സ്ഥലം അന്യാധീനത്തിൽ; കുന്നത്തൂർ കെ.എസ്​.ആർ.ടി.സി ഡിപ്പോ പേരിലൊതുങ്ങുന്നു

ശാ​സ്താം​കോ​ട്ട: കു​ന്ന​ത്തൂ​രി​ൽ കെ.​എ​സ്.​ആ​ർ.​ടി.​സി ഡി​പ്പോ ഉ​ണ്ടോ ഇ​ല്ല​യോ എ​ന്ന​തി​ൽ ഇ​പ്പോ​ഴും സം​ശ​യം ബാ​ക്കി. ഡി​പ്പോ​ക്ക്​ വേ​ണ്ടി വി​ട്ടു​കൊ​ടു​ത്ത സ്ഥ​ലം റ​വ​ന്യൂ​വ​കു​പ്പി​ന്‍റെ കൈ​യി​ലാ​ണെ​ന്നാ​​ണ്​ പു​തി​യ ​ക​ണ്ടെ​ത്ത​ൽ. ഓ​പ​റേ​റ്റി​ങ്​ സെ​ന്‍റ​ർ എ​ന്ന നി​ല​യി​ൽ​ത​ന്നെ​യാ​ണ്​ ഇ​പ്പോ​ഴും ഡി​പ്പോ.

ഒാ​രോ നി​യ​മ​സ​ഭ മ​ണ്ഡ​ല​ത്തി​ലും ഓ​രോ കെ.​എ​സ്.​ആ​ർ.​ടി.​സി ഡി​പ്പോ എ​ന്ന ന​യ​ത്തി​ന്‍റെ ഭാ​ഗ​മാ​യാ​ണ് 2010ൽ ​ശാ​സ്താം​കോ​ട്ട​യി​ൽ കെ.​എ​സ്.​ആ​ർ.​ടി.​സി ഓ​പ​റേ​റ്റി​ങ്​ സെൻറ​ർ ആ​രം​ഭി​ച്ച​ത്. ഇ​തി​നു​വേ​ണ്ടി പ​ഞ്ചാ​യ​ത്തി​ന്‍റെ അ​ധീ​ന​ത​യി​ൽ ച​ന്ത പ്ര​വ​ർ​ത്തി​ച്ചി​രു​ന്ന 40 സെൻറ് റ​വ​ന്യൂ ഭൂ​മി വി​ട്ടു​ന​ൽ​കി. ശാ​സ്താം​കോ​ട്ട​യി​ലെ വ്യാ​പാ​രി​വ്യ​വ​സാ​യി​ക​ൾ 10 ല​ക്ഷം രൂ​പ ചെ​ല​വ​ഴി​ച്ച് ഓ​ഫി​സ് കെ​ട്ടി​ട​വും പ​ണി​ത് ന​ൽ​കി. ഉ​ദ്ഘാ​ട​ന​വേ​ദി​യി​ൽ അ​ന്ന​ത്തെ ഗ​താ​ഗ​ത​മ​ന്ത്രി എ​ൻ. ശ​ക്ത​ൻ പ്ര​ഖ്യാ​പി​ച്ച​ത്​ ഇ​ത് ഓ​പ​റേ​റ്റി​ങ്​ സെൻറ​റാ​യ​ല്ല, ഡി​പ്പോ ആ​യി​ത്ത​ന്നെ ഉ​ദ്ഘാ​ട​നം ചെ​യ്യു​ക​യാ​െ​ണ​ന്നാ​ണ്.

ഒ​രു സ്റ്റേ​ഷ​ൻ മാ​സ്റ്റ​ർ ഉ​ൾ​പ്പെ​ടെ​യു​ള്ള ഓ​ഫി​സ് സം​വി​ധാ​ന​വും പു​തി​യ ചി​ല സ​ർ​വി​സു​ക​ളും പ്ര​ഖ്യാ​പി​ച്ചാ​ണ്​ പ്ര​വ​ർ​ത്ത​നം തു​ട​ങ്ങി​യ​ത്. പി​ന്നീ​ട് കെ.​എ​സ്.​ആ​ർ.​ടി.​സി​യു​ടെ ആ​വ​ശ്യ​പ്ര​കാ​രം കോ​വൂ​ർ കു​ഞ്ഞു​മോ​ൻ എം.​എ​ൽ.​എ​യു​ടെ പ്രാ​ദേ​ശി​ക​വി​ക​സ​ന ഫ​ണ്ടി​ൽ നി​ന്നു​ള്ള ഒ​രു കോ​ടി രൂ​പ ചെ​ല​വ​ഴി​ച്ച് ബ​സ് ബേയും നി​ർ​മി​ച്ചു. ഗ്യാ​രേ​ജ് വേ​ണ​മെ​ന്ന പി​ന്നീ​ടു​ള്ള കെ.​എ​സ്.​ആ​ർ.​ടി.​സി​യു​ടെ ആ​വ​ശ്യം പ​രി​ഗ​ണി​ച്ച് ശാ​സ്താം​കോ​ട്ട ഗ്രാ​മ പ​ഞ്ചാ​യ​ത്ത് മു​ൻ​കൈ​യി​ൽ സ​മീ​പ പ​ഞ്ചാ​യ​ത്തു​ക​ളു​ടെ സ​ഹ​ക​ര​ണ​ത്തോ​ടെ വ​സ്തു വാ​ങ്ങി ഇ​തി​ൽ കോ​വൂ​ർ കു​ഞ്ഞു​മോ​ൻ എം.​എ​ൽ.​എ​യു​ടെ പ്രാ​ദേ​ശി​ക വി​ക​സ​ന ഫ​ണ്ടി​ൽ​നി​ന്നു​ള്ള 50 ല​ക്ഷം രൂ​പ ചെ​ല​വ​ഴി​ച്ച് അ​ടി​സ്ഥാ​ന​സൗ​ക​ര്യ​ങ്ങ​ൾ ഒ​രു​ക്കി​ന​ൽ​കു​ക​യും ചെ​യ്തു.

