യാത്രാദുരിതം വിതച്ച്​ ശാസ്താംകോട്ട -ചവറ പൈപ്പ് റോഡ്

ശാ​സ്താം​കോ​ട്ട: ഏ​റെ പ്ര​തീ​ക്ഷ​യോ​ടെ നി​ർ​മി​ച്ച ശാ​സ്താം​കോ​ട്ട - ച​വ​റ പൈ​പ്പ് റോ​ഡി​ന്റെ ഭാ​ഗ​ങ്ങ​ൾ ത​ക​ർ​ന്ന​നി​ല​യി​ൽ. 1957 ൽ ​ഇ​ൻ​ഡോ- നോ​ർ​വീ​ജി​യ​ൻ പ​ദ്ധ​തി പ്ര​കാ​രം ശാ​സ്താം​കോ​ട്ട ത​ടാ​ക​ത്തി​ൽ​നി​ന്ന്​ കൊ​ല്ലം പ​ട്ട​ണ​ത്തി​ലേ​ക്ക് കു​ടി​വെ​ള്ളം കൊ​ണ്ടു​പോ​കു​ന്ന​തി​നാ​യി നി​ർ​മി​ച്ച​താ​ണ് പൈ​പ്പ് റോ​ഡ്.

ശാ​സ്താം​കോ​ട്ട, മൈ​നാ​ഗ​പ്പ​ള്ളി, തേ​വ​ല​ക്ക​ര, പ​ന്മ​ന പ​ഞ്ചാ​യ​ത്തു​ക​ളി​ലൂ​ടെ ക​ട​ന്നു​പോ​കു​ന്ന റോ​ഡ് ച​വ​റ ടൈ​റ്റാ​നി​യ​ത്തി​ന് മു​ന്നി​ലാ​ണ് അ​വ​സാ​നി​ക്കു​ന്ന​ത്. 15 മീ​റ്റ​ർ വീ​തി​യി​ൽ നേ​ർ​രേ​ഖ പോ​ലു​ള്ള റോ​ഡി​ന് 11 കി​ലോ​മീ​റ്റ​റാ​യി​രു​ന്നു ദൈ​ർ​ഘ്യം. ആ​ദ്യ​കാ​ല​ത്ത് സി​മ​ന്റ് പൈ​പ്പു​ക​ളാ​ണ് വെ​ള്ളം കൊ​ണ്ടു​പോ​കു​ന്ന​തി​ന് ഉ​പ​യോ​ഗി​ച്ചി​രു​ന്ന​തെ​ന്ന​തി​നാ​ൽ വാ​ട്ട​ർ അ​തോ​റി​റ്റി ഇ​തു​വ​ഴി വാ​ഹ​ന​ഗ​താ​ഗ​തം അ​നു​വ​ദി​ച്ചി​രു​ന്നി​ല്ല.

കാ​ല​ക്ര​മേ​ണ റോ​ഡി​ന് ഇ​രു​വ​ശ​വും താ​മ​സ​ക്കാ​രു​ടെ എ​ണ്ണം വ​ർ​ധി​ച്ച​തോ​ടെ വാ​ഹ​ന ഗ​താ​ഗ​തം അ​നു​വ​ദി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി. അ​ന്ന് ജ​ല​വി​ഭ​വ​മ​ന്ത്രി​യാ​യി​രു​ന്ന എ​ൻ.​കെ. പ്രേ​മ​ച​ന്ദ്ര​ൻ ഇ​ട​പെ​ട്ട് റോ​ഡി​ന്റെ മ​ധ്യ​ഭാ​ഗ​ത്തു​കൂ​ടി മൂ​ന്ന്​ മീ​റ്റ​ർ വീ​തി​യി​ൽ റോ​ഡ് ടാ​ർ ചെ​യ്യാ​ൻ തീ​രു​മാ​നി​ച്ചു. ര​ണ്ട​ര​ക്കോ​ടി രൂ​പ ചെ​ല​വ​ഴി​ച്ച് 2010 ൽ ​വാ​ട്ട​ർ അ​തോ​റി​റ്റി​ത​ന്നെ റോ​ഡ് ടാ​ർ ചെ​യ്തു.

