ശാസ്താംകോട്ടയിൽ ചന്തക്കുരങ്ങുകളെ നാടുകടത്തും

ശാ​സ്താം​കോ​ട്ട: ശാ​സ്താം​കോ​ട്ട ച​ന്ത​യി​ലും പ​രി​സ​ര പ്ര​ദേ​ശ​ങ്ങ​ളി​ലു​മാ​യി പ്ര​ദേ​ശ​വാ​സി​ക​ൾ​ക്ക് ശ​ല്യം സൃ​ഷ്ടി​ക്കു​ന്ന ച​ന്ത​ക്കു​ര​ങ്ങു​ക​ളെ നാ​ടു​ക​ട​ത്താ​ൻ തീ​രു​മാ​നം. ശാ​സ്താം​കോ​ട്ട ഗ്രാ​മ​പ​ഞ്ചാ​യ​ത്ത് ഹാ​ളി​ൽ വ​നം​വ​കു​പ്പും പ​ഞ്ചാ​യ​ത്തും സം​യു​ക്ത​മാ​യി സം​ഘ​ടി​പ്പി​ച്ച യോ​ഗ​ത്തി​ലാ​ണ് തീ​രു​മാ​നം കൈ​ക്കൊ​ണ്ട​ത്.

ഇ​തി​ന്റെ ഭാ​ഗ​മാ​യി ശാ​സ്താം​കോ​ട്ട​യി​ലും പ​രി​സ​ര പ്ര​ദേ​ശ​ങ്ങ​ളി​ലും കു​ര​ങ്ങു​ക​ളെ ആ​ക​ർ​ഷി​ക്കു​ന്ന​ത​ര​ത്തി​ൽ പ്ര​ത്യേ​ക കൂ​ടു​ക​ൾ സ്ഥാ​പി​ക്കും. ഇ​ങ്ങ​നെ കൂ​ട്ടി​ൽ അ​ക​പ്പെ​ടു​ന്ന കു​ര​ങ്ങു​ക​ളെ വ​ന​ങ്ങ​ളി​ൽ എ​ത്തി​ച്ച് തു​റ​ന്നു​വി​ടും. ഇ​ത്ത​ര​ത്തി​ൽ മു​ഴു​വ​ൻ കു​ര​ങ്ങു​ക​ളെ​യും കാ​ട്ടി​ലെ​ത്തി​ച്ച് നാ​ട്ടി​ലെ ശ​ല്യ​ത്തി​ന് പ​രി​ഹാ​രം കാ​ണാ​നാ​ണ്​ പ​ദ്ധ​തി. ഇ​തി​ന്‍റെ ഭാ​ഗ​മാ​യി ജാ​ഗ്ര​ത സ​മി​തി​ക​ളും രൂ​പ​വ​ത്​​ക​രി​ക്കും.

ശാ​സ്താം​കോ​ട്ട​യി​ൽ ര​ണ്ടു​ത​ര​ത്തി​ലു​ള്ള വാ​ന​ര​ന്മാ​രാ​ണു​ള്ള​ത്. അ​മ്പ​ല​ക്കു​ര​ങ്ങു​ക​ളും ച​ന്ത​ക്കു​ര​ങ്ങു​ക​ളും. ഇ​തി​ൽ അ​മ്പ​ല​ക്കു​ര​ങ്ങു​ക​ൾ​ക്ക് ക്ഷേ​ത്ര​ത്തി​ൽ​നി​ന്നും മ​റ്റും ആ​ഹാ​രം ഉ​ൾ​പ്പെ​ടെ കി​ട്ടു​ന്ന​തി​നാ​ൽ ശ​ല്യ​ക്കാ​ര​ല്ല. എ​ന്നാ​ൽ, ച​ന്ത​ക്കു​ര​ങ്ങു​ക​ൾ ഇ​വ​രി​ൽ​നി​ന്ന്​ ഏ​റെ വ്യ​ത്യ​സ്ത​രാ​ണ്. ആ​ഹാ​രം തേ​ടി അ​ല​ഞ്ഞു​തി​രി​യു​ന്ന ഇ​ക്കൂ​ട്ട​ർ പ്ര​ദേ​ശ​ത്ത് വ​ലി​യ നാ​ശ​ന​ഷ്ട​മാ​ണ് വ​രു​ത്തു​ന്ന​ത്. തെ​ങ്ങ് ഉ​ൾ​പ്പെ​ടെ കാ​ർ​ഷി​ക വി​ള​ക​ൾ ന​ശി​പ്പി​ക്കു​ന്ന​തും ജ​ന​ങ്ങ​ളെ ആ​ക്ര​മി​ക്കു​ന്ന​തും പ​തി​വാ​ണ്. വീ​ടു​ക​ൾ​ക്കു​ള്ളി​ൽ ക​ട​ന്ന് ആ​ക്ര​മ​ണം ന​ട​ത്തു​ക​യും ഓ​ടി​ട്ട കെ​ട്ടി​ട​ങ്ങ​ളു​ടെ ഓ​ടു​ക​ൾ ന​ശി​പ്പി​ക്കു​ക​യും ചെ​യ്യു​ന്നു​ണ്ട്. വാ​ട്ട​ർ ടാ​ങ്കു​ക​ൾ, ടാ​പ്പു​ക​ൾ, പൈ​പ്പു​ക​ൾ തു​ട​ങ്ങി​യ​വ ന​ശി​പ്പി​ക്കും.

