ശാസ്താംകോട്ടയിലും കടമ്പനാട്ടും വൈദ്യുതി മുടക്കം പതിവ്

ശാ​സ്താം​കോ​ട്ട: ശാ​സ്താം​കോ​ട്ട, ക​ട​മ്പ​നാ​ട് സെ​ക്​​ഷ​ൻ പ​രി​ധി​യി​ൽ​പ്പെ​ട്ട പ്ര​ദേ​ശ​ങ്ങ​ളി​ൽ മു​ന്ന​റി​യി​പ്പി​ല്ലാ​തെ വൈ​ദ്യു​തി മു​ട​ക്കം പ​തി​വാ​കു​ന്ന​താ​യി പ​രാ​തി. രാ​പ​ക​ൽ വ്യ​ത്യാ​സ​മി​ല്ലാ​തെ​യാ​ണ് വൈ​ദ്യു​തി മു​ട​ങ്ങു​ന്ന​ത്. ആ​ഴ്ച​ക​ളാ​യി ഇ​താ​ണ് അ​വ​സ്ഥ. ശാ​സ്താം​കോ​ട്ട വൈ​ദ്യു​തി ഓ​ഫി​സ് പ​രി​ധി​യി​ൽ​പ്പെ​ട്ട ഐ.​സി.​എ​സ് ട്രാ​ൻ​സ്ഫോ​ർ​മ​ർ പ​രി​ധി​യി​ൽ വൈ​ദ്യു​തി നി​ല​ച്ചി​ട്ട് ര​ണ്ടാ​ഴ്ച​യി​ലേ​റെ​യാ​യി.

ക​ട​മ്പ​നാ​ട് സെ​ക്​​ഷ​ൻ പ​രി​ധി​യി​ൽ പ​ക​ൽ സ​മ​യ​ത്ത് സെ​ക്ക​ന്റു​ക​ളു​ടെ ഇ​ട​വേ​ള​ക​ളി​ൽ വൈ​ദ്യു​തി മു​ട​ങ്ങു​ക​യാ​ണ്. ഇ​തി​നാ​ൽ ടി.​വി, ഫ്രി​ഡ്ജ്, മി​ക്സി അ​ട​ക്ക​മു​ള്ള ഗൃ​ഹോ​പ​ക​ര​ണ​ങ്ങ​ൾ ത​ക​രാ​റി​ലാ​വു​ന്ന​ത് പ​തി​വാ​ണ്. പ​ത്ത​നം​തി​ട്ട ജി​ല്ല​യി​ൽ പ്ര​വ​ർ​ത്തി​ക്കു​ന്ന ക​ട​മ്പ​നാ​ട് സെ​ക്​​ഷ​ൻ പ​രി​ധി​യി​ൽ കു​ന്ന​ത്തൂ​ർ, പോ​രു​വ​ഴി പ​ഞ്ചാ​യ​ത്തു​ക​ളാ​ണ് ഉ​ൾ​പ്പെ​ടു​ന്ന​ത്. അ​മി​ത ചൂ​ടി​നി​ടെ വൈ​ദ്യു​തി ഇ​ല്ലാ​ത്ത​തു കാ​ര​ണം ജ​ന​ങ്ങ​ൾ വെ​ന്തു​രു​കു​ക​യാ​ണ്. രാ​ത്രി​കാ​ല​ങ്ങ​ളി​ലും ഇ​താ​ണ് അ​വ​സ്ഥ. ഉ​പ​ഭോ​ക്താ​ക്ക​ളും ജ​ന​പ്ര​തി​നി​ധി​ക​ളും വൈ​ദ്യു​തി ഓ​ഫി​സി​ൽ അ​റി​യി​ച്ചാ​ലും യാ​തൊ​രു ന​ട​പ​ടി​യും ഉ​ണ്ടാ​കാ​റി​ല്ലെ​ന്ന് പ​രാ​തി​യു​ണ്ട്. അ​ധി​കാ​രി​ക​ളു​ടെ അ​നാ​സ്ഥ​ക്കെ​തി​രെ ബ്ലോ​ക്ക് പ​ഞ്ചാ​യ​ത്ത് അം​ഗം വൈ. ​ഷാ​ജ​ഹാ​ൻ അ​ധി​കൃ​ത​ർ​ക്ക് പ​രാ​തി ന​ൽ​കി.