ഉടൻ ഒരു വീടാകുമോ, ഈ കൂരയിലുണ്ട്​ നെഞ്ച്​പിടച്ചൊരു കുടുംബം

കൊ​ല്ലം: ‘100 മീ​റ്റ​ർ അ​പ്പു​റം ആ​യി​രു​ന്നു ക​ട​ൽ, ഇ​പ്പോ​ൾ ഒ​രു മീ​റ്റ​ർ അ​ക​ലെ എ​ന്നു​പോ​ലും പ​റ​യാ​ൻ പ​റ്റി​ല്ല. ഏ​ത്​ നി​മി​ഷ​വും പ​ടി​ക​ട​ന്ന്​ തി​ര​യ​ടി​ച്ചെ​ത്തും എ​ന്ന പേ​ടി​യി​ൽ ക​ഴി​യു​ക​യാ​ണ്.’- മു​ണ്ട​യ്ക്ക​ൽ തി​രു​വാ​തി​ര ന​ഗ​റി​ൽ പു​തു​വ​ൽ പു​ര​യി​ടം എ​ന്ന വീ​ട്ടു​വി​ലാ​സം ഇ​നി എ​ത്ര നാ​ൾ നി​ല​നി​ൽ​ക്കും എ​ന്ന കാ​ര്യ​ത്തി​ൽ ഒ​രു ഉ​റ​പ്പു​മി​ല്ലാ​തെ ഷീ​ജ ഇ​ത്​ പ​റ​യു​മ്പോ​ൾ പു​റ​ത്ത്​ ആ​ർ​ത്ത​ല​ക്കു​ക​യാ​ണ്​ ക​ട​ൽ. തൊ​ട്ടു​മു​ന്നി​ലാ​യി ക​ട​ലി​ന്‍റെ പ്ര​ഹ​രം ഏ​റ്റു​വാ​ങ്ങി ഏ​തു​നി​മി​ഷ​വും നി​ലം​പൊ​ത്തു​മെ​ന്ന രീ​തി​യി​ൽ നി​ൽ​ക്കു​ന്ന ഇ​രു​നി​ല വീ​ടി​ന്‍റെ മ​റ​വ്​ ആ​ണ്​ ഷീ​ജ​യു​ടെ വീ​ടി​ന്​ താ​ൽ​കാ​ലി​ക ര​ക്ഷ. ആ ​ഇ​രു​നി​ല വീ​ട്​ മ​റി​ഞ്ഞ്​ വീ​ണാ​ൽ പി​ന്നെ നേ​രെ ക​ട​ൽ എ​ത്തു​ന്ന​ത്​ ഈ ​കൊ​ച്ചു​കൂ​ര​യി​ലേ​ക്കാ​കും. എ​ന്നാ​ൽ, ക​ട​ൽ​തി​ര​യെ​ത്തും മു​മ്പ്, ആ ​ഇ​രു​നി​ല വീ​ട്​ മ​റി​ഞ്ഞ്​ വീ​ഴു​ന്ന​ത്​ ത​ങ്ങ​ളു​ടെ നേ​ർ​ക്കാ​കു​മോ എ​ന്ന ആ​ശ​ങ്ക​യി​ൽ ഉ​റ​ക്കം ന​ഷ്ട​പ്പെ​ട്ടി​രി​ക്കു​ക​യാ​ണ്​ ഷീ​ജ​ക്കും കു​ടും​ബ​ത്തി​നും.

