വൃ​ത്തി​യാ​ക്കാ​തെ കനാ​ലി​ൽ വെ​ള്ള​മൊ​ഴു​ക്കി; വേ​ന​ലി​ൽ വീ​ടു​ക​ളി​ൽ വെ​ള്ള​​പ്പൊ​ക്കം

ശാ​സ്താം​കോ​ട്ട: വൃ​ത്തി​യാ​ക്കാ​തെ ക​നാ​ലി​ലേ​ക്ക്​ വെ​ള്ളം തു​റ​ന്നു​വി​ട്ട​തോ​ടെ മാ​ലി​ന്യം അ​ടി​ഞ്ഞ ക​നാ​ൽ സൈ​ഫ​ണി​ൽ (സം​ഭ​ര​ണി) ഒ​ഴു​ക്ക് ത​ട​സ്സ​പ്പെ​ട്ട് സൈ​ഫ​ൺ നി​റ​ത്തു​ക​വി​ഞ്ഞ് നി​ര​വ​ധി വീ​ടു​ക​ളി​ൽ വെ​ള്ളം ക​യ​റി. മ​ന​ക്ക​ര പെ​ട്രോ​ൾ പ​മ്പി​നു സ​മീ​പ​ത്തെ വീ​ടു​ക​ളി​ലാ​ണ് ക​ഴി​ഞ്ഞ ദി​വ​സം രാ​ത്രി​യി​ൽ വെ​ള്ളം ക​യ​റി​യ​ത്.

രാ​ത്രി പ​ന്ത്ര​ണ്ടോ​ടെ​യാ​ണ്​ വെ​ള്ളം ക​യ​റാ​ൻ തു​ട​ങ്ങി​യ​ത്. പു​ര​യി​ട​ങ്ങ​ളി​ലൂ​ടെ ഒ​ഴു​കി​യ വെ​ള്ളം ശാ​സ്താം​കോ​ട്ട - അ​ടൂ​ർ സം​സ്ഥാ​ന പാ​ത​യി​ലൂ​ടെ​യും ഒ​ഴു​കാ​ൻ തു​ട​ങ്ങി. വി​വ​രം കെ.​ഐ.​പി അ​ധി​കൃ​ത​രെ അ​റി​യി​ച്ചു. രാ​ത്രി ര​ണ്ട​ര​യോ​ടെ ഈ ​ഭാ​ഗ​ത്തേ​ക്കു​ള്ള ഷ​ട്ട​ർ അ​ട​ച്ചെ​ങ്കി​ലും ക​നാ​ലി​ൽ നി​ല​വി​ലു​ണ്ടാ​യി​രു​ന്ന വെ​ള്ളം പൂ​ർ​ണ​മാ​യും ഒ​ഴു​കി​പ്പോ​കാ​തെ സൈ​ഫ​ൺ വൃ​ത്തി​യാ​ക്കാ​ൻ ക​ഴി​യാ​ത്ത സാ​ഹ​ച​ര്യ​മാ​യി​രു​ന്നു. വ്യാ​ഴാ​ഴ്ച ഉ​ച്ച​യ്ക്ക് 12 വ​രെ ജ​ലം ഒ​ഴു​കു​ക​യാ​യി​രു​ന്നു.

രാ​വി​ലെ​യും സൈ​ഫ​ൺ വൃ​ത്തി​യാ​ക്കാ​ൻ ന​ട​പ​ടി യൊ​ന്നും കെ.​ഐ.​പി അ​ധി​കൃ​ത​രു​ടെ ഭാ​ഗ​ത്തു​നി​ന്നു​ണ്ടാ​കാ​ത്ത​തി​നാ​ൽ മു​ൻ ഗ്രാ​മ പ​ഞ്ചാ​യ​ത്ത് അം​ഗം എ​സ്. ദി​ലീ​പ് കു​മാ​ർ വി​വ​രം ക​ല​ക്ട​റെ ധ​രി​പ്പി​ച്ചു. ക​ല​ക്ട​റു​ടെ നി​ർ​ദേ​ശ​ത്തി​ന്‍റെ അ​ടി​സ്ഥാ​ന​ത്തി​ൽ ത​ഹ​സി​ൽ​ദാ​രും വി​ല്ലേ​ജ് ഓ​ഫി​സ​റും സ്ഥ​ല​ത്തെ​ത്തി കെ.​ഐ.​പി അ​ധി​കൃ​ത​രെ വി​ളി​ച്ചു​വ​രു​ത്തു​ക​യും പി​ന്നീ​ട് ആ​ളെ നി​ർ​ത്തി സൈ​ഫ​ണി​ൽ കി​ട​ന്ന മാ​ലി​ന്യം വാ​രി മാ​റ്റു​ക​യു​മാ​യി​രു​ന്നു. മു​ൻ​വ​ർ​ഷ​ങ്ങ​ളി​ൽ നി​ന്ന് വ്യ​ത്യ​സ്ത​മാ​യി ക​നാ​ൽ വൃ​ത്തി​യാ​ക്കാ​തെ​യാ​ണ് ഈ ​വ​ർ​ഷം ക​നാ​ൽ തു​റ​ന്നു​വി​ട്ട​ത്. ഇ​ത് സം​ബ​ന്ധി​ച്ച് ര​ണ്ടു ദി​വ​സം മു​മ്പ് മാ​ധ്യ​മം വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു.