത്യ​ശ്ര​മ​ത്തി​ന് കീ​ഴി​ൽ ശ​ക്തി​കു​ള​ങ്ങ​ര പൊ​ലീ​സ് ര​ണ്ട് കേ​സു​ക​ൾ ര​ജി​സ്റ്റ​ർ ചെ​യ്തു. ശ​ക്തി​കു​ള​ങ്ങ​ര എ​സ്.​ഐ​മാ​രാ​യ ശ​ബി​ൻ, സി.​ആ​ർ.​സു​നി​ൽ എ​ന്നി​വ​രു​ടെ നേ​തൃ​ത്വ​ത്തി​ൽ ന​ട​ന്ന അ​ന്വേ​ഷ​ണ​ത്തി​ൽ പ്ര​തി​ക​ളെ അ​റ​സ്റ്റ് ചെ​യ്ത് ഞാ​യ​റാ​ഴ്ച രാ​വി​ലെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.