അപകടത്തിൽപെട്ട ലോറിയുടെ കാബിനിൽ കുടുങ്ങിയ ഡ്രൈവറെ രക്ഷപ്പെടുത്തി

ശാ​സ്താം​കോ​ട്ട: ശൂ​ര​നാ​ട്-​ക​ണ്ണ​മം ച​ന്ത​ക്ക്​ സ​മീ​പം ബ​സി​ന് ഇ​ടം കൊ​ടു​ക്ക​വേ നി​യ​ന്ത്ര​ണം തെ​റ്റി​യ ലോ​റി റോ​ഡ​രി​കി​ലെ മ​ര​ത്തി​ൽ ഇ​ടി​ച്ചു ക​യ​റി; വാ​ഹ​ന​ത്തി​നു​ള്ളി​ൽ കു​ടു​ങ്ങി​യ ഡ്രൈ​വ​ർ​ക്ക്​ പ​രി​ക്കേ​റ്റു. ഇ​ടി​യു​ടെ ആ​ഘാ​ത​ത്തി​ൽ മ​രം പി​ഴു​തു​വീ​ണു. ഞാ​യ​റാ​ഴ്ച രാ​വി​ലെ 5.45നാ​ണ് അ​പ​ക​ടം. ലോ​റി​യു​ടെ കാ​ബി​ൻ പൂ​ർ​ണ​മാ​യും ത​ക​ർ​ന്നു. ഡ്രൈ​വ​ർ കൊ​ച്ചാ​ലും​മൂ​ട് സ്വ​ദേ​ശി വൈ​ശാ​ഖ്​ (27) കാ​ബി​നി​ൽ കു​ടു​ങ്ങി.

പാ​ലു​മാ​യി പോ​യ ലോ​റി​യാ​ണ് അ​പ​ക​ട​ത്തി​ൽ​പെ​ട്ട​ത്. ശാ​സ്താം​കോ​ട്ട​യി​ൽ നി​ന്നു​ള്ള അ​ഗ്നി​ശ​മ​ന​സേ​ന അം​ഗ​ങ്ങ​ൾ കാ​ബി​ൻ വെ​ട്ടി​പ്പൊ​ളി​ച്ചാ​ണ് വൈ​ശാ​ഖി​നെ ര​ക്ഷ​പ്പെ​ടു​ത്തി​യ​ത്.

സേ​ന​യു​ടെ ആം​ബു​ല​ൻ​സി​ൽ ത​ന്നെ ശാ​സ്താം​കോ​ട്ട താ​ലൂ​ക്കാ​ശു​പ​ത്രി​യി​ൽ എ​ത്തി​ച്ചു. ഡ്രൈ​വ​റു​ടെ കാ​ലി​ന് സ​ര​മാ​യ പ​രി​ക്കു​ണ്ട്. വ​ണ്ടി​യി​ൽ മ​റ്റ് ര​ണ്ട് സ​ഹാ​യി​ക​ളും ഉ​ണ്ടാ​യി​രു​ന്നു. ഗ്രേ​ഡ് എ.​എ​സ്.​ടി.​ഒ സ​ജീ​വ്​ ര​ക്ഷാ​പ്ര​വ​ർ​ത്ത​ന​ത്തി​ന്​ നേ​തൃ​ത്വം ന​ൽ​കി. ഫ​യ​ർ ആ​ൻ​ഡ് റെ​സ്ക്യൂ ഓ​ഫി​സ​ർ​മാ​രാ​യ ഷി​നു, ര​തീ​ഷ്, അ​ഭി​ലാ​ഷ്, മ​നോ​ജ്‌, ഫ​യ​ർ ആ​ൻ​ഡ് റെ​സ്ക്യൂ ഓ​ഫി​സ​ർ ഡ്രൈ​വ​ർ ഹ​രി​പ്ര​സാ​ദ്, ഹോം​ഗാ ർ​ഡ് ബി​ജു, ശ്രീ​കു​മാ​ർ എ​ന്നി​വ​രും പ​​ങ്കെ​ടു​ത്തു.