ജീ​വി​ത ദു​ഖം ഷീ​ജ വി​വ​രി​ക്കു​മ്പോ​ൾ തൊ​ട്ട​രി​കി​ൽ ക​ട്ടി​ലി​ൽ നി​ന്ന്​ എ​ഴു​ന്നേ​ൽ​ക്കാ​ൻ പോ​ലും ക​ഴി​യാ​തെ ഭ​ർ​ത്താ​വ്​ ധ​ർ​മ​രാ​ജ​ൻ കി​ട​ക്കു​ക​യാ​ണ്. 12 വ​യ​സു​കാ​രി​യാ​യ മ​ക​ളും ഒ​മ്പ​തു വ​യ​സു​കാ​ര​നാ​യ മ​ക​നു​മാ​യി തെ​രു​വി​ലേ​ക്ക്​ ഇ​റ​ങ്ങേ​ണ്ടി​വ​രു​​മോ എ​ന്ന്​ നെ​ഞ്ച്​ പി​ട​ക്കു​ന്ന ആ ​യു​വ​തി ഇ​പ്പോ​ൾ വീ​ടി​ന്​ കാ​വ​ലാ​യി ഇ​രി​ക്കാ​ൻ പോ​ലും ക​ഴി​യാ​ത്ത സ്ഥി​തി​യാ​ണ്. ഫി​ഷ​റീ​സ്​ വ​കു​പ്പി​ന്‍റെ പു​ന​ർ​ഗേ​ഹം പ​ദ്ധ​തി​യി​ൽ 10 ല​ക്ഷം രൂ​പ കി​ട്ടാ​ൻ അ​ർ​ഹ​ത​യു​ള്ള കു​ടും​ബ​ത്തി​ന്​ വാ​ങ്ങാ​ൻ ഒ​രു വീ​ട്​ അ​ന്വേ​ഷി​ച്ച്​ നാ​ട്​ മു​ഴു​വ​ൻ ഓ​ടു​ക​യാ​ണ്. പു​ര​യി​ടം എ​ന്ന കൃ​ത്യ​മാ​യ മാ​ന​ദ​ണ്ഡ​ത്തി​ൽ കു​റ​ഞ്ഞ​ത്​ മൂ​ന്ന്​ സെ​ന്‍റി​ൽ 450 സ്​​ക്വ​യ​ർ ഫീ​റ്റി​ൽ വാ​ർ​ത്ത വീ​ട്​ എ​ന്ന നി​ബ​ന്ധ​ന മ​ന​സി​ലി​ട്ട്​ അ​ല​യാ​ൻ തു​ട​ങ്ങി​യി​ട്ട്​ വ​ർ​ഷ​ങ്ങ​ളാ​യി. 10 ല​ക്ഷം രൂ​പ​ക്ക്​ ഈ ​മാ​ന​ദ​ണ്ഡ​ത്തി​ൽ വീ​ട്​ കി​ട്ടാ​നി​ല്ലാ​ത്ത സ്ഥി​തി​യാ​ണെ​ന്ന്​ ഷീ​ജ പ​റ​യു​ന്നു. ‘‘കൊ​ല്ലം ജി​ല്ല​യി​ൽ ഇ​നി പോ​കാ​ൻ സ്ഥ​ല​മി​ല്ല. ഒ​രു​പാ​ട്​ വീ​ടു​ക​ളു​ടെ വി​വ​ര​ങ്ങ​ൾ ഫി​ഷ​റീ​സ്​ ഉ​ദ്യോ​ഗ​സ്ഥ​ർ​ക്ക്​ അ​യ​ച്ചു​ന​ൽ​കി​യി​രു​ന്നു. മി​ക്ക​വാ​റും വാ​ങ്ങാ​ൻ ക​ഴി​യാ​ത്ത​വ​യാ​ണ്​ എ​ന്ന മ​റു​പ​ടി ആ​ണ്​ ല​ഭി​ച്ച​ത്. ഒ​രു വീ​ട്​ ശ​രി​യാ​യ​പ്പോ​ൾ ഫി​ഷ​റീ​സ്​ വ​കു​പ്പ്​ ന​ട​പ​ടി ഇ​ഴ​ഞ്ഞ​തോ​ടെ ഉ​ട​മ​സ്ഥ​ൻ വേ​റെ ആ​ളി​ന്​ വി​റ്റു. ഫ​ണ്ട്​ ഇ​ല്ല എ​ന്നാ​ണ്​​ മി​ക്ക​പ്പോ​ഴും കി​ട്ടു​ന്ന മ​റു​പ​ടി. ഇ​പ്പോ​ഴും വീ​ടി​നാ​യു​ള്ള അ​ന്വേ​ഷ​ണം തു​ട​രു​ക​യാ​ണ്.’’- ഷീ​ജ പ​റ​യു​ന്നു.

കൊ​ല്ലം ബീ​ച്ചി​ലെ പാ​ർ​ക്കി​ങ്ങി​ൽ താ​ൽ​ക്കാ​ലി​ക ​ജോ​ലി​ചെ​യ്താ​ണ്​ ഷീ​ജ കു​ടും​ബം പു​ല​ർ​ത്തി​യി​രു​ന്ന​ത്. ക​ട​ൽ ക്ഷോ​ഭ ഭീ​ഷ​ണി നേ​രി​ടു​ന്ന വീ​ട്​ ഉ​ട​ൻ പൊ​ളി​ച്ചു​മാ​റ്റ​ണ​മെ​ന്ന്​ ഏ​താ​നും ആ​ഴ്ച​ക​ൾ​ക്ക്​ മു​മ്പ്​ അ​ധി​കൃ​ത​രു​ടെ നി​ർ​ദേ​ശം വ​ന്ന​തോ​ടെ ജോ​ലി​ക്ക്​ പോ​കാ​ൻ പ​റ്റാ​തെ മു​ഴു​വ​ൻ സ​മ​യം വീ​ട്​ തേ​ടി​യു​ള്ള അ​ല​ച്ചി​ലി​ലാ​ണ്. എ​ത്ര​യും പെ​ട്ടെ​ന്ന്​ കു​ടും​ബ​ത്തി​ന്​ വീ​ട്​ വാ​ങ്ങാ​നു​ള്ള അ​നു​മ​തി ഫി​ഷ​റീ​സ്​ വ​കു​പ്പി​ൽ നി​ന്ന്​ ല​ഭി​ച്ചി​ല്ലെ​ങ്കി​ൽ മ​ക്ക​ളും സു​ഖ​മി​ല്ലാ​ത്ത ഭ​ർ​ത്താ​വു​മാ​യി എ​വി​ടെ പോ​കു​മെ​ന്ന്​ അ​റി​യാ​തെ നെ​ഞ്ചു​രു​ക്കു​ക​യാ​ണ്​ ഷീ​ജ. സ​ർ​ക്കാ​ർ സ​ഹാ​യ​ത്തി​നൊ​പ്പ​വും ഭീ​മ​മാ​യ ക​ടം കു​ടും​ബ​ത്തി​ന്​ മേ​ൽ വ​രു​മെ​ങ്കി​ലും എ​ങ്ങ​നെ എ​ങ്കി​ലും ഒ​രു വീ​ട്​ എ​ത്ര​യും പെ​ട്ടെ​ന്ന്​ ശ​രി​യാ​കു​മെ​ന്ന പ്ര​തീ​ക്ഷ മാ​ത്ര​മാ​ണ്​ ഇ​പ്പോ​ൾ ബാ​ക്കി.