ഇ​തി​നി​ട​യി​ൽ കെ.​എ​സ്.​ആ​ർ.​ടി.​സി സാ​മ്പ​ത്തി​ക​പ്ര​തി​സ​ന്ധി​യി​ലേ​ക്ക് നീ​ങ്ങി​യ​തോ​ടെ ഡി​പ്പോ​യു​ടെ പ്ര​വ​ർ​ത്ത​നം നി​ല​ച്ചു. വ​ർ​ഷ​ങ്ങ​ളാ​യി ഈ ​സ്ഥി​തി തു​ട​രു​ക​യാ​ണ്. ഇ​പ്പോ​ൾ ഓ​ഫി​സി​ന് വേ​ണ്ടി നി​ർ​മി​ച്ച കെ​ട്ടി​ട​ത്തി​ൽ ശാ​സ്താം​കോ​ട്ട താ​ലൂ​ക്ക് ആ​ശു​പ​ത്രി​യു​ടെ താ​ൽ​ക്കാ​ലി​ക സം​വി​ധാ​ന​ങ്ങ​ളും ഗാ​രേ​ജി​നു​വേ​ണ്ടി നി​ർ​മി​ച്ച കെ​ട്ടി​ട​ത്തി​ൽ ശാ​സ്താം​കോ​ട്ട ഗ്രാ​മ​പ​ഞ്ചാ​യ​ത്തി​ന്‍റെ എം.​സി.​എ​ഫു​മാ​ണ്​ പ്ര​വ​ർ​ത്തി​ക്കു​ന്ന​ത്.

ഇ​തി​നി​ട​യി​ലാ​ണ് ഡി​പ്പോ​ക്ക്​ വേ​ണ്ടി വി​ട്ടു​കൊ​ടു​ത്ത സ്ഥ​ലം റ​വ​ന്യൂ​വ​കു​പ്പി​ന്‍റെ കൈ​യി​ലും ഗാ​രേ​ജി​ന് വാ​ങ്ങി​യ സ്ഥ​ലം ശാ​സ്താം​കോ​ട്ട ഗ്രാ​മ പ​ഞ്ചാ​യ​ത്ത് സെ​ക്ര​ട്ട​റി​യു​ടെ പേ​രി​ലു​മാ​െ​ണ​ന്ന വെ​ളി​പ്പെ​ട്ട​ത്. അ​ടു​ത്ത കാ​ല​ത്താ​യി ഓ​ഫി​സ് പ്ര​വ​ർ​ത്തി​ച്ചി​രു​ന്ന കെ​ട്ടി​ടം ഉ​ൾ​പ്പെ​ടെ 50 സെൻറ് സ്ഥ​ലം താ​ലൂ​ക്ക് ആ​ശു​പ​ത്രി വി​ക​സ​ന​ത്തി​ന് സ​ർ​ക്കാ​ർ ഏ​റ്റെ​ടു​ക്കു​ക​യും ച​ന്ത മു​മ്പ്​ പ്ര​വ​ർ​ത്തി​ച്ചി​രു​ന്ന സ്ഥ​ല​ത്തേ​ക്ക് ത​ന്നെ മാ​റ്റി പ്ര​വ​ർ​ത്ത​നം ആ​രം​ഭി​ക്കു​ക​യും ചെ​യ്ത​തോ​ടെ കു​ന്ന​ത്തൂ​രി​ലെ കെ.​എ​സ്.​ആ​ർ.​ടി.​സി ഡി​പ്പോ എ​ന്ന സ്വ​പ്നം എ​ന്ന​ന്നേ​ക്കു​മാ​യി അ​വ​സാ​നി​ക്കു​ക​യാ​ണ്. ഇ​തി​നി​ട​യി​ൽ ഡി​പ്പോ​ക്ക്​ വേ​ണ്ടി ചെ​ല​വ​ഴി​ച്ച കോ​ടി​ക​ൾ പാ​ഴാ​വു​ക​യും ചെ​യ്തു.