കൊലപാതകശ്രമം: ഒന്നാംപ്രതി പിടിയിൽ

ശാസ്താംകോട്ട: വീട്ടിൽ കയറി ദമ്പതികളെ വെട്ടിക്കൊലപ്പെടുത്താൻ ശ്രമിച്ച കേസിലെ ഒന്നാംപ്രതി അറസ്​റ്റിൽ. പടിഞ്ഞാറെകല്ലട കോട്ടപ്പുറം ശാന്താലയം വീട്ടിൽ ജോസിനെയും ഭാര്യയെയും വീട്ടിൽ കയറി വെട്ടി ക്കൊലപ്പെടുത്താൻ ശ്രമിച്ച കേസിൽ തേവലക്കര അരിനല്ലൂർ പട്ടക്കടവ് ജിഷോവില്ലയിൽ ബൈജു (41) ആണ്​ ശാസ്താംകോട്ട പൊലീസി​െൻറ പിടിയിലായത്​.

കഴിഞ്ഞ ഒന്നിന് രാത്രി ഒമ്പതോടുകൂടിയായിരുന്നു സംഭവം. ദമ്പതികളുടെ മകനും പ്രതികളും തമ്മിൽ അടിപിടി നടന്നതിലുള്ള വിരോധമാണ് അക്രമകാരണമെന്ന്​ പൊലീസ്​ പറഞ്ഞു. ഈ കേസിലെ രണ്ടാംപ്രതി അജി നേരത്തെ അറസ്​റ്റിലായിരുന്നു.