ശാസ്താംകോട്ട താലൂക്ക് ആശുപത്രി; പണിതിട്ടും പണിതിട്ടും പണിതീരാതെ...

ശാ​സ്താം​കോ​ട്ട: നൂ​റു​ക​ണ​ക്കി​ന് സാ​ധാ​ര​ണ​ക്കാ​ർ ദി​നം​പ്ര​തി ചി​കി​ത്സ തേ​ടി​യെ​ത്തു​ന്ന ശാ​സ്താം​കോ​ട്ട താ​ലൂ​ക്ക് ആ​ശു​പ​ത്രി​യി​ൽ നി​ർ​മാ​ണം ഇ​ഴ​യു​ന്ന​തി​നാ​ൽ രോ​ഗി​ക​ൾ അ​ട​ക്ക​മു​ള്ള​വ​ർ വ​ല​യു​ന്നു. ആ​ശു​പ​ത്രി​യു​ടെ ദൈ​നം​ദി​ന പ്ര​വ​ർ​ത്ത​ന​ങ്ങ​ളെ​പ്പോ​ലും ഇ​ത് സാ​ര​മാ​യി ബാ​ധി​ക്കു​ന്നു.3.3 കോ​ടി ചി​ല​വി​ൽ മാ​തൃ​ശി​ശു പ​രി​ച​ര​ണ കേ​ന്ദ്രം നി​ർ​മാ​ണം മാ​സ​ങ്ങ​ൾ​ക്ക് മു​മ്പ് തു​ട​ങ്ങി​യെ​ങ്കി​ലും വേ​ഗം പോ​രാ.

നി​ർ​മാ​ണ പ്ര​വ​ർ​ത്ത​ന​ത്തി​ന് വേ​ണ്ടി പ്ര​ധാ​ന ക​വാ​ടം അ​ട​ച്ച​തി​നാ​ൽ ശാ​സ്താം​കോ​ട്ട പ​ഞ്ചാ​യ​ത്ത് ഓ​ഫി​സി​ന് സ​മീ​പ​ത്തെ ഇ​ടു​ങ്ങി​യ വ​ഴി​യി​ലൂ​ടെ മാ​ത്ര​മേ ആ​ശു​പ​ത്രി​യി​ലെ​ത്താ​ൻ ക​ഴി​യു. ഇ​വി​ടെ എ​ത്തി​യാ​ലും ഒ.​പി ടി​ക്ക​റ്റ് കൗ​ണ്ട​ർ എ​വി​ടെ​യെ​ന്നോ ഡോ​ക്ട​റെ കാ​ണാ​ൻ എ​വി​ടെ പോ​ക​ണ​മെ​ന്നോ എ​ന്ന് അ​റി​യാ​ൻ പോ​ലും ക​ഴി​യാ​ത്ത അ​വ​സ്ഥ​യാ​ണ്.

മാ​തൃ ശി​ശു കേ​ന്ദ്രം പ​ണി​യു​ന്ന​തി​ന് സം​സ്ഥാ​ന ആ​രോ​ഗ്യ വ​കു​പ്പ് 2016 - 17ലാ​ണ് തു​ക അ​നു​വ​ദി​ച്ച​ത്. 2018-19ൽ ​പി.​ഡ​ബ്ല്യു.​ഡി പ്ലാ​ൻ ത​യാ​റാ​ക്കി ന​ൽ​കി. മൂ​ന്ന് നി​ല​ക​ളു​ള്ള കെ​ട്ടി​ടം ഒ​രു വ​ർ​ഷ​ത്തി​നു​ള്ളി​ൽ പ​ണി പൂ​ർ​ത്തി​യാ​ക്കി എ​ൻ.​എ​ച്ച്.​ആ​ർ.​എ​മ്മി​ന് കൈ​മാ​റ​ണ​മെ​ന്നും എ​ൻ.​എ​ച്ച്.​ആ​ർ.​എം ഇ​തി​നോ​ടൊ​പ്പം ആ​റ് കോ​ടി രൂ​പ കൂ​ടി ചെ​ല​വ​ഴി​ച്ച് വി​പു​ല​മാ​യ കെ​ട്ടി​ട സ​മു​ച്ച​യം തീ​ർ​ക്കു​മെ​ന്നു​മാ​യി​രു​ന്നു വ്യ​വ​സ്ഥ.