ക​ഴു​കി​യി​ട്ടി​രി​ക്കു​ന്ന തു​ണി​ക​ൾ എ​ടു​ത്ത് കൊ​ണ്ടു​പോ​കു​ന്ന​തും പ​തി​വാ​ണ്. 2019 ൽ ​ഹൈ​കോ​ട​തി​യു​ടെ നി​ർ​ദേ​ശ​പ്ര​കാ​രം ഡ​ൽ​ഹി​യി​ൽ​നി​ന്ന്​ ‘വാ​താ​വ​ര​ൺ’ സം​ഘ​മെ​ത്തി പ്ര​ശ്ന​ക്കാ​രാ​യ 110 ഓ​ളം ച​ന്ത​ക്കു​ര​ങ്ങു​ക​ളെ പി​ടി​കൂ​ടി ജി​ല്ല​യു​ടെ കി​ഴ​ക്ക​ൻ മേ​ഖ​ല​യി​ലെ വ​ന​പ്ര​ദേ​ശ​ങ്ങ​ളി​ൽ തു​റ​ന്നു​വി​ട്ടി​രു​ന്നു. എ​ന്നാ​ൽ, പ​ദ്ധ​തി പൂ​ർ​ണ​തോ​തി​ൽ ല​ക്ഷ്യം ക​ണ്ടി​ല്ല.

ആ​ഴ്ച​ക​ൾ​ക്കു​ള്ളി​ൽ​ത​ന്നെ കു​ര​ങ്ങു​ക​ളി​ൽ പ​കു​തി​യും തെ​ന്മ​ല, ആ​ര്യ​ങ്കാ​വ് മേ​ഖ​ല​ക​ളി​ൽ​നി​ന്ന്​ ജ​ന​വാ​സ​മേ​ഖ​ല​യി​ലെ​ത്തി. ഇ​തു പ​രാ​തി​യാ​യി. കാ​ട്ടി​ൽ വി​ട്ട​വ​ത​ന്നെ ശാ​സ്താം​കോ​ട്ട​യി​ൽ മ​ട​ങ്ങി​യെ​ത്തി​യെ​ന്ന് ചി​ല​ര്‍ വി​ശ്വ​സി​ക്കു​ന്നു. കൂ​ടു​ത​ല്‍ കു​രു​ങ്ങു​ക​ള്‍ പെ​റ്റു​പെ​രു​കി​യാ​ണ് നി​ല​വി​ൽ പ്ര​ശ്ന​ക്കാ​രാ​യി മാ​റി​യി​രി​ക്കു​ന്ന​ത്. 400 ഓ​ളം കു​ര​ങ്ങു​ക​ൾ ഇ​ത്ത​ര​ത്തി​ൽ ഉ​ണ്ടെ​ന്നാ​ണ് ക​രു​തു​ന്ന​ത്.

പ​രാ​തി വ്യാ​പ​ക​മാ​യ​തോ​ടെ​യാ​ണ് പ​ഞ്ചാ​യ​ത്ത് വ​നം വ​കു​പ്പു​മാ​യി ചേ​ർ​ന്ന് പ​രി​ഹാ​രം കാ​ണാ​ൻ രം​ഗ​ത്തെ​ത്തി​യ​ത്.​പ​ഞ്ചാ​യ​ത്ത് പ്ര​സി​ഡ​ന്റ് ആ​ർ. ഗീ​ത അ​ധ്യ​ക്ഷ​ത​വ​ഹി​ച്ചു. പൊ​തു​പ്ര​വ​ർ​ത്ത​ക​ൻ എ​സ്. ദി​ലീ​പ് കു​മാ​ർ മു​ഖ്യ​മ​ന്ത്രി​ക്ക്​ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് ന​ട​പ​ടി​ക​ൾ ആ​രം​ഭി​ച്ചി​രി​ക്കു​ന്ന​ത്.