വീട്ടിലിരുന്ന് കോവിഡിനെ തോൽപിച്ച് സത്യമണി

കൊല്ലം: സത്യമണിക്ക് 97 വയസ്സുണ്ടെങ്കിലും തോല്‍പിക്കാന്‍ കോവിഡിനായില്ല. സത്യമണിയുടെ മനോധൈര്യത്തിന് മുന്നില്‍ കോവിഡ് തോറ്റു. കഴിഞ്ഞ 19നാണ് അഴീക്കല്‍ ആലപ്പാട്ട് ചെമ്പകശ്ശേരി സത്യമണിക്ക് കോവിഡ് സ്ഥിരീകരിച്ചത്.

ഗൃഹ ചികിത്സയിലിരുന്ന സത്യമണിക്ക് മനോധൈര്യത്തിനൊപ്പം വീട്ടുകാരുടെ കരുതലും, ആലപ്പാട് പി.എച്ച് സെൻറര്‍ മെഡിക്കല്‍ ഓഫിസര്‍ ഡോ. മേഴ്‌സി വില്യത്തി​െൻറ നേതൃത്വത്തില്‍ ആരോഗ്യ പ്രവര്‍ത്തകരുടെ തുണയും കൂടി ലഭിച്ചതോടെ കോവിഡിനെ അനായാസം തോല്‍പിക്കാനായി.

കോവിഡ് ഭേദമായതറിഞ്ഞ് ഹെല്‍ത്ത് ഇന്‍സ്‌പെക്ടര്‍മാരായ ശ്രീകുമാര്‍, ഗോപന്‍, നുജു എന്നിവര്‍ മുത്തശ്ശിയെ വീട്ടിലെത്തി അഭിനന്ദിച്ചു.