എ​ന്നാ​ൽ, ആ​ദ്യ​ത്തെ കെ​ട്ടി​ടം പ​ണി നീ​ണ്ടു​പോ​യ​തോ​ടെ അ​നു​വ​ദി​ച്ച തു​ക​ക്ക് പ്ലാ​ൻ പ്ര​കാ​രം കെ​ട്ടി​ട നി​ർ​മാ​ണം ന​ട​ത്താ​ൻ ക​ഴി​യാ​തെ വ​രി​ക​യും നി​ര​വ​ധി ത​വ​ണ പ്ലാ​നി​ൽ മാ​റ്റം​വ​രു​ത്തേ​ണ്ടി വ​രി​ക​യും ചെ​യ്തു. നി​ല​വി​ൽ മാ​തൃ ശി​ശു സം​ര​ക്ഷ​ണ കേ​ന്ദ്ര നി​ർ​മാ​ണം ഒ​രു നി​ല​യാ​യി ചു​രു​ക്കി. ഇ​തി​ന്റെ പ്ര​വൃ​ത്തി പൂ​ർ​ത്തി​യാ​ക്കി 2024 മാ​ർ​ച്ചി​ൽ കൈ​മാ​റ​ണ​മെ​ന്ന് അ​ന്തി​മ നി​ർ​ദേ​ശം വ​ന്ന​ങ്കി​ലും നി​ർ​മാ​ണം ഇ​ഴ​യു​ക​യാ​ണ്. ഇ​തോ​ടെ എ​ൻ.​എ​ച്ച്.​ആ​ർ.​എ​മ്മി​ന്റെ ഫ​ണ്ട് പ്ര​യോ​ജ​ന​പ്പെ​ടു​ത്താ​ൻ ക​ഴി​യാ​ത്ത സാ​ഹ​ച​ര്യ​മാ​ണ്.

ആ​ശു​പ​ത്രി വി​ക​സ​ന​ത്തി​ന് വേ​ണ്ടി പ​ഞ്ചാ​യ​ത്തി​ന്റെ അ​ധീ​ന​ത​യി​ലു​ണ്ടാ​യി​രു​ന്ന 50 സെ​ന്റ് ഭൂ​മി ഏ​റ്റെ​ടു​ത്തെ​ങ്കി​ലും തു​ട​ർ ന​ട​പ​ടി പൂ​ർ​ത്തി​യാ​ക്കാ​ത്ത​തി​നാ​ൽ എ​മ​ർ​ജ​ൻ​സി ബ്ലോ​ക്ക് നി​ർ​മാ​ണ​ത്തി​ന് വേ​ണ്ടി എ​ൻ.​എ​ച്ച്.​ആ​ർ.​എം അ​നു​വ​ദി​ച്ച മ​റ്റൊ​രു എ​ട്ട് കോ​ടി രൂ​പ ന​ഷ്ട​പ്പെ​ട്ട അ​വ​സ്ഥ​യാ​ണ്.

ആ​ർ​ദ്രം പ​ദ്ധ​തി പ്ര​കാ​രം ഒ.​പി കൗ​ണ്ട​റും മ​റ്റും പ്ര​വ​ർ​ത്തി​പ്പി​ക്കാ​ൻ മ​റ്റൊ​രു കെ​ട്ടി​ടം പ​ണി ആ​രം​ഭി​ച്ചി​രു​ന്നു. ആ​ശു​പ​ത്രി വി​ക​സ​ന ഭാ​ഗ​മാ​യി എ​ക്സ്റേ യൂ​നി​റ്റി​ന്‍റെ പ്ര​വ​ർ​ത്ത​നം അ​വ​സാ​നി​പ്പി​ച്ചി​ട്ട് ര​ണ്ട് വ​ർ​ഷ​ത്തി​ലേ​റെ​യാ​യി. പ്ര​തി​ഷേ​ധ​ത്തെ തു​ട​ർ​ന്ന് ക​ഴി​ഞ്ഞ ന​വം​ബ​ർ 25ന് ​യൂ​നി​റ്റ് പ്ര​വ​ർ​ത്ത​നം പു​ന​രാ​രം​ഭി​ച്ചെ​ങ്കി​ലും യ​ന്ത്ര​ത്ത​ക​രാ​ർ മൂ​ലം പ്ര​വ​ർ​ത്ത​നം ആ​രം​ഭി​ച്ചി​ല്ല.

ഇ​തോ​ടെ എ​ക്സ്റേ എ​ടു​ക്കു​ന്ന​തി​ന് സ്വ​കാ​ര്യ ക്ലി​നി​ക്കു​ക​ളെ ആ​ശ്ര​യി​ക്കേ​ണ്ട സ്ഥി​തി​യാ​ണ്. ഇ​തി​നി​ടെ പ​തി​നാ​യി​ര​ക്ക​ണ​ക്കി​ന് രൂ​പ ചെ​ല​വ​ഴി​ച്ച് നി​ർ​മി​ച്ച ക​മാ​നം ക​ഴി​ഞ്ഞ​ദി​വ​സം പൊ​ളി​ച്ചു​നീ​ക്കി.