പി​ന്നീ​ട് വ​ർ​ഷ​ങ്ങ​ളോ​ളം അ​റ്റ​കു​റ്റ​പ്പ​ണി​ക​ൾ ചെ​യ്യാ​ത്ത​തി​നാ​ൽ റോ​ഡ് ത​ക​ർ​ന്നു. പ്ര​തി​ഷേ​ധം ശ​ക്ത​മാ​യ​തോ​ടെ കോ​വൂ​ർ കു​ഞ്ഞു​മോ​ൻ എം.​എ​ൽ.​എ ഇ​ട​പെ​ട്ട് മു​ഖ്യ​മ​ന്ത്രി​യു​ടെ പ്രാ​ദേ​ശി​ക റോ​ഡ് വി​ക​സ​ന ഫ​ണ്ടി​ൽ​നി​ന്നു​ള്ള 60 ല​ക്ഷം രൂ​പ ചെ​ല​വ​ഴി​ച്ച് 2011 ൽ ​ശാ​സ്താം​കോ​ട്ട മു​ത​ൽ വേ​ങ്ങ​വ​രെ മൂ​ന്ന്​ കി​ലോ​മീ​റ്റ​ർ റോ​ഡ് പു​ന​ർ​നി​ർ​മി​ച്ചെ​ങ്കി​ലും നി​ർ​മാ​ണ​ത്തി​ലെ അ​പാ​ക​ത​മൂ​ലം ഈ ​ഭാ​ഗം ത​ക​ർ​ന്ന് തു​ട​ങ്ങി.

അ​ടു​ത്ത സ​മ​യ​ത്ത് ശാ​സ്താം​കോ​ട്ട ബ്ലോ​ക്ക് പ​ഞ്ചാ​യ​ത്തി​ന്റെ 15 ല​ക്ഷ​വും മൈ​നാ​ഗ​പ്പ​ള്ളി ഗ്രാ​മ​പ​ഞ്ചാ​യ​ത്തി​ന്റെ പ​ത്ത് ല​ക്ഷം രൂ​പ​യും ചെ​ല​വ​ഴി​ച്ച് വേ​ങ്ങ​മു​ത​ൽ കോ​വൂ​ർ അ​ഞ്ച് പൈ​പ്പ് വ​രെ ന​ന്നാ​ക്കി​യി​ട്ടു​ണ്ട്. അ​വി​ടെ​നി​ന്ന്​ ആ​റ്റു​പു​റം​വ​രെ ത​ക​ർ​ന്ന് കി​ട​ക്കു​ക​യാ​ണ്. ആ​റ്റു​പു​റം​മു​ത​ൽ ഓ​ഡി​റ്റോ​റി​യം ജ​ങ്​​ഷ​ൻ​വ​രെ ഗ്രാ​മ​പ​ഞ്ചാ​യ​ത്ത് അം​ഗം വ​ർ​ഗീ​സ് ത​ര​ക​ന്റെ വാ​ർ​ഡി​ലേ​ക്കു​ള്ള വി​ഹി​തം അ​ഞ്ചു ല​ക്ഷം രൂ​പ ഉ​പ​യോ​ഗി​ച്ച് ടാ​ർ ചെ​യ്തി​രു​ന്നു. ഇ​വി​ടം മു​ത​ൽ പ​ഞ്ചാ​യ​ത്തി​ന്റെ അ​തി​ർ​ത്തി​വ​രെ ഇ​നി ടാ​ർ ചെ​യ്യാ​നു​ണ്ട്.

തേ​വ​ല​ക്ക​ര പ​ഞ്ചാ​യ​ത്തി​ലൂ​ടെ ക​ട​ന്നു​പോ​കു​ന്ന ഭാ​ഗം പൂ​ർ​ണ​മാ​യും പ​ന്മ​ന പ​ഞ്ചാ​യ​ത്തി​ന്റെ തു​ട​ക്ക​ഭാ​ഗ​ത്തും കാ​ൽ​ന​ട​പോ​ലും അ​സാ​ധ്യ​മാ​കു​ന്ന​ത​ര​ത്തി​ൽ റോ​ഡ് ത​ക​ർ​ന്ന് കി​ട​ക്കു​ക​യാ​ണ്.

പ​ന്മ​ന പ​ഞ്ചാ​യ​ത്തി​ലെ കു​രീ​ത്ത​റ ജ​ങ്​​ഷ​ൻ മു​ത​ൽ ടൈ​റ്റാ​നി​യം ജ​ങ്​​ഷ​ൻ​വ​രെ ഡോ. ​സു​ജി​ത് വി​ജ​യ​ൻ​പി​ള്ള എം.​എ​ൽ.​എ​യു​ടെ ഫ​ണ്ട് ഉ​പ​യോ​ഗി​ച്ച് പു​ന​ർ​നി​ർ​മി​ച്ചി​ട്ടു​ണ്ട്. കു​ന്ന​ത്തൂ​ർ അ​ട​ക്ക​മു​ള്ള കി​ഴ​ക്ക​ൻ മേ​ഖ​ല​യി​ലു​ള്ള​വ​ർ​ക്ക് മ​റ്റ് റോ​ഡു​ക​ളെ ആ​ശ്ര​യി​ക്കാ​തെ എ​ളുപ്പ​ത്തി​ൽ ദേ​ശീ​യ​പാ​ത​യി​ൽ എ​ത്തി​ച്ചേ​രാ​ൻ ക​ഴി​യു​ന്ന റോ​ഡാ​ണി​ത്.